Mąątɛ̨nɛ̨ 144:1 - Yálá laawoo hɛɓɛ (dc)

¹ Davidə nwɔ wələ woo. Mąąwiɛ ə kɛ Yai-Laa ɓa, yai a mą́ą́kɔ̨nwɔ̨ kwɛni, ya ɓə a ɲéé ɲąątɔɔ kɔ́ ɓa, yɛ ɲéékpiɛɠaa tənən dɔɔ, kɔ hu.

Yálá laawoo hɛɓɛ

¹ Davidə nwɔ wələ woo. Mąąwiɛ ə kɛ Yai-Laa ɓa, yai a mą́ą́kɔ̨nwɔ̨ kwɛni, ya ɓə a ɲéé ɲąątɔɔ kɔ́ ɓa, yɛ ɲéékpiɛɠaa tənən dɔɔ, kɔ hu.

Bible

¹ Laa maa tɛ̂ é tɛ́ɛ Yâwɛɛ pɔ́ nyii gáa a ḿaa kɔ̃ɔ kɔ̂nii. È kɔ́ kɔ́-pere lɛ̀ ḿâ, é ńdɔɔ a kɔ́ kɔ́ɔ.

Mąątɛ̨nɛ̨ 144:1 Referans Kwoze

Mąątɛ̨nɛ̨ 18:34

Yɛ gɔ́wɔ́ kɛ mú yɛ Lomą, ɛlɛɛ, yɛ dɛ́ yələi.

Mąątɛ̨nɛ̨ 18:2

Yɛ diɛ: Ə́ wɛli kaa mą́ą́ Yai-Laa, yɛ́i a nwɔ́ huwalawala.

Samia Veerɛi 22:35

A ɲéé ɲąątɔɔ a kɔ́ kɔ́wɔ, Ɲéé kɔ̨nwɔ̨n yɛ ɓala kilɛn ɲala ɉu.

Korɛntə veelɛ 10:4

Mąąhɔlɔɓo, gɔ́ kɔ́ kwɛli hɛnŋąa di hvo həɠə nu kanŋaa yəi, kɛlaa, di hvaŋą a həɠə Yálá yəi, diɛ kɔ́-taaɠaa wolo. Ku kaa kiliŋąhiɛ ɲɔ̨nwɔ̨ɔ̨ɠaa hu kalai;

Azaya 45:24

Yɛ kɛ diɛ: Yai-Laa, yaa tanɔ̨n gbən, ɲəi ɲą lɔ ɓə, tələnmolaa, da huwalawalalaa, da kulɔ laa.» Nuąi kpɔ da di kwɛli tee mą, di kaa pai pɛ̨nɛ̨i diɛ pa bɔ.

Mąątɛ̨nɛ̨ 60:12

Ə kulɔ ə́ pulu, Yálá, yɛ́i ŋɛ̨i yáá ku pilii, yɛ́i hvo kɛa bɔ, hvo li a ku wɔ kɔlaɠaɠaai kɔ́ ɓa.

Mąątɛ̨nɛ̨ 18:31

Mąą kulɔ hvo Yálá nwɔ pələi ɓa, Yai-Laa woo hu pɔ̨nɔ̨ɔ̨i. Nuąi kpɔ da di mąąkilɛ vaŋąn mu, gaa a di mąąkpɛ gbala.

Mąątɛ̨nɛ̨ 95:1

'Ka pa, 'ka gu tómą a kwəinɛ̨ɛ̨ Yai-Laa pɔ pələ. 'Ka gu gu yee lɔwa gu ɓalo kwɛni ɓa.

Mąątɛ̨nɛ̨ 71:3

'Kɛ́ a mą́ą́kilɛi kwɛni, a ɓɛi ŋą́ nóó laa a yələ kəlee; Ə́ naa ə́ kwəi yɛ́ ə́ kaa máloi, mą́ą́kɔ̨nwɔ̨ kwɛni ɓaa a yɛ́, da mą́ą́kpɛ hįi.

Azaya 26:4

'Ka ka kilitɔɔ Yai-laa ɓa a yələ kəlee da nwɔɔ, Yai-Laa ɓə gaa a gu mąąkɔ̨nwɔ̨ kwɛni a yələ kəlee.

Tɔɔɓɛlaa veelɛ 13:16

Elise yɛ Israɛlə tɔɔmun mą: «Gilɛn ɲala ɉu!» Yili ə gilɛn ɲala ɉu, Elise ə ɲee pɛlɛ tɔɔmun ɲee ɓa,

Mąątɛ̨nɛ̨ 18:3

Yai-Laa kaa a nwɔ́ kwɛni, a nóo kpɔlɔ, da nwún mąąɓomun. Yaa ɓə a nwɔ́ Yálá, a kwɛni woloi ŋą́ mą́ą́ kilɛ ɉui; gaa a nwɔ́ hə́mə́, a nwɔ́ yee tɛɛmąą kɛ kwɛli hɛn da mą́ą́kpɛ hįi.

Mąątɛ̨nɛ̨ 18:35

A ɲééɠaa huwalawala, kɔ́ kɔ́ mɛ̨nį ɓa, ɛlɛɛ, yɛ gɛ ɲéé kɔ̨nwɔ̨n yɛ kwɛli kilɛn bili.