Mąątɛ̨nɛ̨ 18:9 - Yálá laawoo hɛɓɛ (dc)

⁹ Nwɔ̨n nulu ə kɛi kulɔ ɉunwɔ̨i, kɛɛ kala nwɔ̨n nən yɛ kulɔ na, nwɔ̨n dəŋąɠaa diɛ ɓo ɉu.

Yálá laawoo hɛɓɛ

⁹ Nwɔ̨n nulu ə kɛi kulɔ ɉunwɔ̨i, kɛɛ kala nwɔ̨n nən yɛ kulɔ na, nwɔ̨n dəŋąɠaa diɛ ɓo ɉu.

Bible

⁹ È ŋ̀ele-kɔlɔŋ ƃêla, é yéŋ ɣele-kɔlɔŋ su kpíniɛɛ kɛ́ ƃò gɔ́ɔ mu.

Mąątɛ̨nɛ̨ 18:9 Referans Kwoze

Dutɛrɔnome 33:26

Moisə yɛ nwɔ̨nɔ̨ diɛ: «Yesurun, hɛn da hvo laa da, ə́ mąąkpɔmąą ɓo Yálá di pɛliɛ, yaai mąąwia, yɛ hiɛ tulɔ kpinįnŋąą lɔwai a vaŋą yələkɔlɔn ɉu.

M̀ɛni-lɛɛi 20:11

Yili pulu, ŋį́ tɔɔkpəlin gɛnɛ̨ gwɛlɛɛ pə-pə ta kaa, nui kɛ ɉu heeni; lɔi da yələkɔlɔn di pu dɔwɔ, di pɔɔ kpɛli hvo lɛɛ laa.

Piɛrə veelɛ 3:10

Ną́mu Jesus pa hvóló kaa pai kɛi yɛ nwuɔ̨ mun bai lɔwai. Yələkɔlɔn gaa pai tɛɛi a tin gɛnɛ̨, yələ kwəi hɛnŋąa kəlee kaa pai həɠeen ɉi, lɔi da ɉu hɛnŋąa kəlee di kaa pai kələn ɉi.

Hebreu 12:26

Yálái ŋɛ̨i nwoo ə kɛi lɔi tumo, aa mo yiihu, yɛ: «Gáá pai lɔi kpɛlin ɉi tanɔ̨n gbən a gbəli-kpəli, hva lɛɛ lɔ a lɔi yaa tanɔ̨n, yələkɔlɔn naa kaa ɉu.»

Ɉaan 13:7

Jesus ə nwoo pulu pənə yɛ mą: «Mɛ̨nįi ŋɛ̨i gáá gɛi hva pɛli ɉu gbɛɛ ɓoi. Kɛlaa, ə kaa pai mukulaa kɔ́lɔn ɉi.»

Markə 15:33

Ə kɛ a hvóló tɛɛ nwun ma lɔwai, kpinį ə pɛlɛ lɔi mɛ̨i nąą kəlee ə lɛɛ la ɉu, ə kɛ a lɛɛlɛ haaɓa.

Maafîu 24:29

«Mɔ̨nɔ̨ kpɛa-kpɛa tii tɛɛ pulu, ɲąąɓa, hvóló a tɛɠi, ɲąnįn hva kɛa hvóló, pɛmɛ̨lɛ̨n-gɔw diɛ kulɔ yələi diɛ too. Huwalawalaɠaai yələ kwəi, da kpɛlin.

Samia Veerɛi 22:10

Ə yələkɔlɔn volóon, ə yɛɛ, tulɔkpiliɠilin gɛnɛ̨ ə ɓo gɔwɔ mu.

Azaya 51:6

'Ka ka ɲɛ̨i hee yələkɔlɔn mą, yili pulu ka lɔi ɓa kaa, yələkɔlɔn gaa lɔ pai lɔi gbąi yɛ nwɔ̨n nulu, lɔi yɛ haɠa yɛ həɠə; ɉu nuą diɛ haa yɛ koo koon ɉɛnŋąą. Kɛlaa nwɔ́ ɓalo mɛ̨nįi nwɛi gaa lɔ laa a yələ kəlee, nwɔ́ tələnmolaai hva too.

Mąątɛ̨nɛ̨ 68:4

Kɛlaa, tələnmonuą kaa kwəinɛ̨ɛ̨ hu, diɛ kwəinɛ̨ɛ̨ kulɔ Yálá líila, diɛ mąną a ɓə́lə́n.

Lɛɛ gbɔwɔ ɓa 19:18

Sinai yee ə kɛ lɔ a nwɔ̨n nulu. Mąąhɔlɔɓo, Yai-Laa aa kɛ yɛɛ laa nwɔ̨n ɉu, nwɔ̨n nulu ə kɛi tɛ yɛ kpaɠa nwɔ̨n nulu, ɲee yɛ kpɛlin gbɔ kɛnɛ̨.

Mąątɛ̨nɛ̨ 50:3

Ku wɔ Yálái ə pa wɛ! Hvo kɛa naapilɛ! Nwɔ̨n gaa ɲɛ̨itɔwɔ, yɛ kɛɛ kələn; tulɔ hvaŋą kɛnɛ̨ ə ɓo gwɛlɛ nąą kəlee.

Mąątɛ̨nɛ̨ 97:3

Nwɔ̨n gaa hiɛi dɔwɔ, yɛ ɲowoɠaa kələn gwɛlɛ nąą kəlee.

Azaya 66:15

Mąąhɔlɔɓo, Yai-Laa kaa pai, Gaa pai nwɔ̨n ɉɛ̨ąi, nwɔ kɔ́ kɔ́ wotoloɠaai kaa yɛ hvąŋą tulɔ, gwələi di dɔɔ mą a líiholi, yɛ gulɔ a nwąną lɔ pələ, ɛlɛɛ, mąąɲɔwi di mo, yɛ gwələ kulɔ a nwɔ̨n nən.