Mąątɛ̨nɛ̨ 143:8 - Yálá laawoo hɛɓɛ (dc)

⁸ Yələ a lɛɛ kpɔlɔ ɓɔi, ə́ ə́ wɔ wɛlikɛmą́ą́laa lɛ mą́ą́, mąąhɔlɔɓo, yɛ́ ɓə gílitɔɔ yɛ́. Bələi mąąnɛ̨ɛ̨ ŋį́ tɛɛ la nɛ mą́ą́, mąąhɔlɔɓo ə́ pɔ pələ ɓə, níí muhəɠɛɛi la.

Yálá laawoo hɛɓɛ

⁸ Yələ a lɛɛ kpɔlɔ ɓɔi, ə́ ə́ wɔ wɛlikɛmą́ą́laa lɛ mą́ą́, mąąhɔlɔɓo, yɛ́ ɓə gílitɔɔ yɛ́. Bələi mąąnɛ̨ɛ̨ ŋį́ tɛɛ la nɛ mą́ą́, mąąhɔlɔɓo ə́ pɔ pələ ɓə, níí muhəɠɛɛi la.

Bible

⁸ Íwɔɔ-wɔlɔ wɛli-kɛ-maai kíli tóo ŋá a ɣele-wala kélee, kpɛ́ni fêi, ŋ́gili tɔɔ̂i yâ. Ŋa ífɛlii, ye ítûa-perei lɛ́ ḿâ a gɛɛ ŋá sía la.

Mąątɛ̨nɛ̨ 143:8 Referans Kwoze

Azaya 48:17

Yai-Laa woo ka, yai tii ə́ nwun mąąɓoi, Israɛlə nwɔ nu mąąhəɠɛɛi, Ɲą́ą́ Yai-Laa, ɲą́ą́ ɓə gáá a ə́ wɔ Yálái, yai a ə́ mąąkwɛli, yɛ pɛli ɉu tɔ̨nɔ̨ hɔlɔɓoi, yai gɛ bələi tii yáá ɉon na, yɛ́ hiɛ mɛ̨i.

Mąątɛ̨nɛ̨ 46:5

Kɛlaa yá kɛnɛ̨ ta kaa laa, mɛlaɓoɔ ɉu tamąą, yɛ kwəinɛ̨ɛ̨ tɛɛ Yálá nwɔ taai pɔ; yɛ yələkɔlɔn ɉu Yálá nwɔ pɛlɛ́ɠaai mąąhəɠə.

Mąątɛ̨nɛ̨ 32:8

Gáá ə́ mąąkwɛlii, gɛ́ ə́ tɛɛ pələ lɛ yɛ́, gɛ́ ə́ liɛwoo ɓo, gɛ́ ɲɛ̨́i kɛ yɛ́.

Azaya 30:21

Woo kaa pai kɛi tooi ka wəlii, yɛ ka tənən dɔɔ, akɛ mąąnɛ̨ɛ̨ ka li ɓa-mįi-yee hu pələ, a wala kɛti kɛɓɛyee hu pələ, yɛ kɛ kaa: «Bələ ka, 'ka ɉon na.»

Mąątɛ̨nɛ̨ 59:16

Di kaa lia tɛɛ lɔ ɉu-ɉu, diɛ di kɔ̨nɔ̨n gwɛli, da wala pilɛ, da yíi lɔ hvaai di nwun ɉu.

Mąątɛ̨nɛ̨ 143:10

Mą́ą́kwɛli a ə́ liiɓa kɛ pələ, mąąhɔlɔɓo yɛ́ ɓə a nwɔ́ Yálá, ə́ wɔ Líinɛ̨ɛ̨gwəi laa, ə də́nən dɔɔ pələ lɛlɛɛ mɛ̨i.

Mąątɛ̨nɛ̨ 27:11

Yai-Laa ə́ wɔ pələi lɛ mą́ą́, ə́ vílɛn pələ lɛlɛɛ mɛ̨i; bələi mąn nuą kaa la heeni dɔ́wɔ.

Mąątɛ̨nɛ̨ 90:14

'Ku pilɛ ə́ wɔ wɛlikɛmąąlaa hu, yələwala piinɛ̨ɛ̨, a kɛ tii, kwa túwɔ́ kwəinɛ̨ɛ̨ hu, kuɔ wələ too.

Woolaa 3:41

'Ká gu gu yee da gu lii kəlee tɛ, yələkɔlɔn ɉu Yálá ɓa.

Mąątɛ̨nɛ̨ 86:4

'Ə́ wɔ tímun kwəinɛ̨ɛ̨, mąąhɔlɔɓo, yɛ́i a nwɔ́ mɛ̨nį Nąmu, yɛ́ lɔ ɓə ɲɛ̨́i kaa ə́ pɔ pələ.

Mąątɛ̨nɛ̨ 30:5

Kaai a Yai-Laa yee pɔ nuą, 'ka naa tɛ wələ too, 'ka mąątɛ̨nɛ̨, kaa nwɔ mąąhəɠəlaa hukulɔ pɔ̨nɔ̨ ŋą.

Mąątɛ̨nɛ̨ 119:34

Kiliŋą laa mąą tɛɛ bɔ́, əgɛ, gɛ́ pɛli lɛɛ ə́ wɔ tɔn nwooi pulu, gɛ́ bɔ mɛ̨nį kɛ gwə́i tɔnɔ̨ mɛ̨i.

Mąątɛ̨nɛ̨ 119:73

Ə́ bɛ́li a ə́ yee, ə́ ɉúwala wala, 'gɔ́ a kili, gɛ́ pɛli ə́ wɔ tiɓoɠaai hukpɛi.

Mąątɛ̨nɛ̨ 42:8

Ɓoloon ɉu yá hvuluunɠaa kaa di gee təlii mɛ̨́i, diɛ kɛlɛ di kee hu! Ɲáhvɛɛ yɛ kulɔ gələn ɉu, mɛ̨́i.

Mąątɛ̨nɛ̨ 5:8

Kɛlaa, nwɛ́li la kɛ pələ kɛnɛ̨ ə́ yəi, ŋą́ lɔ ə́ yəi bɛlɛ́n; ŋą́ kwɛli hvilɛn yɛ́, yɛ́ pɛlɛ́ mąąhəɠɛɛi pɔ pələ, gɛ́ ə́ mąąwiɛ a ɲɔw mąąlaa.

Osia 6:3

'Ka gu Yai-Laa kɔ́lɔn, ka gu tɔɔ a gu nwąnąi Yai-Laa kɔ́lɔn mɛ̨nį ɓa, ba mɛ̨nį hva ɉəɠə mą, lɔ yɛ bələi yələ ɓoɔ hva ɉəɠə la mą; gaa pai pai gu pɔ, yɛ nąląąn, yɛ bələi tulɔ tɔlɔɔ a pu la yɛ lɔi yɔwɔ.

Nwun mąąɓo 13:12

Manoa ə pənə, yɛ mą: «Mɛ̨nį ŋɛ̨i ə́ mo, naa a hon, lə ɓə kwa gɛ nokoloi tii mąą mɛ̨nį hu?»

Samuɛlə dɔlɔɔ 23:12

Davidə ye mą: «Akɛtii Keila nuą kaa pai ɲą́ą́ kwa nwɔ́ nuąi ku tɛɛi Saulə pɔ?» Yai-Laa yɛ mą: «Di kaa pai ka lɔ ɲee ŋą.»

Mąątɛ̨nɛ̨ 25:20

'Ə́ ɲɛ̨i kɛ nwɔ́ yɛnɛ̨ɛ̨ ɓa, gúlɔ ɲəi kɛ wɛ! Mą́ą́ kilɛi ɓaa ə́ hvaŋąn mu, vá pɛli nwumɛ̨i.