Mąątɛ̨nɛ̨ 18:29 - Yálá laawoo hɛɓɛ (dc)

²⁹ Yɛ́ ɓə yá nwɔ́ nwɔ̨n hee, Yai-Laa nwɔ́ Yálá, kpinį a pɛlɛ mą́ą́, yá ɉu pɔ̨nɔ̨ ɲə́i.

Yálá laawoo hɛɓɛ

²⁹ Yɛ́ ɓə yá nwɔ́ nwɔ̨n hee, Yai-Laa nwɔ́ Yálá, kpinį a pɛlɛ mą́ą́, yá ɉu pɔ̨nɔ̨ ɲə́i.

Bible

²⁹ Ya wála-wala-laa tɛ̀ɛ ḿbɔ a gɛɛ ŋá ŋ́gbɔara-ƃelai yée mɛi ɣále, ŋá dítaa-lee-ŋai sóŋ.

Mąątɛ̨nɛ̨ 18:29 Referans Kwoze

Samia Veerɛi 22:30

Ŋą́ laŋin ɓoloonŋaa mɛ̨i ə́ haalai, nwɔ́ Yálá a kɛ bɔ́, kwa laŋin hįi mɛ̨i ku hvilɛn ɉu pələ.

M̀ɛni-lɛɛi 3:21

«Nui ɲee a tɛɛ mɛ̨nįɠaa tii ɓa, kwa yaa kwa hee tɔɔkpəlin danɔ̨n ɉu, yɛ bələi ɲą́ą́ kpɛlimąn ɲéé ə tɛɛ la mɛ̨nįɠaa tii diɛ, ɛlɛɛ, ŋį́ li, ŋį́ hee Ną́n Yálá kwɛlɛ nwɔ tɔɔkpəlin hu.

Kolosə 2:15

Ə ɲąąwooɓolaa da hvaŋąlaa di mąąkpoloon, ə di too nu kəlee ɲɛ̨i ɓa. Ə di pu gɔwɔ mu, a ŋą kolɔwa hvaŋą.

Korɛntə dɔlɔɔ 15:10

Kɛlaa, laai kələi gáá ɉu ŋɛ̨i, Yálá ŋą mɛ̨inɛ̨ɛ̨ halai li; ɛlɛɛ, ŋą mɛ̨inɛ̨ɛ̨ tii ə gɛ mą́ą́, hvo lɛɛ li a kpɛli. Kɛlaa yaamun, ŋą́ą́ kólo kɛ aa tɛɛ gɛlaɠaa kəlee diɛ, ɲą́ą́ hvə li, Yálá ŋą mɛ̨inɛ̨ɛ̨i gaa ɲə́i, ya ɓə.

Mąątɛ̨nɛ̨ 144:10

Yɛ́ ɓə ya kɔ́ nɛ̨ɛ̨ tɔɔɓɛlaa diɛ, yɛ́ Davidə nwun mąąkɔ̨nwɔ̨ ɓɔwa kwɛa yəi.

Mąątɛ̨nɛ̨ 144:1

Davidə nwɔ wələ woo. Mąąwiɛ ə kɛ Yai-Laa ɓa, yai a mą́ą́kɔ̨nwɔ̨ kwɛni, ya ɓə a ɲéé ɲąątɔɔ kɔ́ ɓa, yɛ ɲéékpiɛɠaa tənən dɔɔ, kɔ hu.

Samia Veerɛi 5:25

Davidə ə gɛ yɛ bələi Yai-Laa ə dí la, ə lɛɛ, ɲee ə tɛɛ Filisti nuą diɛ, ə di paa kpɔ ə həɠə Gɛva, ə həli Gɛzɛrə daa kpala.

Samuɛlə dɔlɔɔ 23:2

Davidə ə Yai-Laa mąąnin gɛ, yɛ mą: «Akɛtii, mąąnɛ̨ɛ̨ ŋą́ li ŋą́ kɔ́ pɛlɛ Filisti nuą diɛ?» Yai-Laa yɛ Davidə ɓa: «Li ə́ kɔ́ pɛlɛ diɛ, ə́ yee kaa li lɔi ə́ Keila taa nwun mąąɓo.»

Samuɛlə dɔlɔɔ 30:8

Davidə ə Yai-Laa mąąnin gɛ, yɛ mą: «Ŋą́ pɛli hvilɛn ɉii nu kpului tii pulu, gáá pai di hon ɉii ɓai?» Yai-Laa yɛ mą: «Hvilɛn di pulu, ə́ kaa pai di hon ɉii, ə́ ə́ wɔ nuąi kaa, ə di kulɔ di yəi.»

Samuɛlə dɔlɔɔ 17:49

Davidə ə nɛɛ mą ə ɲee lɔ nwɔ ɓíi hu, ə gwɛni tɔ̨nɔ̨ həɠə, ə bili ɲələvin ɉu, ə Goliatə hɔɔ la dɔwɔla, gwɛni ə lɔ Goliatə nwun ɉu, ə pɛlɛ nɔi ɓa.

Zôo 29:3

Ɓɛlɔwai Yálá nwɔ labon ə kɛi lən na nwún mɛ̨i, ɓɛlɔwai ŋį́ kɛi hiɛ la a kpinį, Yálá nwɔ kɛɛ pɔ̨nɔ̨i yɛ dénən dɔɔ.

Mąątɛ̨nɛ̨ 27:1

Davidə nwɔ wələ woo. Yai-Laa ɓə a nwɔ́ kɛɛ pɔ̨nɔ̨, da málomun. Gbɛɛ ɓə ŋą́ pɛli ɲɔwi mą? Yai-Laa ɓə a mą́ą́ kɔ̨nwɔ̨ hį́i. Gbɛɛ ɓə mą́ą́ a kpɛlin ɲɛ̨i ɓa?