Mąątɛ̨nɛ̨ 138:2 - Yálá laawoo hɛɓɛ (dc)

² Gáá kwɛli hvilɛn ɉii yɛ́, ɲɛ̨́i heɛ ə́ wɔɔ pɛlɛ́ mąąhəɠɛɛi ɓa. Ə́ haŋą pələ da ə́ wɔ mɛ̨nį lɛlɛ pələ ɓa. Hvó gaai, mɛ̨nįɠaai ə́ naakwɛlanmo, gɛnɛ̨i dɛɛ yiiɠaa ku mɛ̨n ə́ laa mɛ̨i diɛ.

Yálá laawoo hɛɓɛ

² Gáá kwɛli hvilɛn ɉii yɛ́, ɲɛ̨́i heɛ ə́ wɔɔ pɛlɛ́ mąąhəɠɛɛi ɓa. Ə́ haŋą pələ da ə́ wɔ mɛ̨nį lɛlɛ pələ ɓa. Hvó gaai, mɛ̨nįɠaai ə́ naakwɛlanmo, gɛnɛ̨i dɛɛ yiiɠaa ku mɛ̨n ə́ laa mɛ̨i diɛ.

Bible

² Ŋá ŋ́ɛi pìlaŋ í Ɣâla-pɛrɛ Kɛ́tɛi ma, ŋá ŋ́uŋ maa pîlaŋ, ŋá sɛɣɛi-fei tɛɛ ípɔ. Ŋa pâi ílaa maa tɛ̂i, íwɛli-kɛ maa kpanaŋɔɔi da íteniŋ ƃô-laai mɛ̂ni ma, kpɛ́ni fêi íkɛ̂tɛi ítɔ̂ŋ kpanaŋɔɔ é tɛ́ɛ sɛŋ kélee ma.

Mąątɛ̨nɛ̨ 138:2 Referans Kwoze

Maafîu 5:18

Gáá tɛ̨ą ɓoi kaa, a kɛ yələ kɔ́lɔn, da lɔi da wala ni tɛɛ, mɛ̨nį yiiɠaai bɛ̨ɛ̨ dɔ́n ɉɛɓɛ́ hu, ɉɛɓɛ́ gɔw dɔ̨nɔ̨ kpɛli hva ɉəɠə mą. Gəlee ka kɛ, yɛ pələi bɛ̨ɛ̨ la, ə lɛɛ la ɉu, hvo kɛ li yɛnɛ̨ɛ̨ ɲąą kpɛɛi lɔwai.

Azaya 42:21

Yai-Laa ə hvaa tii mą, mąąhɔlɔɓo, dələnmoɔi, yɛ nwɔ tɔ́n laa tɛ, yɛ ɲɛ̨i pɔ̨nɔ̨.

Mąątɛ̨nɛ̨ 56:10

Ɲówoɠaa kaa pai pui dɔ́wɔ, a ɲələi gáá pai ə́ təlii lai, gíli kaa tii ɉu gɛ́ diɛ Yálá tɔɔi búlu.

Maafîu 24:35

Yələkɔlɔn da lɔi di hvo pai tɛɛi nii, akɛ nwooɠaa ŋɛ̨i ŋį́ mo gəlee pɔ mɛ̨nį hvo kɛ li.»

Mąątɛ̨nɛ̨ 5:7

Ya lɛɛnuą nwun na pili, ɲąmą pumun, mɛ̨nį piliɉumun, Yai-Laa a yowolaa kulɔ a diɛ.

Mąątɛ̨nɛ̨ 28:2

Ə́ mąąnɛ̨ɛ̨i gáá moi, ə́ wəli tɔɔ nwóó ɓa, ɓɛlɔwai gáá tomąi la ə́ pɔ pələ, gɛ́ ɲéé tɛ ə́ pɔ pələ, ɓɛi ə́ kaa laa ə́ wɔ pɛlɛ́ mąąhəɠɛɛi mui.

Ɉaan 1:17

Gu Yálá nwɔ tɔ́n ɉɔlɔɓo Moisə háálai. Kɛlɛɛ, gu mɛ̨inɛ̨ɛ̨ da teŋą hɔlɔɓo Jesus Kristə háálai.

Mąątɛ̨nɛ̨ 56:4

Ɲələi ɲɔw a kɛ la gɔ́lɔi, yɛ́ ɓə ŋą́ gílitɔɔ yɛ.

Mąątɛ̨nɛ̨ 115:1

Kuɔ hvəi, Yai-Laa, kuɔ hvəi mąąnɛ̨ɛ̨ ku mąąwiɛ hɔlɔɓo; kpələ́! Kuɔ hvəi, kɛlaa yili mąąnɛ̨ɛ̨i ə kɛ Ə́ laa mąąhəɠɛɛ ɓa, ə́ wɔ wɛlikɛmąąlaa, da ə́ wɔ tɛ̨ą mąą mɛ̨nį ɓa.

Danîa 6:10

Nwoo tii ɓoɔ pulu, tɔɔmun ə hvaa mą, ə ɲee pɔɔ too dɔ́n tii hu.

Azaya 63:7

Gáá pai Yai-Laa nwɔ mɛ̨inɛ̨ɛ̨ɠaa hukulɔi, nwələɠaai da Yai-Laa laa tɛ, mɛ̨nįɠaai Yai-Laa ə gɛ kuɔ, di mąą mɛ̨nį ɓa, a nwɛlikɛmąąlaa kɛnɛ̨i ə gɛ, Israɛlə nwɔ pɛlɛ́i ɓa, bələ ə ɉon na a lii nɛ̨ɛ̨ gwəi, yɛ mɛ̨inɛ̨ɛ̨ tamąą kɛ mą.

Mąątɛ̨nɛ̨ 99:9

'Ka Yai-Laai gu wɔ Yálái laa tɛ. 'Ka kwɛli hvilɛn nwɔ yee mąąhəɠɛɛi pɔ pələ, mąąhɔlɔɓo, Yai-Laa, gu wɔ Yálái Mąąhəɠɛɛi!

Mąątɛ̨nɛ̨ 99:5

'Ka Yai-Laa, gu wɔ Yálái laa tɛ. 'Ka kwɛli hvilɛn mą, nwɔ kpəlin liila. Mąąhəɠɛɛi

Mąątɛ̨nɛ̨ 86:15

Kɛlaa Ə́ wɛi, nwɔ mɛ̨nį Nąmu, liinɛ̨ɛ̨ gwəi Yálá ɓaa a yɛ́, mɛ̨inɛ̨ɛ̨ kɛ Yálá ɓaa a yɛ́, Ə́ lii hva holi ɉa, Ə́ ɓo lɔ a wɛlikɛmąą, da tɛ̨ą.

Mąątɛ̨nɛ̨ 85:10

Nuąi da ɲɔw mą, nwɔ ɓaloi a mąą lɛɠɛ diɛ, ɛlɛɛ, mąąwiɛ kaa pai heei nɔi hu.

Ɉaan 10:35

Ku gɔlɔn gbɔ yii Yálá laawoo a mo, mąą hvo nɛ̨ɛ̨li ku hvo ɉəɠə ma. Nuą ŋɛ̨i Yálá laawoo ə həli diɛ, ə di laa hee a Yálá pɛlɛɛɠaa.

Tɔɔɓɛlaa dɔlɔɔ 8:15

Yɛ diɛ: «Mąąwiɛ ə kɛ Yai-Laa ɓa, Israɛlə nwɔ Yálá. Mɛ̨nįi ə mo ną́n Davidə ɓa yaa kpinįi aa bɔ mɛ̨nį kɛ a gbɔɔ-kpɔɔ yəə.

Tɔɔɓɛlaa dɔlɔɔ 8:20

Mɛ̨nįi Yai-Laa ə mo ną́n ma, ya ka tii ə naa hon. Ŋą́ą́ lɛɛ ną́n bɔɔ ŋą, ŋą́ą́ hee Israɛlə dɔɔkpəlin mɛ̨i, yɛ bələi Yai-Laa ə mo la. Ŋą́ą́ bɛlɛ́i ŋɛ̨i tɔɔ Israɛlə nwɔ Yálá, Yai-Laa laa ɓa.

Tɔɔɓɛlaa dɔlɔɔ 8:24

Mɛ̨nįi Ə́ mo, yáá bɔ mɛ̨nį kɛ háákələi kwaa gaa.

Mąątɛ̨nɛ̨ 5:8

Kɛlaa, nwɛ́li la kɛ pələ kɛnɛ̨ ə́ yəi, ŋą́ lɔ ə́ yəi bɛlɛ́n; ŋą́ kwɛli hvilɛn yɛ́, yɛ́ pɛlɛ́ mąąhəɠɛɛi pɔ pələ, gɛ́ ə́ mąąwiɛ a ɲɔw mąąlaa.