Mąątɛ̨nɛ̨ 141:5 - Yálá laawoo hɛɓɛ (dc)

⁵ Tələnmolon a gɛ́lɛ, wɛlikɛmąą túwɔ́ li, tələnmolon a kɛi ɉútɔɔ, nwun na nɛ̨ɛ̨ li; Kɛlaa, nu ɲɔnwɔ̨ɔ̨ nwɔ nɛ̨ɛ̨laa nwɛi, ŋą́ nwún gulɔ mu. Ə mą kɛ tii, gáá lɔ mą gɛ́ Ə́ hvɛli, bələi mąn di kaa túwɔ́i la a ɲą́ą́ a ɲɔ̨nwɔ̨ɔ̨.

Yálá laawoo hɛɓɛ

⁵ Tələnmolon a gɛ́lɛ, wɛlikɛmąą túwɔ́ li, tələnmolon a kɛi ɉútɔɔ, nwun na nɛ̨ɛ̨ li; Kɛlaa, nu ɲɔnwɔ̨ɔ̨ nwɔ nɛ̨ɛ̨laa nwɛi, ŋą́ nwún gulɔ mu. Ə mą kɛ tii, gáá lɔ mą gɛ́ Ə́ hvɛli, bələi mąn di kaa túwɔ́i la a ɲą́ą́ a ɲɔ̨nwɔ̨ɔ̨.

Bible

⁵ Tɔɔ ǹúu sã́a-ŋai dí ŋ́gula maa kɛ́, dí ńdeniŋ tɔ́ɔ a wɛli kɛ́ maa, kɛ́lɛ, ḿve pâi ńyee seêi ŋ̀wana-lɔ̂ɔ-ƃelai díƃaa-kɛ maai mu, kpɛ́ni fêi, ŋ́gaa nɔ́ wɔ́lɔ Ɣâla fɛlîi é pîlaŋ díŋwana-lɔ̂ɔ-tuai ma.

Mąątɛ̨nɛ̨ 141:5 Referans Kwoze

Ikilisiati 7:5

Nu wəli tɔɔ kilimąą mun nwɔ liɛwoo ɓa hviɛlaɓoɔi, ə tɛɛ nu wəli tɔɔ kilikpɛɛgwəi nuą di wɔ wələ wooɠaa diɛ.

M̀ɛni-lɛɛi 3:19

Nwɛ́i, nui nwɛli kaa mą́ą́, ya ɓə ŋą́ ɉɔn doo mą, gɛ́ ɉutɔɔ. 'Tɔɔ kani a ə́ nwąnąi, ə́ ə́ tuwɔ pələ mąąhvalin!

Galatə 6:1

Ną́n nonnii, ká ká ɓɛlan da hon mɛ̨nį ɲɔ̨n ɉu, káái Yálá nwɔ Kilii kaa ká yəi, 'ká vilɛn bələ ɓa a liinɛ̨ɛ̨ gwəi laa. 'Ə́ kpɔwɔ mɛ̨ikaa, ɲąąhɛn mɛ̨nį hva mɔ̨ɔ̨ pɛli həlii yɛ́ kpɛli yɛ́?

Hanwon 25:12

Kilimąą mun a nu hɔn doo, yá ə́ nwəli tɔɔ mą a nɛlɛɛ, gaa yɛ hɛni gbono da hɛni kwɛɛn.

Hanwon 19:25

Da yɛlɛkulɔɉumun gɛlɛ, a kili tɛɛ kilikpɛɛgwəi mun bɔ. Ya mɛ̨nį kɔ́lɔnmun ɉɔn doo ma, a kili hɔlɔɓo ɉu.

Hanwon 15:5

Kilikpɛɛɲəimun a tɛɠɛ ɓo nąn nwɔ mąąkwɛli woo hu. Kɛlaa, nui da nwəli lon doo ɉu, yɛ gili lɛɛ ɉu, mɛ̨nį kɔ́lɔnmun ni.

Kɔlɔnikɔ Veerɛi 25:16

Ə lɛɛ lɔ hvaai, Amasiasə ə bələ tee mɛ̨i ɲəi, yɛ mą: «Gbɛɛ ɓə ə hee a tɔɔmun niɛwoo kɛmun? 'Kpəla mą! Awala kɛ tii, ə́ kaa bɔ di ə́ kɛlɛ?» Yálá kwəi mɛ̨nį hukulɔ mun ə naa pilɛ; kɛlaa, yɛ mą: «Ŋą́ą́ gbaɠala kaa, gɛ́ diɛ, Yálá kaa bɔ ə ə́ paa. Hvó gaai, dúwɔ́ taaləi tii yáá mo, ɛlɛɛ, hvo gɛ li hvó ə́ wəli tɔɔ nwɔ́ɔ́ liɛwoo ɓa.»

Hanwon 6:23

Mąąhɔlɔɓo, liɛwoo kaa yɛ labon, mɛ̨nįi da nu kalan na, gaa a kɛɛ pɔ̨nɔ̨. Kili nwɔ hutɔɔ wooɠaa kaa a yɛnɛ̨ɛ̨ kɛ hɛn.

Mąątɛ̨nɛ̨ 125:4

Yai-Laa, nui ɉɔn nɛlɛɛ, ɉon a nɛlɛɛ, a nui ti gwəi kwəlɛɛi.

Mąątɛ̨nɛ̨ 51:18

Hvó ɲə́i haláá hɛn bɔ, hvó pai ə́ yee heei nwɔ́ haláá hɛnŋaai ŋą́ gəlee kələn da mu.

Mąątɛ̨nɛ̨ 23:5

Yá kɔ̨nɔ̨n ɉee nííla, ɲówóɠaa ɲɛ̨i ɓa. Yɛ́ mąątí wulɔ mąąkun nɛ̨ɛ̨ lɔ nwún ma, nwɔ́ lɔɔi vili yɛ yɛɛ a gbamą.

Maafîu 5:44

Nwɛ́i gáá moi kaa, ka ka yowo wɛli la kɛ, nuąi da ɓɛlɛkpɛɛ kaa, ka Yálá hvɛli diɛ.

Hanwon 15:22

Nwun dɔɔ awala kɛ mɛ̨nį ɓa, giliŋąhiɛ a kɛ nuą diɛ ɉu hva nɛ̨ɛ̨, Kɛlaa, nwun dɔɔ ɓə a nu kɛ mɛ̨nį tamąą hu nɛ̨ɛ̨.

Levetekɔ 19:17

«Yowolaa hvo kɛ ə́ kwəi yɛ hvilɛn na ə́ kaayɔwɔ ta ɓa. Ə́ ɓɛlan gaalon ɉutɔɔ, ə gɛ nɛ̨ŋɛ̨n da wulu hvo pa lɛɛ ə́ nwuɔ̨.

Hanwon 12:1

Nui hutɔɔ wɛli kaa mą, gaa bɔ ə mɛ̨nį kɔ́lɔn, Kɛlaa, nui a liɛwoo pili, nwun gbɛɛi ɉu.