Mąątɛ̨nɛ̨ 143:10 - Yálá laawoo hɛɓɛ (dc)

¹⁰ Mą́ą́kwɛli a ə́ liiɓa kɛ pələ, mąąhɔlɔɓo yɛ́ ɓə a nwɔ́ Yálá, ə́ wɔ Líinɛ̨ɛ̨gwəi laa, ə də́nən dɔɔ pələ lɛlɛɛ mɛ̨i.

Yálá laawoo hɛɓɛ

¹⁰ Mą́ą́kwɛli a ə́ liiɓa kɛ pələ, mąąhɔlɔɓo yɛ́ ɓə a nwɔ́ Yálá, ə́ wɔ Líinɛ̨ɛ̨gwəi laa, ə də́nən dɔɔ pələ lɛlɛɛ mɛ̨i.

Bible

¹⁰ Yá ƃé íkaa a Ŋáɣâlai, ítûa-pere lɛ́ ḿâ a gɛɛ ŋá sía la. Ye ḿɛi káa a ǹɛ́lɛɛ í ḿbîlaŋ pere lɛ́lɛɛ ma.

Mąątɛ̨nɛ̨ 143:10 Referans Kwoze

Ɉaan 14:26

Ka mąąkɔ̨nwɔ̨ mun yai a Kili-Mąąhəɠɛɛ, yai Ną́n gaa pai dɛɛi ka pɔ ɲą́ą́ náá hu, gaa pai ka mąąkwɛlii mɛ̨nįɠaa ti kəlee ɓa, yiiɠaai ŋį́ mo kaa, ə nąą kili too ka ŋą.

Hebreu 13:21

Yálái tii ə gɛ, káá pɛli niiɓa mɛ̨nį lɛlɛɛ lɔpee gəlee kɛi, yii a laa a nii, ə gɛ ká hu, Jesus Kristə háálai, yai, mąąwiɛlaa kaa mą a yələ kəlee kpɛɛ hvo mą. Mįiną!

Mąątɛ̨nɛ̨ 23:3

Yɛ nį́ilɔ. Tələnmo pələ mɛ̨i ɓə a vílɛn naa, Naa mąąwiaa, mąą mɛ̨nį ɓa.

Mąątɛ̨nɛ̨ 119:12

Mąąwiɛ ə kɛ yɛ́ Yai-Laa, mą́ą́ kwɛli ə́ liiɓa mɛ̨nįɠaa diɛ.

Nehemi 9:20

Ə́ kili lɛlɛɛ tɛɛ di pɔ, diɛ pɛli mɛ̨nį kulɔ ɉu kɛi, hvo manə kulɔ di la, ə́ ya tɛɛ di pɔ diɛ gbələ.

Zɔ̂ŋ Maa-ŋuŋ 2:27

Ká wɛi, ká mąątíi ŋɛ̨i Ə moi, gaa ká hu, ɛlɛɛ, ə mą kpɛli kɛ, di hvo ká mąąkwɛli yili ɓa; kɛlaa, yɛ bələi nwɔ wulɔi a ká mąąkwɛli la a mɛ̨nį kəlee, ɛlɛɛ, yɛ ɓo a tɛ̨ą, ɛlɛɛ, hva lɛɛ kɛ, yii kani aa ká mąąkwɛlii, 'káán ká kąnąn gani mą.

Timote veelɛ 1:7

Mąąhɔlɔɓo, ɲɔw kili hvəə Yálá ə gu kɔ la, kɛlaa, ə kɛ a: huwalawala kili, a wɛlikɛmąą kili, a yee pɛli gbɔwɔ ɓa kili.

Lomaŋ 15:13

Gɛ́, Ɲálái gu kilitɔɔi mą, ə ká pilɛ a kwəinɛ̨ɛ̨ da liilaa laa na laa hu, ə gɛ, Kili-Mąąhəɠɛɛ nwɔ hvaŋą ə ká pilɛ kilitɔɔmąąlaa hu.

Mąątɛ̨nɛ̨ 140:6

Kpɔwɔ ɲąąkɛ̨nɛ̨ nuą daa hɛlɛn dɛ dɔ́wɔ, daa diŋɛ̨n ɉee dɔ́wɔ, daa ɓaləɠaa tɛ dɛ́ɛ́ pələ hu.

Mąątɛ̨nɛ̨ 31:14

Náá kala nuą woo kaa tooi nwə́lii, yili yɛ gwɛ́lɛ nuą mąąɲɔw; daa pɛli mɛ̨nį tɔ̨nɔ̨ hu náá ɓa, diɛ di nwundɔɔ a mą́ą́ mɛ̨nį, diɛ di nwɔ́ yɛnɛ̨ɛ̨ kulɔ ɲə́i.

Lomaŋ 8:26

Bələi tii ɓə, Kili-Mąąhəɠɛɛ a kpɔnmąą tɛɛ la gu wɔ hvįikpɛɛlaa pɔ. Mąąhɔlɔɓo, gu hva Yálá hvɛli yɛ bələi mąąnɛ̨ɛ̨ la. Kɛlaa, Gilii yaa kpįnįi ɓə a kɛ wɔlɔi, yɛ ɲįŋɛ̨ gu mąą mɛ̨nį ɓa, a wooɠaai gu hva pɛli moi.

Lomaŋ 8:2

Mąąhɔlɔɓo, Kili nwɔ tɔ́n a yɛnɛ̨ɛ̨ tɛɛ nu pɔ Jesus Kristə hu, aa nwún mąąɓo nɛ̨ŋɛ̨n da haa di yəi.

Lomaŋ 5:5

Kilitɔɔmąą laa yaan hva nu ɓowo. Gbala ə tɔɔ, Yálá ə nwɔ wɛlikɛmąąlaa yɛɛ gu nįį pɔ Kili-Mąąhəɠɛɛ háálai, yai ə dɛɛ gu pɔ.

Mąątɛ̨nɛ̨ 119:35

'Vílɛn ə́ wɔ tɔnŋaai hiɛ pələ mɛ̨i, mąąhɔlɔɓo, yili ɓə ɲąąnɛ̨ɛ̨i mą́ą́.

Ifisiɛŋ 4:30

'Ká hvo Kili-Mąąhəɠɛɛ liikələn gwəi, yai Yálá ə gɔlɔn ɉii kɛ la káá, káá ká nwun mąąɓo yələ mąąkpɔn na.

Azaya 63:14

Kpɔlɔ yɛ taatɛlɛɛ kpulu a kɛi yɛɛ ɓoloon ɉu, Yai-Laa nwɔ Kilii ɓə kɛi li a diɛ di hviitɔɔ mɛ̨nį ɓa.» Bələ ɓə ə́ ə́ wɔ nuąi tənən dɔɔ la, ə́ gɛ diɛ pɛli ə́ laa lɛlɛ tɛi la.

Mąątɛ̨nɛ̨ 25:12

Nui a ɲɔw Yai-Laa ɓa, Yai-Laa a ɉiɛ pələ lɛ mą, yɛ ɉon na.

Ifisiɛŋ 5:9

Ɛlɛɛ, kɛɛ pono ɓá ɓaa: Lii nɛ̨ɛ̨ gwəi laa, tələnmo laa da tɛ̨ą.

Mise 4:2

Lɔi tamąą kaa pai nąą hiɛ həɠəi, diɛ kɛ diɛ: 'Ka pa gu tɛ Yai-Laa nwɔ Yeei nwuɔ̨, Ɉakɔbə nwɔ Yálái yəi bɛlɛ́n, gaa pai nwɔ pələɠaai lɛi guɔ, guɔ hiɛ nwɔ pələɠaai mɛ̨i, mąąhɔlɔɓo, Siɔn ɓə kili mɛ̨nį a kulɔ laa, Ɉerusalɛmə ɓə Yai-Laa woo a kulɔ laa.

Mąątɛ̨nɛ̨ 139:24

Gáá kpɔ a nɛlɛɛ, ə gɛ və́ pa ɉon a pələ ɲɔ̨n. 'Li a ɲą́ą́ ɓalo hva kpɛɛ pələ mɛ̨i.

Mąątɛ̨nɛ̨ 63:1

Davidə nwɔ wələ. Ɓɛlɔwai ə kɛ la Ɉuda lɔi pun ɉu.

Lomaŋ 15:30

Nąn nonnii, yii gáá vɛlii kaa gu Ną́mu Jesus Kristə laa hu, da Kili-Mąąhəɠɛɛ nwɔ wɛlikɛmąąlaa hu, ya ɓa: 'Ká kpɔnmąą tɛɛ bɔ́ gɔi ŋɛ̨i hu, a Yálá hvɛlii ká mo mą́ą́ mɛ̨nį ɓa.

Mąątɛ̨nɛ̨ 118:28

Yɛ́ ɓə ə́ kaa a nwɔ́ Yálá, ŋą́ ə́ laa mąąwiɛ, nwɔ́ Yálá, ŋą́ ə́ laa tɛ.

Mąątɛ̨nɛ̨ 22:1

Nwələ ɲɛ̨i tɔwɔmun, nwələi da kɛ mą: «Yələ ɓɔi Lomą.» Davidə nwɔ wələ woo.

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Azaya 29:10

Mąąhɔlɔɓo, Yai-Laa aa kwəi pilimąą hvə kaa, Yálá kwəi mɛ̨nį hukulɔ nuą, aa ka ɲįnąą kpulu, kɛɛ kaa nuą, aa ka nwun mɛ̨i kpulu.

Lonon mo 9:22

Dulɔ kpinįn a kɛ lɔ pɛlɛ ni gələ mɛ̨i, bələi lɔ a lamun na laa, bələ lɔ ɓə diɛ kpɛli da lamun na gɛɛnąąi tii, yɛi kɛ a hvóló hveelɛ, ɲąnin dɔ̨nɔ̨, a wala kɛ tii a lɔwai hu kwɛaa, Israɛlə lonnii da kɛ lɔ gɛɛnąąi tii, di hva həɠə laa. Ɲələi dulɔ kpinįn a muhəɠə la, ɲələ ɓə da li la.

Mąątɛ̨nɛ̨ 27:11

Yai-Laa ə́ wɔ pələi lɛ mą́ą́, ə́ vílɛn pələ lɛlɛɛ mɛ̨i; bələi mąn nuą kaa la heeni dɔ́wɔ.