Mąątɛ̨nɛ̨ 18:3 - Yálá laawoo hɛɓɛ (dc)

³ Yai-Laa kaa a nwɔ́ kwɛni, a nóo kpɔlɔ, da nwún mąąɓomun. Yaa ɓə a nwɔ́ Yálá, a kwɛni woloi ŋą́ mą́ą́ kilɛ ɉui; gaa a nwɔ́ hə́mə́, a nwɔ́ yee tɛɛmąą kɛ kwɛli hɛn da mą́ą́kpɛ hįi.

Yálá laawoo hɛɓɛ

³ Yai-Laa kaa a nwɔ́ kwɛni, a nóo kpɔlɔ, da nwún mąąɓomun. Yaa ɓə a nwɔ́ Yálá, a kwɛni woloi ŋą́ mą́ą́ kilɛ ɉui; gaa a nwɔ́ hə́mə́, a nwɔ́ yee tɛɛmąą kɛ kwɛli hɛn da mą́ą́kpɛ hįi.

Bible

³ Ŋá Yâwɛɛ tòli é ŋ́uŋ ma ƃó ŋ́gbɔara-ƃelai yêei. Laa-maa tɛ̂ é tɛ́ɛ Yâwɛɛ pɔ́.

Mąątɛ̨nɛ̨ 18:3 Referans Kwoze

Mąątɛ̨nɛ̨ 91:15

A də́li, ŋą́ nwoo mu hon, gáá pai kɛi bɔ, mɔ̨nɔ̨ hu; ŋą́ nwun mąąɓo, ŋą́ naa tɛ.

Lukə 1:71

Yálá ə wɔlɔ mįnɛ̨ həɠə, yɛ a ku kulɔ ku yowoɠaa da ku wɛli kpɛɛ mąą nuą yee mu.

Mąątɛ̨nɛ̨ 145:3

Yai-Laa kɛnɛ̨i, Mąąnɛ̨ɛ̨i lɔ di mąątɛ̨nɛ̨, nu hva pɛli gɛnɛ̨ pələ kiliin ɉi.

Mąątɛ̨nɛ̨ 62:8

Málo mɛ̨nį, da ɲɛ̨́i pɔ̨nɔ̨ mɛ̨nį, gəlee kaa Yálá yəi. Yálá ɓə a mą́ą́kɔ̨nwɔ̨ kwɛni walawala, a mą́ą́kilɛi.

Samia Veerɛi 22:4

Mąąwiɛ ə kɛ Naa ɓa. Ŋą́ dəli, ya ɓə a yee tɛɛ mąą tɛɛ bɔ́ ɲówoɠaa mɛ̨i.

Mąątɛ̨nɛ̨ 96:4

Mąąhɔlɔɓo, Yai-Laa kɛ̨nɛ̨i, Mąąwiɛ kaa a nwɔɔ. Ɲɛ̨i mąąɲɔwuɔi, gɛnɛ̨ yáláɠaa kəlee diɛ.

Mąątɛ̨nɛ̨ 55:16

Di hukala mɛ̨nį ə wolo diɛ, di lɛɛ a di hvulú di yɛɛ ɲąmuątaa; mąąhɔlɔɓo, kili ɲɔ̨nwɔ̨ɔ̨ kaa di yəi bɛlɛ́n, ə ɓo di hu.

Mąątɛ̨nɛ̨ 50:15

Ɛlɛɛ, ɲələi yá kɛ la kanąn ɉu, də́li, ŋą́ ə́ kulɔ ɉu, ə gɛ ə́ mą́ą́wiɛ.

Nehemi 9:5

Yili pulu, Levi lonnii, Yesua, Kadmiɛlə, Bani, Hasavneya, Serevia, Hodiya, Sevania, da Petahia, diɛ nuą diɛ: «Ka ka waa, ka Yai-Laa ka wɔ Yálá mąątɛ̨nɛ̨, yələ kəlee da nwɔɔ. «Ka mąątɛ̨nɛ̨! Ka naa tɛ! Naa kɛnɛ̨i dɛɛ laa kəlee ɓa.

M̀ɛni-lɛɛi 4:11

«Oo! Ku Ną́mu, ku wɔɔ Yálá, yɛ́ ɓə ə́ mąąnɛ̨ɛ̨i ku, mąąwiɛlaa, kɛnɛ̨laa da hvaŋą laa kɛ yɛ́, mąąhɔlɔɓo, yɛ́ ɓə hɛn gəlee pɛli, Yɛ́ ɓə hvaa mą diɛ kɛ yɛnɛ̨ɛ̨, ɛlɛɛ diɛ yɛnɛ̨ɛ̨ kɛ.»

Gɛlaɠaa 2:21

Nąąlɔwai, nui a tomą Ną́mu Yálá pɔ pələ, nwun mąą a ɓo.›

Mąątɛ̨nɛ̨ 76:4

Nąą ɓə, ə kilɛn da tɔ́nwąɠaa di hu yali-yali laa, da hə́mə́, da kɔ́ kɔ́ hɛnŋąą kəlee.

Mąątɛ̨nɛ̨ 48:1

Kore lonnii di wɔ wələ.

Mąątɛ̨nɛ̨ 3:4

Kɛlaa, Yai-Laa, yɛ́ ɓə a nwɔ́ kɔ́ kɔ́-gbala, yɛ́ ɓə a nwɔ́ ɲɛ̨i pɔ̨nɔ̨, yai a nwún mįhəɠə.

Mąątɛ̨nɛ̨ 31:4

Yɛ́ a mą́ą́kpɛ kwɛni da nwɔ́ taa wala wala; ə́ kaa pai dɛ̨́nɛ̨n dɔɔi, ə́ laa mąąwiɛ mɛ̨nį ɓa.

Mąątɛ̨nɛ̨ 62:3

A tɛ̨ą, yaa lɔ ɓə a málo kwɛni, Mą́ą́kpɛ táá wala wala, mą́ą́ hva pɛli kpɛlin ɉi.

Mąątɛ̨nɛ̨ 71:3

'Kɛ́ a mą́ą́kilɛi kwɛni, a ɓɛi ŋą́ nóó laa a yələ kəlee; Ə́ naa ə́ kwəi yɛ́ ə́ kaa máloi, mą́ą́kɔ̨nwɔ̨ kwɛni ɓaa a yɛ́, da mą́ą́kpɛ hįi.

Mąątɛ̨nɛ̨ 91:2

Ŋą́ kɛ Yai-Laa ɓa, «Yɛ́ ɓə a mą́ą́kilɛi, mą́ą́kpɛ taa ɓaa Yɛ́, Yɛ́ ɓə a nwɔ́ Yálái, gílitɔɔi mą!»

Mąątɛ̨nɛ̨ 144:1

Davidə nwɔ wələ woo. Mąąwiɛ ə kɛ Yai-Laa ɓa, yai a mą́ą́kɔ̨nwɔ̨ kwɛni, ya ɓə a ɲéé ɲąątɔɔ kɔ́ ɓa, yɛ ɲéékpiɛɠaa tənən dɔɔ, kɔ hu.

Ɉeremi 16:19

Yai-Laa kaa a nóo kpɔlɔ, da mą́ą́kilɛi, ya ɓə ŋį́ li bɔ a mą́ą́wɛlii lɔwai, lɔiɠaa kaa pai pai ə́ pɔ, diɛ həɠə lɔi kpɔn ɉeei, diɛ kɛ diɛ: «Ɉɛnŋaa kɛ ku nąnni yəi a di kwɛlin, ə kɛ a kpɛli kpɛli, a kilikpɛɛgwəi hɛnŋaa, di yee hva lɔ mɛ̨nį ta ɓa.