Mąątɛ̨nɛ̨ 17:15 - Yálá laawoo hɛɓɛ (dc)

¹⁵ Nwɛ́i, tələnmolaa hu ɓə gáá pai ə́ ɲɛ̨ilai kaai laa, ŋą́ pa ŋį́nąą ɓoi, ŋą́ pilɛ a ə́ ɲɛ̨ilai.

Yálá laawoo hɛɓɛ

¹⁵ Nwɛ́i, tələnmolaa hu ɓə gáá pai ə́ ɲɛ̨ilai kaai laa, ŋą́ pa ŋį́nąą ɓoi, ŋą́ pilɛ a ə́ ɲɛ̨ilai.

Bible

¹⁵ À kɛ̀ a ńyãa, ŋa pâi kɛ̂i íŋɛi-tuɛ a teniŋ-ƃo pere. Ŋa ŋ́ɛi lá ƃò, lii-nɛ̃ɛ a pâi kɛ̂i ḿâ, kpɛ́ni fêi, ŋ́gaa íkɔlɛ ma.

Mąątɛ̨nɛ̨ 17:15 Referans Kwoze

Korɛntə veelɛ 3:18

Ɛlɛɛ, gu kəlee kpɔ, ɉəɠə ɓɛla aa həɠə gu ɲɛ̨i, gu Nąmu ŋą mąąwiɛlaa ta aa həli guɔ, gu ɲɛ̨ilai mąą aa hvalən, gwaa kɛ a gulɔmąą, gu wɔ mąąwiɛlaa ta yɛ pɛlɛ lɔ mą a yələ kəlee gu Nąmu haalai, yai a Kili.

Maafîu 5:6

Nwun na nɛ̨ɛ̨ nuą ɓaa nuąi tələnmolaa wɛli kaa diɛ. Mąąhɔlɔɓo, Yálá kaa pai tələnmolaa tɛɛi di pɔ!

Mąątɛ̨nɛ̨ 11:7

Mąąhɔlɔɓo, Yai-Laa tələnmoɔi, tələnmolaa wɛli kaa mą, ɛlɛɛ, tələnmo nuą diɛ ɲɛ̨ilai gaa.

Mąątɛ̨nɛ̨ 16:11

Yá yɛnɛ̨ɛ̨ kɛ pələ lɛ mą́ą́, kwəinɛ̨ɛ̨ kɛnɛ̨ lɔ ɓə ə́ lííla; a mɛ̨nį ɲąąnɛ̨ɛ̨ɠaai kpɛɛ hvo mą, diɛ ɓə ə́ ɓa-mįi-yee hu.

Filipə 3:21

yai pai, gɔlɔ mąąwɛliɛ ŋɛ̨i guɔ, mąą hvalin ɉii a kɔ́lɔ mąąwiai gɛ pələ ə ɓo yɛ nwɛi. A yili kɛ a nwɔ huwalawalai gaa pai heei la hɛn gəlee mɛ̨i.

Azaya 26:19

Ə́ wɔ nuąi daa haa di kaa pai pənəi di yɛnɛ̨ɛ̨ kɛ, di pɔwaɠaa kaa pai pənəi di nwun. 'Ka ka muhəɠə! 'Ka tómą a kwəinɛ̨ɛ̨! Kaai ŋɛ̨i munuun ɉu puunii! Mąąhɔlɔɓo, yɛ́ nɛ̨n-ɲái kaa a kɛɛpono nɛ̨nɲá, ɛlɛɛ, lɔi kaa pai yɛnɛ̨ɛ̨ tɛɛi haa nuą pɔ.

Mąątɛ̨nɛ̨ 65:4

Ku hɔnŋaa kpɛa-kpɛai ku kpįnįle ɓa, Kɛlaa, ə́ wɛi, yá ku wɔ nɛ̨ŋɛ̨nŋaa mąąhvaa lɛɛ.

M̀ɛni-lɛɛi 21:23

Daa-lee tii mąą kpaan və kɛ hvóló ɓa, ə mą kɛ, ɲąnįn, ɉu pono mɛ̨nį ɓa, gbala ə tɔɔ, Yálá ŋą mąąwiɛlaa ə kɛli ɉu pono, ɛlɛɛ, ŋą kpalan nən maa a Mɛlaa Lon.

Zasua 24:15

Akɛ awala laa a ka lii, ka hvo tí Yai-Laa ɓa, ka ka liiɓa həɠə háákələi! Akɛ ɉaliɠaa ŋɛ̨i wɔlɔ ka nąnni di kɛi kwɛli hvilɛn mą ɲá lee pulu pələ ya ɓə, awala kɛ tii, Amɔrə nuą di wɔ lɔi ŋɛ̨i ka káá heeni ɉu, di wɔ haliɠaa. Nwɛ́i, ɲą́ą́ kwa ɲə́ bɛlɛ́n nuą, ku kaa tíi Yai-Laa ɓa.»

Lonon mo 12:8

Ŋą́ kɛ gáá mɛ̨nį ɓoi mą ŋą́ mo mą a ɉu pɔ̨nɔ̨ɔ̨, yɛ kwa kɛi ku kee ɲɛ̨ilai kaa. Ɛlɛɛ, a Yai-Laa koloon ɉu kaa. Ka tɔɔ pələ kɛ ləi, kaa nwɔ́ tímun Moisə laa pələ ɓo?»

Mąątɛ̨nɛ̨ 119:111

Gwɛ́lin mąą Ə́ laawoo a yələ kəlee, yá ɓə a gwə́inɛ̨ɛ̨.

Mąątɛ̨nɛ̨ 49:14

Nuąi da di kilitɔɔ diɛ, bələ ɓə di tínąą kaa la, a diɛi da di wəli tɔɔ di hvaa woo ɓa, diɛ di mąątɛ̨nɛ̨.

Mąątɛ̨nɛ̨ 5:7

Ya lɛɛnuą nwun na pili, ɲąmą pumun, mɛ̨nį piliɉumun, Yai-Laa a yowolaa kulɔ a diɛ.

Zôo 14:12

bələ lɔ ɓə nu a haa la, hva pənə hvo nwun. Ə lɛɛ ɉu yələkɔlɔn ə tɛɛ la, di hvo pai di muhəɠəi. Di hvo pai pənəi di hvo nwun.

Ɉeremi 31:26

Nąąlɔwai, ŋą́ nwun, ɛlɛɛ, ŋą́ gbaɠala kaa, gɛ́ kɛ ŋą́ą́ yíi ɲąąnɛ̨ɛ̨ ɓo.