Mąątɛ̨nɛ̨ 149:2 - Yálá laawoo hɛɓɛ (dc)

² Israɛlə ə kwəinɛ̨ɛ̨ kulɔ bɛlimun naa hu, Siɔn lonnii di hɛ́li pu di wɔ Heeɓomun mąą mɛ̨nį ɓa!

Yálá laawoo hɛɓɛ

² Israɛlə ə kwəinɛ̨ɛ̨ kulɔ bɛlimun naa hu, Siɔn lonnii di hɛ́li pu di wɔ Heeɓomun mąą mɛ̨nį ɓa!

Bible

² Tɔɔ Eezuɛ é lii-nɛ̃ɛ kula ŋɔkpɛtɛ-nuui mɛ̂ni ma. Tɔɔ Zãiyɔŋ ǹônii dí lii-nɛ̃ɛ kula Díkâloŋ mɛni ma.

Mąątɛ̨nɛ̨ 149:2 Referans Kwoze

Azaya 54:5

Mąąhɔlɔɓo, Yálái ə́ pɛli, ya ɓə a ə́ hilɛ, naa ɓaa Yai-Laa Mɛ̨nį Kəlee ŋą Hééɓomun; Israɛlə nwɔ mąąhəɠə mun ɓə ə́ nwun mąąɓooi, naa ɓaa yɛnɛ̨ɛ̨ piliɛ gee mɛ̨i nwɔ Yálá.

Azaya 52:7

Nuąi wɛlɛɛ woo lɛlɛɛ laa həli, di kɔ́wɔ lɛlɛɛi di mu, ɲeeɠaa ton na, diɛi di kaa liilaa woo laahəlii, diɛi da kɛ mɛ̨nį lɛlɛɛ woo laa həlii, diɛi da kɛ nwun mąąɓo loloɓoi; diɛi da kɛ kɛi Siɔn ɓa: Ə́ wɔ Yálái kaa tɔɔlaa kɛi.

Mąątɛ̨nɛ̨ 95:6

'Ka lɔ! 'Ka gu gu mąą pɛlɛ, 'ka gu kwɛli hvilɛn mą. 'Ka gu pu gu kpəlin na, gu pɛli Yálá, Yai-Laa lii la!

Lukə 19:38

Diɛ kɛ mą: «Dɔɔmun pai gu Ną́mu Yálá laa hu, lúwɔ́ kaa mą! Liilaa ə kɛ yələkɔlɔn ɉu, mąąwiɛ ə kɛ Yálá ɓa!»

Zakari 9:9

'Pili yələi a kwəinɛ̨ɛ̨, Siɔn nɛ̨ɛ̨gbɛla! 'Tómą a kwəinɛ̨ɛ̨, Ɉerusalɛmə nɛ̨ɛ̨gbɛla! Ə́ wɔ tɔɔmun gaa pai ə́ pɔ, dələnmoɔ, ɛlɛɛ, gɔ́ aa nɛ̨ɛ̨ mą, hva nwun dɛ, gaa heeni hvoohvaalən mɛ̨i, hvoohvaalən non mɛ̨i.

Zooɛ 2:23

Siɔn daai nuą, ka kwəinɛ̨ɛ̨ kulɔ. Ka ɓə́lə́n ka pili yələi. Yai-Laa ka wɔ Yálái laa hu. Mąąhɔlɔɓo, aa tulɔ tɛɛ ka pɔ; a hamą tulɔ. Yɛ ka nwun mąąɓo. Yɛ pənə yɛ tulɔ pu ka mɛ̨i a hamą lɔɔ tulɔ. Yɛ pələi ə kɛi gɛ la a bɔlɔ.

Zôo 35:10

Kɛlaa, nu ta hva kɛ diɛ: «Bɛ́li Yálá kaa mį? Yaai a kɛ wələ lɛi kuɔ kpinį,

Mąątɛ̨nɛ̨ 47:6

Yálá kaa tɛi, diɛ di yee lɔwa mą, Yai-Laa kaa tɛi, tulu yɛ hvaa.

Samuɛlə dɔlɔɔ 12:22

Mąąhɔlɔɓo, Yai-Laa hvo pai ɲee kulɔi nwɔ nu huwui mu, gbala ə tɔɔ, naa kɛnɛ̨i. Ɛlɛɛ, ə nɛ̨ɛ̨ a Yai-Laa lii, ə ka kɛ a nwɔ nu huwu.

Dutɛrɔnome 12:7

Nąą ɓə ka káá pai kɛi ka laa mį́i laa gee ɓa, ka ka yəi bɛlɛ́n nuąi Yai-Laa ka wɔ Yálá ɲɛ̨i ɓa a kwəinɛ̨ɛ̨. Mąąhɔlɔɓo, mɛ̨nįɠaa kpɔ ka káá pai ka yee tooi ɉu, Yai-Laa ka wɔ Yálái kaa pai ɉu nɛɛi, ə lúwɔ́ too ka.

M̀ɛni-lɛɛi 19:6

Ɛlɛɛ, ŋį́ nuą huluun nwoo mɛ̨n, ə ɓo yɛ yálee kpɛa-kpɛaa huluun dín, ɛlɛɛ, ə ɓo yɛ tulɔ tuwɔ tín gɛnɛ̨ɛ̨, diɛ kɛ mą: «Kánįkookwəi! Mąąwiɛ, Hééɓó kəlee Nąmu, ku wɔɔ Yálá Huwalawala Kəlee Nąmu, aa nwɔ tɔɔlaai too pono ɲą.

Filipə 3:3

Guɔ ɓə gu kaa a gɛ́nɛ̨-lonni leeleeɠaa, mąąhɔlɔɓo, gwa tí Yálá ɓa, Yálá nwɔ Kilii háálai, a guɔi gu wɔ kwəinɛ̨ɛ̨ kaa Jesus Kristə hu, gu kili hvo tɔɔ li gu kpɔwɔ ɓa.

Ɉaan 19:15

Di kəlee di tómą diɛ mą: «Ə haa! Ə haa! 'Gbanwo kolɔwa ɓa.» Pilatə yɛ diɛ: «Ɲį́ ka wɔ tɔɔmun gbanwoi kolɔwa ɓa?» Ɉaláá laa həli nuą kpɛa-kpɛa di nwoo pulu pənə diɛ mą: «Tɔɔmun da kpɛli hvo ku yəi, ə kulɔ Sesarə pulu.»

Lukə 19:27

Yii ɓaa nuą tii kɛ diɛ, di hvo nwɔ́ tɔɔlaa pɔi, ka pa a diɛ ɓɛ, ka di paa ɲɛ̨́i ɓa.›»

Maafîu 25:34

Nąąlɔwai, tɔɔmun a mo mamįiyee hu nuą diɛ yɛ diɛ: ‹Kaa yiiɠaai a Ną́n nwɔ lúwɔ́ lonnii, ka pa ka lɔ nwɔ tɔɔlaai hu, ɓɛi aa kɛ nąą pɛli ka mąą mɛ̨nį ɓa gɛɛ yɛnɛ̨ɛ̨ kɔ́wɔ hvo tɔɔ.

Maafîu 21:5

«Ka mo Siɔn nuą diɛ kaa diɛ: ‹Ka wɔ tɔɔmun nwɔ mɛ̨nį lɛlɛɛ kaa pai ka pɔ, ɉeɛ hoohvaalən non mɛ̨i.›»

Azaya 43:15

Ɲą́ą́ ɓə a Yai-Laa, ka wɔ Mąąhəɠəmun, yai Israɛlə pɛli, yɛ ɓo a ka wɔ Heeɓomun.

Habakukə 1:12

Yai-Laa ə həɠə kpɔ yɛnɛ̨ɛ̨ pɛli yələ ɓa, ə həli la yiihu ɓa, kɛlaa yɛ́ lɔ ɓə a nwɔ́ Yálá? Nwɔ Yálá mąąhəɠɛɛ, yili ɓa ku hvo pai haai! Yai-Laa, yɛ́ ɓə a ku mą́ą́kpɛ kwɛni. Yɛ́ ɓə nuą tii həɠə ɉu, ə́ di kɛ a ku hutɔɔ hvaɠa, di ə́ nwąną kulɔ kuɔ.

Sofoni 3:14

Siɔn hɛlakpɛla, 'tómą a kwəinɛ̨ɛ̨! Israɛlə, 'huluun a kwəinɛ̨ɛ̨, Ɉerusalɛmə nɛ̨ɛ̨gbɛla, 'kwəinɛ̨ɛ̨ kulɔ a ə́ lii kəlee.

Sofoni 3:15

Giti ŋɛ̨i too ə́ mɛ̨i, yɛ wiɛ yɛ́, Yai-Laa aa ɉəɠə ə́ mɛ̨i. Aa ə́ yowo ɲɛ̨i haŋą pələ takpɛli. Israɛlə nwɔ tɔɔmun Yai-Laa yaa kpinįi, gaa ə́ pɔ; hvó kɛa pai kɛi ɲɔwi mɛ̨nį ɲɔ̨n da həli mɛ̨nį ɓa yɛ́.