Mąątɛ̨nɛ̨ 150:3 - Yálá laawoo hɛɓɛ (dc)

³ 'Ka mąątɛ̨nɛ̨ a tulu woo, 'ka mąątɛ̨nɛ̨ a bɛlɛgwəi da golon gwɛnįn.

Yálá laawoo hɛɓɛ

³ 'Ka mąątɛ̨nɛ̨ a tulu woo, 'ka mąątɛ̨nɛ̨ a bɛlɛgwəi da golon gwɛnįn.

Bible

³ Ka ǹáa maa tɛ́ a túru-woo, kɔniŋ, da ƃɔɔ-woo.

Mąątɛ̨nɛ̨ 150:3 Referans Kwoze

Mąątɛ̨nɛ̨ 33:2

'Ka Yai-Laa hɛɠɛɛɓo a bɛlɛgwəi! 'Ka gwɛnįn nwoo nɛ̨ɛ̨ yɔw naa hu.

Mąątɛ̨nɛ̨ 149:3

'Di naa mąątɛ̨nɛ̨ a mąną, 'di ɓálá da bɛlɛgwəi ɲɔw mą!

Mąątɛ̨nɛ̨ 92:3

Ɛlɛɛ, nu yɛ humo, yɛ ə́ wɔ wɛlikɛmąąlaa loloɓo, yɛ yíi ə́ wɔ tɛ̨ą mɛ̨nį hukulɔi,

Mąątɛ̨nɛ̨ 108:2

Nwɔ́ Yálá, níi aa laa gwə́i, gáá ə́ laa tɛi a wələ, gɛ́ ə́ mąątɛ̨nɛ̨ wələ too. Nwɔ́ mąąwiɛ!

Kɔlɔnikɔ Maa-ŋuŋ 16:42

Nuąi kɛ di pɔ, diɛ ɓaa: Heman da Yedutun, ə pɛlɛ la, túlúɠaa diɛ, nalóɠaa, ə mą kɛ, hvɛli kɛ hɛnŋąą, diɛ Yálá mąątɛ̨nɛ̨ wələ mu hee la. Yedutun lonnii ɓə kɛ bɛlɛ́ laaləi.

Kɔlɔnikɔ Maa-ŋuŋ 15:28

Israɛlə nuą kəlee di kɛi pa a Yai-Laa nwɔ mįnɛ̨ kəhii kwəinɛ̨ɛ̨ woo kɛnɛ̨ hu, diɛ túlú hvɛɛ, diɛ lalo yɔw, diɛ gwɛnįn ɲɔw da bɛlɛgwəi.

Kɔlɔnikɔ Maa-ŋuŋ 15:24

ə mą kɛ bɛlɛ́ laalei mąąkpɛ nuąi kɛ a Ovɛdə-Edomə da Yehia. Yii ɓaa ɉaláá laahəli nuąi kɛ a; Sevaniahu, Yosafatə, Netanɛlə, Amasai, Zakaria, Benayahu da Eliezɛrə, di mąąnɛ̨ɛ̨ kɛ diɛ túlú hvɛɛ Yálá nwɔ mįnɛ̨ kəhii tɔwɔ.

Lonon mo 10:10

Ka wɔ hɛli hvólóɠaa, da ka wɔ ɲąnin nįnɛ̨ nwɔ hɛliɠaa, a wala kɛ tii hɛli mąąwiɛi takpɛliɠaa hu, ɓɛlɔwai ka kɛi haláá hɛn gələn na, kaa nɛ̨ɛ̨yɔwɔ laa haláá kulɔ, ka dúlúɠaai tii hvɛɛ, ə gɛ ka ka nąą kili too la Yai-Laa ka wɔ Yálái ŋą. Ɲą́ą́ Yai-Laa ka wɔ Yálá.»

Danîa 3:5

Yɛ diɛ: Ɓɛlɔwai ka káá pai Nįŋɛ̨ mįnɛ̨ tulu woo mɛ̨n ɉii la, da ɓɔɔ tulu, ə lɛɛ da gologwɛni, ə mą kɛ bɛlɛgwəi gwɛnįn, da kornəmusə tulu woo, da hvɛli kɛ hɛnŋaa lɔpee gəlee woo, ka pɛlɛ nɔi ɓa, ka kwɛli hvilɛn tɔɔmun nwɔ mąąnįnįn ɉaɠaai ŋɛ̨i ɓa.

Samia Veerɛi 6:5

Davidə da Israɛlə nuą kəlee di kɛi kwəinɛ̨ɛ̨ kulɔ Yai-Laa lííla, a hvɛli kɛ hɛnŋaa di ɉaɠa a siprə wulu: kələn, gwɛnįn, bɛlɛgwəi, damąn, lalo da ɓala.

Samia Veerɛi 6:15

Davidə da Israɛlə nuą kəlee di kɛ hvilɛn ni Yai-Laa nwɔ mįnɛ̨ kəhii pulu, diɛ paa la; diɛ wələ too mɛ̨i, diɛ lalo yɔw.

Kɔlɔnikɔ Maa-ŋuŋ 15:20

Zakaria, Aziɛlə, Semiramotə, Yehiɛlə, Uni, Eliavə, Maaseyahu da Benayahu, di wɛi di kɛi gwɛnin ɲɔw a nwoo təŋąą

Kɔlɔnikɔ Maa-ŋuŋ 25:1

Davidə da gɔlaɠa nwun nąmįną di Asafə lonnii, Heman lonnii da Yedutun lonnii kulɔ ɉu, di di hee a dee, diɛi kɛi Yálá kwəi mɛ̨nį hukulɔ a gwɛnįn, bɛlɛgwəi gwɛnįn da lalo. Nuąi kɛ gólo yili ɓa, diɛ ka:

Kɔlɔnikɔ Veerɛi 5:13

Dúlú hvɛɛ nuą da nwələ too nuą di woo ə kɛi kulɔ, bɛlɛɛ gee ɓa a nɛlɛɛ, diɛ Yai-Laa mąątɛ̨nɛ̨, diɛ naa tɛ. Ɓɛlɔwai dúlú woo, gbɛŋɛ̨nɛ̨ngwɛli da vɛli kɛ hɛnŋąą yiiɠaa tii di woo ə kɛi kulɔ la, di kɛi Yai-Laa mąątɛ̨nɛ̨ diɛ kɛ diɛ: «Yai-Laa nwɔ mɛ̨nį lɛlɛɛi, ɲɛ̨n deei hvo mą!» Nąąlɔwai, Yai-Laa nwɔ pɛ́lɛi laa ə hvɛɛ a túlɔ kpįnįn.

Kɔlɔnikɔ Veerɛi 20:28

Di lɔ Ɉerusalɛmə a hvɛli woo: diɛ gwɛnįn ɲɔw, diɛ bɛlɛgwəi yɔw, diɛ tulu hvɛɛ. Di lɛɛ kpɔ a hvɛli kɛi, di həli la Yai-Laa yəi bɛlɛ́ laaləi.