Mąątɛ̨nɛ̨ 15:3 - Yálá laawoo hɛɓɛ (dc)

³ Hva mɛlaa mąą mɛ̨nį pili ɉu, hva ɲɔ̨nwɔ̨mąn nu ɓɛlɛ kpɛɛ mą.

Yálá laawoo hɛɓɛ

³ Hva mɛlaa mąą mɛ̨nį pili ɉu, hva ɲɔ̨nwɔ̨mąn nu ɓɛlɛ kpɛɛ mą.

Bible

³ Dia ƃa diai dífa lɛ́ɛ mɛni da ƃò a núu da láai. Dia ƃa diai dífa mɛni nyɔ́mɔɔ da kɛ̀ a díƃarâŋ-nuu dai, kpaa máŋ dí lɛ́ɛ tuŋ táa é pîlaŋ díƃarâŋ-nuu mai.

Mąątɛ̨nɛ̨ 15:3 Referans Kwoze

Lomaŋ 13:10

Wɛlikɛmąąlaa hva mɛ̨nį ɲɔ̨n gɛ a nu. Wɛlikɛmąąlaa ɓə a dɔ́n nwoo laa hvɛɛ.

Zĩi 4:11

'Ká hvo mɛ̨nį ɲɔ̨n mo a ká kee laa, ną́n nonnii. Nui a mɛ̨nį ɲɔ̨n mo a nu ta laa, a wala kɛ tii, ə gití tee, aa mɛ̨nį ɲɔ̨n mo a dɔ́n naa, ɛlɛɛ, aa dɔn gití tee. Kɛlaa, yɛ́n, yá dɔn giti teei, yáá kɛ a kití teemun, ɛlɛɛ hvó kɛli a dɔ́n bɔ yíiɓomun.

Maafîu 7:12

«Mɛ̨nįi ə́ kaa bɔ nuą di gɛ yɛ́, mąąnɛ̨ɛ̨ ə́ yili ɲɔ̨nwɔ̨mą gɛ diɛ. Yili ɓə gaa Yálá laawoo hu, yii Moisə ə bɛ̨ɛ̨ da Yálá kwəi mɛ̨nį hukulɔ nuą.»

Levetekɔ 19:16

'Hvó ə́ kaayɔwɔ ta laa kala, ə́ ɓɛlan gaalon ɲąmą wulu hvo lɛɛ ə́ nwuɔ̨. Ɲą́ą́ ɓə gáá a Yai-Laa.

Zɔ̂ŋ Zaaƃai 1:11

Nwɛ́likɛmąąmun, 'hvó mɛ̨nį ɲɔ̨n pɔɔ kɔɔn, kɛlaa, mɛ̨nį lɛlɛɛ pɔɔ kɔɔn. Nui a mɛ̨nį lɛlɛɛ kɛ, Yálá nwɛi ta li; nui a mɛ̨nį ɲɔ̨n kɛ, hvo Yálá kɔlɔn.

Lomaŋ 1:30

Diɛ hiɛ nɔwai kɛ, di laa pələ ɓoɔɔ, diɛ ɓo a Yálá ɲowo, di woo ɲɔ̨nwɔ̨ɔ̨, di huɲąŋą kɛnɛ̨, di ɲɛ̨i tɛɛ, di yɛlɛɛ mɛ̨nį ɲɔ̨n bɛlii, ɛlɛɛ, di kwɛli tiɛɛ di kaa nuą yəi, di kili kpɛɛ di yəi.

Azaya 56:2

Nu a túwɔ tii a ganąn bələ mą́ą́, mąą nu kaa a lúwɔ lon, yai hva vitɔɔ yələ mąą kala, Kɛlaa yɛ mąąhəɠə, ɛlɛɛ, hva ɲee too mɛ̨nį ɲɔ̨n lɔpee da hu.»

Hanwon 25:3

Bələi yələkɔlɔn mąą kwɛa la, bələi lɔi kpon ɉu kwɛa la, bələ kpɔlɔɔ ɓə nu hva pɛli tɔɔɓɛlaa di wɔ kiliŋąhiɛ kpon ɉu kaai la.

Hanwon 22:10

Yɛlɛ mąą kɛ nuą kpɛɛ, a hvaa kpɛɛ; ə woo hukulɔ tamąą da ɓɛlɛkpɛɛ mąą di kpɛɛ.

Taitɔ 3:2

Di hvo nu ta lalan, di hvaa kɛ mɛ̨nį mąąlaa, di kɛ a di liinɛ̨ɛ̨ di kwəi, di liinɛ̨ɛ̨ gwəi laa kɛ nu kəlee ɓa, a yələ kəlee.

Lomaŋ 12:17

Ká hvo mɛ̨nį ɲɔ̨n gwələ kulɔ a mɛ̨nį ɲɔ̨n. Ka mɛ̨nį lɛlɛɛ mąą kiliŋąhiɛ kɛ nu kəlee ɓa.

Samuɛlə dɔlɔɔ 24:11

Ə́ gbaɠala kaa yɛ́, yɛ́ kpįnįi yɛ́ kɛ, Yai-Laa ə́ ə́ lɔ ɲéé ŋą háákələi gwɛni wolo hu? Kɛlaa, və́ gɛ və́ ə́ paa; ŋą́ ə́ mąąwɛli kaa, gɛ́ kɛ diɛ: ‹Vá ɲéé pɛlɛ nwún nąmu ɓa, mąąhɔlɔɓo, nui Yai-Laa aa ɉəɠə ɉu, aa ɉee a tɔɔmun yaa li.›