Mąątɛ̨nɛ̨ 14:4 - Yálá laawoo hɛɓɛ (dc)

⁴ Mɛ̨nį ɲɔ̨n gɛ nuąi tii, di hvo mɔ̨ɔ̨ mɛ̨nį kɔ́lɔn? Diɛi nwɔ́ nu kanŋaai kɛi a di kɔ̨nɔ̨n, da kɛli kɔ̨nɔ̨n mįi! Ɛlɛɛ, di hva Yálá hvɛli!

Yálá laawoo hɛɓɛ

⁴ Mɛ̨nį ɲɔ̨n gɛ nuąi tii, di hvo mɔ̨ɔ̨ mɛ̨nį kɔ́lɔn? Diɛi nwɔ́ nu kanŋaai kɛi a di kɔ̨nɔ̨n, da kɛli kɔ̨nɔ̨n mįi! Ɛlɛɛ, di hva Yálá hvɛli!

Bible

⁴ Yâwɛɛ è m̀o ǹyɛɛi, “Táre da fé ǹûa ŋwana-lɔ̂ɔ-ŋai ŋí ŋuŋ su? Díƃoo ƃé m̀oɔɔ̂i? Da ŋánûai miî yɛ̂ɛ núu a kɛ̀ kpólo miî. Dífa wɔ́lɔ ḿvɛ̀li ńyãa, Yâwɛɛ a dɔnɔ kpîŋ.”

Mąątɛ̨nɛ̨ 14:4 Referans Kwoze

Mąątɛ̨nɛ̨ 79:6

Nɔiɠaai di hvo ə́ kɔ́lɔn, ə́ wɔ liiɲąnwąnąi yɛɛ di mɛ̨i, ə mą kɛ dɔɔɓɛlaai di hva ə́ mąąwiɛ.

Ɉeremi 10:25

Yai-Laa! Ə wɔ liiholi ɲąątɔɔ nuą tii di hvo ə́ kɔ́lɔn diɛ; a diɛi tii di hva ə́ təli a ə́ laa; gbalai tɔɔ di kaa Ɉakɔbə mįi. Di kaa ɉuwu kpɛɛi, diɛ nwɔ lɔi hukala.

Azaya 64:7

Ɛlɛɛ yaan, yɛ́ lɔ ɓə ə́ kaa a ku Nąn, ləɠi pɔlɔ ɓaa a kuɔ, yɛ́ lɔ ɓə ku tɔɔi, ku kəlee, ku kaa a ə́ yee ŋą koló.

Mąątɛ̨nɛ̨ 82:5

Kɛlaa, di hvo mɛ̨nį ta kɔ́lɔn, mɛ̨nį kpaɠala hvo diɛ, di kaa kpinį hu, lɔi kɔwɔ hvilɛn ɉɛn kəlee daa kɛ yɛɠɛ yɛɠɛ a di laa pɔɔ.

Lomaŋ 1:28

Yii di hvo gɛ li di hvo Yálá kɔ́lɔn, ya ɓə gɛ, Yálá ə di lɛɛ laa di lɔ di kpɔkpɔɔ kili ɲɔ̨nwɔ̨ɔ̨ ti hu, yii kɛ mąą hvo nɛ̨ɛ̨li nu hvo gɛ, diɛ gɛ.

Amɔsə 8:4

Kaa yii ka kɛ mąąwɛli nuą tan ɉii a ka kɔ́wɔ, kaa kɛ ka kpɔɔmąąyɛɛ nuą kulɔ nɔi, 'ka ka wəli tɔɔ!

Mąątɛ̨nɛ̨ 27:2

Nu ɲɔ̨nwɔ̨ɔ̨ɠaa di mą wolo mą́ą́, diɛ kɛ di ɉú hvala-hvala, diɛmun mə da kalin di too a diɛi tii gɔ́ pɛlɛ mą́ą́i, a ɲówóɠaa.

Galatə 5:15

Kɛlaa, akɛ, kɛi ká keeni ɲin, káá ká keeni huwɔ hu hvala-hvala, 'ká gɛ a nɛlɛɛ, ká hvo pa ká keeni mąą mɛ̨nį pili ɉu.

Osia 7:7

Di kəlee di hu kələn ŋąąi yɛ nwɔ̨n dinįi, di kaa giti tee nuą mįi, di wɔ tɔɔɓɛlaai kəlee daa too; ɛlɛɛ, nu hvo hɔlɔɓoi di lɔwai, yɛ vɛ́li.

Azaya 45:20

'Ka ka ɲąąkpɔn, 'ka pa, 'ka lɛɠɛɓɛ a gee, kaai ka nwun ə kulɔ, lɔiɠaa hu. Nuąi tii nwuluɠaa haɠa, diɛ kɛ, di wɔ yálá li, diɛ ɉaliɠaai tii tɛ yələi, ɛlɛɛ, hɛn hva nu ɓalo, diɛ vɛli.

Azaya 29:14

Yili ɓə gaa mą, gáá kpɔlɔ pai kɛi di kwəi pilii diɛ, a mɛ̨nįɠaai gáá pai kɛi gɛi di lɔwai, yɛ kilimąą nuą kiliŋą pɛlɛ, yɛ mɛ̨nį kɔ́lɔn nuą di wɔ mɛ̨nį kɔ́lɔnŋąą pili di yəi.

Azaya 27:11

Ɓɛlɔwai nwulu woŋoɠaa da kpala la, nɛ̨ą da pa di nwɔ̨n naa ɉu, a tɛ̨ą, kili hvo nu huwui ŋɛ̨i ɓa; ya ɓə gɛi, nui di pɛli, hva di mąąwɛli kaa. Nui di kulɔ hva di ɲɛ̨imąąwɛli kaa.

Zôo 27:10

A pɛli mɔ̨ɔ̨ galihva ɓoi Huwalawala Kəlee Nąmu ɓa, a pɛli mɔ̨ɔ̨ Yálá təlii a lɔwai lɔpee.»

Azaya 5:13

Yili mąą mɛ̨nį ɓa, «di kaa pai lii a nwɔ́ nu huwui kɔluwɔlaa hu, mąąhɔlɔɓo, kili hvo kɛ li mą, nɔi kalanɉonŋąą, kaa pai haai a pulu, nɔi lonnii, diɛ haa a kpələ wɛli.»

Zôo 21:15

kɛi da mo yɛ́ Huwalawala Kəlee Nąmu, ə́ kaa bɔ ku kɛ a ə́ wɔ luwɔɠaa? Ə́ hvɛli mɛ̨nį ku yəi nwun maa lə?»

Hanwon 30:14

Nu taɠaa kaa laa, di ɲin gaa yɛ ɓɔwa kwɛa, di kpaniɠaa di ɓo yɛ ɓɔwa lon, diɛ mąąwɛli nuą huwɔ wean na di hu, di kpɛɛ mɛ̨nį ɓa lɔi mɛ̨i, da yeehvowolo nuą.

Azaya 64:6

Nu ta hvo tómąi a Ə́ laa, nu ta hvo mun kpɛli nwun ɉi, yɛ mɛ̨nįi tii too Yɛ́, mąąhɔlɔɓo, Yáá ə́ ɲɛ̨ilai now kuɔ, Yáá ku wɔ túwɔ́ pələ ɲɔ̨n lɛɛ laa ɲee aa tɛɛ kuɔ, yɛ ku kala kpɔ tɛ̨ɛ̨ tɛ̨ɛ̨.