Mąątɛ̨nɛ̨ 14:3 - Yálá laawoo hɛɓɛ (dc)

³ Di kəlee, daa həɠə bələ mɛ̨i, di yee lɔɔ gee hu túwɔ́ pələ ɲɔ̨n gulɔ mɛ̨nį hu, di ta hva túwɔ́i a dənən, ə mą kɛ nu tanɔ̨n gbən ɓə.

Yálá laawoo hɛɓɛ

³ Di kəlee, daa həɠə bələ mɛ̨i, di yee lɔɔ gee hu túwɔ́ pələ ɲɔ̨n gulɔ mɛ̨nį hu, di ta hva túwɔ́i a dənən, ə mą kɛ nu tanɔ̨n gbən ɓə.

Bible

³ Díkelee da kula Ɣâla ŋɔpere sãai ma, da wôya mɛni tee-tee pú díŋuŋ su. Ɣâla nîa mɛni kɛ́ nuu tɔnɔ kpîŋ fé dísama. Vé tí a dɔnɔ kpîŋ.

Mąątɛ̨nɛ̨ 14:3 Referans Kwoze

Azaya 53:6

Gu kəlee gwaa kɛ lan yɛ ɓɛlaaɠaa, nu kəlee ə kɛi li a niiɓa pələ, ya ka tii Yai-Laa ə gu kəlee gu wɔ túwɔ pələ ɲɔ̨n nwulu lɛɛ nwuɔ̨.

Azaya 64:6

Nu ta hvo tómąi a Ə́ laa, nu ta hvo mun kpɛli nwun ɉi, yɛ mɛ̨nįi tii too Yɛ́, mąąhɔlɔɓo, Yáá ə́ ɲɛ̨ilai now kuɔ, Yáá ku wɔ túwɔ́ pələ ɲɔ̨n lɛɛ laa ɲee aa tɛɛ kuɔ, yɛ ku kala kpɔ tɛ̨ɛ̨ tɛ̨ɛ̨.

Lomaŋ 3:23

Nu kəlee daa nɛ̨ŋɛ̨n ɉəɠə daa hvɛɠɛ a Yálá nwɔ mąąwiɛlaa hu.

Mąątɛ̨nɛ̨ 14:1

Nwələ ɲɛ̨i tɔwɔmun. Davidə nwɔ wələ. Kilikpɛɛgwəi nuą, da kɛ kɛi di kwəi pələ: «Yálá hvo laa!» Daa kala, ɓɛlɛkpɛɛmąą túwɔ́ ɓə da mo, nu tɔ̨nɔ̨ kpɛli hvo kili mɛ̨nį kɛi.

Zôo 14:4

Gbɛɛ kpɔ ɓə laa yɛ pɛli mɛ̨nį ɲɔ̨nwɔ̨ɔ̨, da nɛlɛɛ gulɔ ɉu kɛi yɛ bələi ə́ kaa la? Mąą nu hvo mą!

Mąątɛ̨nɛ̨ 58:3

Kpələ-o! Ká kɛ giliɓo, kaa piɛn doo mɛ̨nįɠaa kɛ, ɓɛ yɛnɛ̨ɛ̨, ka kɛ wea mɛ̨nį huwu ɲąątɔɔi, a ka kɛ mɛ̨nįɠaa.

Ifisiɛŋ 2:3

Gu kəlee gu kɛ a di ta, gu kəlee gu kɛi gu kpɔwɔ tɛɛ gu kɔlɔ liiɓa mɛ̨nįɠaa pɔ, guɔ niiɓa mɛ̨nįɠaa kɛ, gu hvilɛnŋąą kɔlɔ liiɓa mɛ̨ni pulu; ɛlɛɛ, gu kaa pələ hu, gu kɛ a nuąi Yálá ŋą liiholui hvilɛnŋąą di pulu, lɔ yɛ nu takpɛliɠaa.

Mąątɛ̨nɛ̨ 143:2

Kiti hvo kɛ, ká ə́ wɔ tímun ka lɔwai, Mąąhɔlɔɓo, yɛnɛ̨ɛ̨ mun dai lɔpee hvo tələnmo li ə́ ɲɛ̨i ɓa.

Izikiɛ 36:25

Gáá pai ya mąąhəɠɛɛ taɠai ka mɛ̨i, pɔn ɲɛ ɓo la kaa; gáá pai ka mąąhəɠəi, ka wɔ mąąliɓi mɛ̨nįɠaai kəlee yəi; da ka wɔ haliɠaai kəlee yəi.

Ɉeremi 2:13

Mąąhɔlɔɓo, nɛ̨ŋɛ̨n nwɔ́ nuą daa ɉəɠə gaa hveelɛ: Ɲą́ą́ ŋɛ̨i a tɛɛya nwun gulɔi, daa nɛ́ɛ́ laa; diɛ di kpɔ-kpɔɔ ya lɔwaɠaa tee, a lɔwa yii da dee ya hva tɛ ɉuə.

Korɛntə veelɛ 7:1

Nwɛ́likɛmąą nuą, yii kani Yálá kpinįi aa mɛ̨nį taaləi tii laakwɛlanmo guɔ, 'ká gu gu kpɔwɔ kpinįi mąąhəɠə, hɛn a nu kɔlɔ da nįį kɔhɔɓo gəlee yəi, 'ká gu gu kpɔwɔ mąąhəɠə mɛ̨nį, ɲee laa kulɔ kɛ Yálá ŋą ɲɔwmąąlaa hu.

Mąątɛ̨nɛ̨ 119:176

Gáá lɔ lia li nwún ma, yɛ ɓɛlaa haai aa pili, 'hvilɛn, ə́ ə́ wɔ tímun kwɛli, mąąhɔlɔɓo, və́ lɛ̨ą li ə́ wɔ tíɓoɠaai diɛ.

Ikilisiati 7:29

Yii woloi lɔ ŋą́ gaa, ya ɓaa: Yálá ə nu pɛli a ɉaŋąą, hvo gbɛlaan. Kɛlaa, nu kpinįi ɓə gbɔwɔ mąą mɛ̨nį nwun bili.

Mąątɛ̨nɛ̨ 38:5

Mąąhɔlɔɓo, ɉɔ́n aa kɛnɛ̨ aa tɛɛ gbínį ɓa, nwiɛ yee aa tɛɛ mą́ą́.

Dutɛrɔnome 1:35

Yɛ kɛ diɛ: «Nɔi kpɔ ŋɛ̨i a nɔi lɛlɛɛ ŋɛ̨i, ŋį́ gwɛ́la gɛ́ gáá dɛɛi di nąnni pɔ, di tɔ̨nɔ̨ kpɛli hva nąą kaa.

Korɛntə dɔlɔɔ 6:5

Yii ŋɛ̨i gáá moi, yili kaa a ká nwumɛ̨ mɛ̨nį. Akɛti, nu ta hvo ka lɔwai yii kili kaa mą, yɛ pɛli ka lɔwai mɛ̨nį ɓoi?

Zôo 15:16

Gu hvo mu kɛ yɛ́i ŋɛ̨i a mąą liɓi mun, ə́ kwə́i kili ɲɔ̨nwɔ̨ɔ̨, yɛ́ mɛ̨nį ɲɔ̨n gbələ, yɛ nu a kɛi ya kpələ.

Lɛɛ gbɔwɔ ɓa 12:30

Mąą kpinįi ti hu, tɔɔmun ə muhələ, yaa da nwɔ ɲɛ̨itɔwɔ nuą, ə mą kɛ Eziptə nuą kəlee. Wɔlɔ woo ə kɛ pɛlɛ́ kəlee mu, mąąhɔlɔɓo, pɛlɛ́ ta hvo kɛ laa yii haa hvo too mu.

Zɛnɛse 6:12

Yálá ə ɲɛ̨i hee lɔi mɛ̨i, ə nąą kaa, nu tɔ̨nɔ̨ kpɛli hvo kɛi Yálá kwɛli, nu kəlee lii lɔɔ mɛ̨nį ɲɔ̨n ɉu diɛ gɛ.

Ikilisiati 7:20

Yaan, nui lɔpee ta hvo ɓɛ lɔi mɛ̨i ɉaŋąą, yɛ mɛ̨nį lɛlɛɛ kɛ, yii hva pɛli lan ɉi.