Mąątɛ̨nɛ̨ 17:5 - Yálá laawoo hɛɓɛ (dc)

⁵ Ŋą́ hvilɛn ə́ wɔ pələɠaai mɛ̨i, mą́ą́ hva kpɛlin.

Yálá laawoo hɛɓɛ

⁵ Ŋą́ hvilɛn ə́ wɔ pələɠaai mɛ̨i, mą́ą́ hva kpɛlin.

Bible

⁵ Yá nɔ́ ƃé ŋ́gaa wɔ́lɔ ípôlu, ǹyaŋ fé pâi wɔ́lɔ tálanîi.

Mąątɛ̨nɛ̨ 17:5 Referans Kwoze

Mąątɛ̨nɛ̨ 44:18

Yili kəlee aa laa kuɔ, ya pa ku hvo kɛ lɛ̨ą li yɛ́, ku hvo kɛ ə́ wɔ mį́nɛ̨i kala li.

Mąątɛ̨nɛ̨ 119:133

Váŋąlɔ a ə́ wɔ tɔn nwooɠaai, 'hvó mɛ̨nį ɲɔ̨n nɛɛ laa hvo hee mą́ą́.

Mąątɛ̨nɛ̨ 121:7

Yai-Laa a ɲɛ̨i kɛ yɛ́, mɛ̨nį ɲɔ̨n ɉuwu-huwu kəlee tɔwɔ, yɛ ə́ wɔ yɛnɛ̨ɛ̨ laa hɔnmo.

Mąątɛ̨nɛ̨ 121:3

Hva ə́ lɛɛ laa ə́ kɔ́wɔ hvo talaan! Yíi hva tɛɛ a ə́ mąąkpɛmun!

Mąątɛ̨nɛ̨ 38:16

Yai-Laa! Yɛ́ lɔ ɓə gílitɔɔ yɛ́! Ną́mu Yálá! Yɛ́ lɔ ɓə pai nwóó mu hon ɉi!

Mąątɛ̨nɛ̨ 18:36

Ya yɛ́ kwɛli-gbalai tɛɛ bɔ́, yɛ́ ə́ ɓa-mįi-yee pu mú, yɛ́ gɛ́nɛ̨ a mą́ą́ mɛ̨nį ɲɛ̨i kulɔ pələ ə́ yəi.

Mąątɛ̨nɛ̨ 94:18

Ɓɛlɔwai ŋį́ kɛi kɛ la diɛ: «Dóó hiɛ ka!», nąąlɔwai ɓə ə́ wɔ wɛlikɛmąąlaa ə ɲee pu laa mú, yɛ́i a Yai-Laa.

Samuɛlə dɔlɔɔ 2:9

Nuąi da ɲɔw mą, a di mɛ̨i kaa. Kɛlaa, nu ɲɔ̨nwɔ̨ɔ̨ɠaa nwun na kaa pai pilii kpįnįi. Mąąhɔlɔɓo, nu nwɔ huwalawala hvee a kɔ́ nɛ̨ɛ̨ mą.

Ɉeremi 10:23

Yai-Laa! Gíli kaa ɉu, gɛ́: Nu kanŋaa di hva pɛli di kpɔɔ tənən dɔɔi, yɛ bələi mąąnɛ̨ɛ̨ la. Di hvo kpɛli pɛli li di kpɔɔ kɔ́wɔ hvilɛn ɉi kili ɓoi.

Zôo 23:11

Gɔ́wɔ́ hvilɛn ŋąą gbaaləɠaa hu. Gánąn ŋąąi nwɔ pələi ɓa, vá həɠə mɛ̨i.

Mąątɛ̨nɛ̨ 18:37

Yá gɔ́wɔ́ muhəɠə a nɛlɛɛ, gɔ́wɔ́ hu hva haa.