Mąątɛ̨nɛ̨ 145:18 - Yálá laawoo hɛɓɛ (dc)

¹⁸ Nuąi da Yai-Laa hvɛli, gaa di kwɛlɛ, a nuąi kpɔ da vɛli a tɛ̨ąi.

Yálá laawoo hɛɓɛ

¹⁸ Nuąi da Yai-Laa hvɛli, gaa di kwɛlɛ, a nuąi kpɔ da vɛli a tɛ̨ąi.

Bible

¹⁸ Yâwɛɛ káa diai kélee da dòlii díkɔlɛ ma, diai da dòli a teniŋ ƃô-perei.

Mąątɛ̨nɛ̨ 145:18 Referans Kwoze

Mąątɛ̨nɛ̨ 34:18

Tələnmo nuą da wɔlɔ, Yai-Laa a di wɔlɔ woo mu hon, yɛ di kulɔ di kanąn mɛ̨nįɠaa kəlee hu.

Ɉaan 4:24

Yálá kaa a Kili. Ya ɓə gɛi, nuąi da kwɛli hvilɛn mą, da vilɛn mą a nwɔ Kilii da tɛ̨ą.»

Dutɛrɔnome 4:7

Yaan, lɔi lə kɛɛ ɓə laa, gɛnɛ̨, yii nwɔ haliɠaa da pɛli lɛɠɛi diɛ ɓɛlɔwai da di təli la, diɛ lɛɠɛ diɛ yɛ bələi Yai-Laa guɔ Yálái a gɛ la?

Azaya 58:9

Ya Yai-Laa təli nąąlɔwai, a ə́ woo muhon, ya tómą bɔ pələ, gaa pai kɛ́ yɛ́: «ɲą́ą́ ga.» Ya wɛa mɛ̨nį kulɔ ə́ yəi bɛlɛ́n, da nu mąą ɲɔw mɛ̨nį, da woo ɲɔ̨n ɉaa mɛ̨nį nu ɓa.

Ɉaan 14:23

Jesus ə nwoo pulu pənə yɛ mą: «Nui a nwɛ́li la kɛ, ə nwóó hon, Ną́n Yálá yaa kpɛli a mąą nu wɛli la kɛ, yili pulu, kwa Ną́n Yálá kwa pa ku hee mąą ni nii hu.

Zĩi 4:8

'Ká ká mąą lɛɠɛ Yálá ɓa, a mąą lɛɠɛ káá. 'Ká ká wɔɔ nɛŋɛ̨n ɲeeɠaa mąą waa, 'ká ká lii hu mąąhəɠə, ká hu hveelɛ nuą ŋɛ̨i!

Mąątɛ̨nɛ̨ 119:2

Nuąi da lɛɛ nwɔ yɛnɛ̨ɛ̨ hon bələ pulu, diɛ gwɛli di kwəi tɔ̨nɔ̨ mɛ̨i, di nwun na nɛ̨ɛ̨i.

Mąątɛ̨nɛ̨ 17:1

Davidə nwɔ Yálá hvɛli woo. Yai-Laa! Ə́ wəli tɔɔ, gáá wɔlɔi yɛ́; mɛ̨nįi gáá ɉuhvɛli yɛ́, ə́ wəli tɔɔ mą, ə́ wəli laa ɓo nwɔ́ hvɛli woo tɔwɔ; lɛɛ woo hvo ná.

Osia 7:14

Di hva vɛ́li di kwəi tɔ̨nɔ̨ mɛ̨i, Kɛlaa, da kɛ wɔlɔi di yee gbinŋaa ɲą, da kɛ di ɲąąkpɔn ɉii mɔ̨nun mɛ̨nį ɓa, da lɔɔ nįnɛ̨, ɲą́ą́ ka tii di kaa di kwɛli teei ɲə́i.

Mąątɛ̨nɛ̨ 46:5

Kɛlaa yá kɛnɛ̨ ta kaa laa, mɛlaɓoɔ ɉu tamąą, yɛ kwəinɛ̨ɛ̨ tɛɛ Yálá nwɔ taai pɔ; yɛ yələkɔlɔn ɉu Yálá nwɔ pɛlɛ́ɠaai mąąhəɠə.

Mąątɛ̨nɛ̨ 46:1

Nwələ ɲɛ̨itɔwɔmun Kore lonnii di wɔ wələ.

Mąątɛ̨nɛ̨ 119:151

Ə́ wɛi, Yai-Laa, ə́ kaa gwɛ́lɛ, ə́ wɔ tíɓoɠaai kəlee di ɓo a tɛ̨ą.

Hanwon 15:8

Nwąnąlɔ nuą di wɔ haláá wɛli kpɛɛi Yai-Laa ɓa kpɔ tɛ-tɛ, Kɛlaa, nuąi di haŋą, di wɔ hvɛ́li woo a nii hon.

Maafîu 23:13

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo kaa ka tɔwɔ! Mąąhɔlɔɓo, kaa Yálá-taa pələ too, kaa kpəɲan bələi. Ka hvo lɔi, ə lɛɛ, ka hvo nɛɛi laa, nuąi naa wɛli kaa diɛ, di hvo lɔ.

Woolaa 3:57

Ɲələi ŋą́ ə́ təli la, ə́ pa yɛ́ mą́ą́: «'Hvó kɛ ə́ kaa ɲɔwi.»