Mąątɛ̨nɛ̨ 18:15 - Yálá laawoo hɛɓɛ (dc)

¹⁵ Ə nwɔ mɛ̨ɛ̨kɔwɠaai pili pələ kəlee pɔ, yɛ mąlą-mąlą kulɔ kɛɛnąą kəlee.

Yálá laawoo hɛɓɛ

¹⁵ Ə nwɔ mɛ̨ɛ̨kɔwɠaai pili pələ kəlee pɔ, yɛ mąlą-mąlą kulɔ kɛɛnąą kəlee.

Bible

¹⁵ Yâwɛɛ lɛ̂wo è kùla zũâi é yúo káo ma lɛ́, ǹɔii é lɛ́ɛ lâani a vólo, tãi è làɣi la ŋɔkpɔara-ƃelai dîa a lii-ŋwana perei.

Mąątɛ̨nɛ̨ 18:15 Referans Kwoze

Mąątɛ̨nɛ̨ 106:9

Ə tómą Veengbɔ̨nɔ̨ gboloyá mɛ̨i, yili ə kpala, Ə nwɔ nuą tɛɛ paalə kpon hu kwɛaa hu, a di kɔwɔ mąą kpalaa, yɛ da kɛi hiɛ lɔi kpalan mɛ̨i.

Lɛɛ gbɔwɔ ɓa 15:8

Ə́ hunwɔ̨i nɔ̨ɔ̨ a yáɠaa kpinįn gɛ, yáɠilin yɛ tɔɔ gee mɛ̨i, yɛ kpukpu, gboloyá kpon ɉu yɛ walawala.

Mise 6:2

Ka ka wəli tɔɔ Yai-Laa nwɔ kiti wooi ɓa, yeeɠaa! Ɛlɛɛ, kaai a lɔi kɔ́wɔ hvilɛn gwɛni walawala, 'ka ka wəli tɔɔ! Vaai Yai-Laa da nwɔ nu huwui di lɔwai, ya ka: Da Israɛlə di kaa di woo hu kulɔi.

Ɉeremi 31:37

Yai-Laa woo ka, yɛ diɛ: «Akɛ nu a pɛli yələkɔlɔn goloon gɔɔn ɉii, akɛ nu a pɛli lɔi kpon ɉukwɛa pələ kɔ́ɔn ɉii, akɛtii, ɲą́ą́ gbɛli, ŋį́ pɛli gíli kulɔi Israɛlə nuą hu, di túwɔ́ hɔn mąą mɛ̨nį ɓa. Ɲą́ą́ Yai-Laa nwóó li!»

Mąątɛ̨nɛ̨ 104:5

Ə lɔi kpalan naa kpɔ tin-tin, tumun və mą a yələi lɔpee ta.

Mąątɛ̨nɛ̨ 76:6

Gɔ́kuláá kpəɠiɛɠaai tii, di lɛɛ yíi, diɛ di mąąkpoloon, a ɉu wala wala nuąi tii, di yeekɔ̨nwɔ̨n ɉu aa haa.

Zôo 4:9

Yá gɛ ti, yáá Yálá nwɔ lii ɲąnwąną laai kwɛli. Ɉunwɛi hvaŋą a li a diɛ.

Samia Veerɛi 22:16

Yai-Laa tomą woo, da ɉunwɛi nɔ̨ɔ̨, a gboloyá həɠə naai, ɲa kɔ́w ɓa maa ə pɔ̨nɔ̨. Yɛ lɔi kɔ́wɔ hvilɛn ɉɛn maa pɔ̨nɔ̨.

Mąątɛ̨nɛ̨ 74:15

Yɛ́ ɓə ya nwun gulɔiɠaa da tɛɛyaɠaa laa ɓo, yɛ́ ya kpɛa kpɛaɠaa hu kpala.

Tɔɔɓɛlaa veelɛ 19:7

Gáá hvaai mą, dɔɔmun tii ə pənə ə li nwɔ lɔi hu, ɓɛlɔwai gaa pai wɛlɛɛ hɔlɔɓoi la, gaa pai haai gbɔ-kpɔɔ lɔi tii hu ɓɔwa laa pɔɔ.»

Zôna 2:6

Ɲá ə tɛ gwą́ną, gboloyá ə nwún mɛ̨i pu. Ɲái tumɔɠaa di kpįnįn nwún ma

Azaya 11:4

A mąąwɛli nuą mąą mɛ̨nį hutɔɔ a tɛ̨ą, yee hvowolo nuąi nɔi, a di mąą mɛ̨nį ɓo a ɉaŋąą. Nwoo kaa pai kɛi yɛ hváɠá, yɛ toomɛ̨i kɛ nuą kɛlɛ la, yɛ nwąnąlɔ nuą paa a naa wəleen.

Azaya 30:33

Gbaɠa-nwɔ̨n a kɛ a dɔɔ nąą tɔwɔ, a kɛ lɔ nwɔ̨nɔ̨ a bɛliɛ tɔɔmun mąą mɛ̨nį ɓa. Gwɛi a kɛ a diąą gee mɛ̨i kpɔ kɛnɛ̨, kɛɛnąą kɛnɛ̨ ta ɓa, nwɔ̨n ɉee mɛ̨nį ɓa. Yai-Laa nɔ̨ɔ̨ ɓə pai nwɔ̨n dooi ɉu, yɛ gbąnąą hunwɔ̨.

Samuɛlə dɔlɔɔ 7:10

Ɓɛlɔwai Samuɛlə ə kɛi gwɛli hvilɛn ɉaláái tii kulɔ la, Filisti nuą, di kɛi kɛa pa kɔ́ pɛlɛi Israɛlə nuą diɛ, kɛlaa, volói tii Yai-Laa ə nwɔ yələgbąnąąn ɓɛla Filisti nuą mɛ̨i a nwoo kɛnɛ̨, ə ɲɔw too di hu, gɔ́ ə kala diɛ, ə nɛ̨ɛ̨ Israɛlə ɓa.

Zôo 36:32

A ɲee hveelɛi laa kpulu yələgbɛnąą ɓa, yɛ níi lɛ mą.

Mąątɛ̨nɛ̨ 77:18

Tulɔ kpinįnŋaa di tulɔ pu, tulɔ yɛ duwɔ, ə́ wɔ mɛ̨ɛ̨kɔwɠaai diɛ kulɔ pələ kəlee.

Mąątɛ̨nɛ̨ 92:10

Yai-Laa! Ə́ yowoɠaa kaa li! Ə́ yowoɠaa kaa li, di nwun na pili hiɛ li; mɛ̨nį ɲɔ̨n gɛ nuą kəlee taɠa hiɛ li.

Mąątɛ̨nɛ̨ 144:6

Yələgbąnąą ɓɛla, ə́ di hu taɠa taɠa, ə́ wɔ tonwąɠaai pili, di di taɠa di kee ɓa.

Zakari 9:14

Yai-Laa kaa pai kɛi di nwun mɛ̨i, nwɔ mɛ̨ɛ̨kɔwi kaa pai kɛi lii, yɛ yələgbąnąą a kɛi yɛlɛ. Nąmu Yai-Laa, yɛ túlú hvɛɛ gɔ́ ɓa, yɛ həɠə ɉɛɠɛɛ pələ tulɔ hvaŋą hu yɛ pa.