Mąątɛ̨nɛ̨ 18:35 - Yálá laawoo hɛɓɛ (dc)

³⁵ A ɲééɠaa huwalawala, kɔ́ kɔ́ mɛ̨nį ɓa, ɛlɛɛ, yɛ gɛ ɲéé kɔ̨nwɔ̨n yɛ kwɛli kilɛn bili.

Yálá laawoo hɛɓɛ

³⁵ A ɲééɠaa huwalawala, kɔ́ kɔ́ mɛ̨nį ɓa, ɛlɛɛ, yɛ gɛ ɲéé kɔ̨nwɔ̨n yɛ kwɛli kilɛn bili.

Bible

³⁵ Yaâ ŋuŋ ma ƃô kɔli-kalaŋ tɛ́ɛ ḿbɔ. Ya ŋ́gɛ a núu kɛ́tɛ a íwala-wala laai. Ŋa ŋuŋ ma ƃo sɔlɔ ƃó íwala-walai sârai.

Mąątɛ̨nɛ̨ 18:35 Referans Kwoze

Samia Veerɛi 22:36

Yá ə́ wɔɔ yee tɛɛ mąą hə́mə́i tɛɛ bɔ́, ŋą́ ə́ təli, yá hvaa nwóó mu, ə lɛɛ, yɛ́ ɉúwalawala.

Mąątɛ̨nɛ̨ 28:7

Yai-Laa ɓə gaa a mą́ą́kɔ̨nwɔ̨ hįi, da mą́ą́kpɛ hémé; ŋą́ gílitɔɔ mą, ə mą́ą́kpɔnmąą ɓo, gáá pilii yələi a kwəinɛ̨ɛ̨, gɛ́ ɉɛɠɛɛɓo a wələ.

Korɛntə veelɛ 10:1

Ɲą́ą́ Polə, ɲą́ą́ gbínįlee ɓə ká mąąnɛ̨ɛ̨i Kristə ŋą liinɛ̨ɛ̨ gwəilaa da ŋą wɛlikɛmąąlaa hu, ɲą́ą́ ŋɛ̨i ŋą́ kɛ ká ɲɛ̨i ɓa, gɛ́ gbɔ́wɔ́ koloon ká lɔwai, kɛlaa, ŋą́ kɛ kwɛaa la, níikpəlɛɛ káá,

Azaya 40:11

Gaa yɛ ɓɛlaa mɛ̨ikaa mun, ɲɛ̨i kaa nwɔ ɓɛlaaɠaai diɛ, a ɲee haŋą lɔ nwɔ ɓɛlaaɠaai di lɛɠɛ di kee ɓa, yɛ mɛlaa lonnii pɛlɛ ɲee kɔ̨nwɔ̨n ɉu, yɛ mɛlaa kɔ̨nwɔ̨leeɠaa pɛlɛ kɛɛnąą ɲąąlaɠiɛ ɓa.

Dutɛrɔnome 33:29

Israɛlə! Ə́ nwun na nɛ̨ɛ̨i! Gbɛɛ ɓə ka yaa ka kulaa tii ka kee ɓai? Yɛ́i ə tɔɔ bulu ɓaa Yai-Laa! Yaa ɓə gaa a ə́ mąąkpɔmąą ɓo hə́mə́! Yaa lɔ ɓə gaa a ə́ wɔ huwalawala ɓɔwa kwɛa! Ə́ yowoɠaa di hvo kolokpɛli di lii pɔ wɔlɔi ə́ pɔ, ya di wɔ lɔi too ə́ kɔ́wɔ mu, yɛ́ hiɛ ɉu.»

Mąątɛ̨nɛ̨ 17:7

Ə́ wɔ tələnmolaa kulɔ pɔ̨nɔ̨ ŋą, ə́ nuąi di mąąkilɛi di malo, yai a nuą kulɔ di yowoɠaa yəi, a ə́ wɔ huwalawala yeei.

Azaya 22:3

Ə́ wɔ kɔ́ ɲɛ̨itɔwɔ nuą kəlee daa pu, daa di hon a kɔluwɔɠaa, di hvo mąn kilɛn ɲąą lɔwa li diɛ, nuąi kpɔ di di kaa, di gəlee hon a kɔluwɔ, ya pa daa kɛ pu kpɔ daa li kwɛala.

Mąątɛ̨nɛ̨ 5:12

Nuąi kpɔ ya di lɔ ə́ nįnįn mui, 'di kɛ kwəinɛ̨ɛ̨ hu, a yələ kəlee kwəinɛ̨ɛ̨. Nuąi ə́ laa wɛli kaa diɛi, yá di mąąkpɛ, di kaa pai kɛi tómąi a kwəinɛ̨ɛ̨.

Mąątɛ̨nɛ̨ 144:1

Davidə nwɔ wələ woo. Mąąwiɛ ə kɛ Yai-Laa ɓa, yai a mą́ą́kɔ̨nwɔ̨ kwɛni, ya ɓə a ɲéé ɲąątɔɔ kɔ́ ɓa, yɛ ɲéékpiɛɠaa tənən dɔɔ, kɔ hu.