Mąątɛ̨nɛ̨ 133:2 - Yálá laawoo hɛɓɛ (dc)

² Gaa lɔ yɛ, mąątí wulɔ kun nɛ̨ɛ̨ a kɛ nu nwuɔ̨! Yɛ yɛɛ gbɛlɛ hu, yɛ yɛɛ Aarɔn kpɛlɛ hu, yɛ yɛɛ, nwɔ həɠəi kɔn bɔ.

Yálá laawoo hɛɓɛ

² Gaa lɔ yɛ, mąątí wulɔ kun nɛ̨ɛ̨ a kɛ nu nwuɔ̨! Yɛ yɛɛ gbɛlɛ hu, yɛ yɛɛ Aarɔn kpɛlɛ hu, yɛ yɛɛ, nwɔ həɠəi kɔn bɔ.

Bible

² Gáa nɔ́ yɛ̂ɛ wúlɔ lɛ́lɛɛ nyii da bù núu ŋûa, nyii gáa yenîi a Eelɔŋ ŋuŋ, gɛ́ pù ǹá-leɣa su, gɛ́ yèŋ gɛ́ pú ŋɔyɛkɛi kâraŋ ma.

Mąątɛ̨nɛ̨ 133:2 Referans Kwoze

Levetekɔ 8:12

Ə nwulɔ mąąhəɠɛɛ tii ta pu Aarɔn nwuɔ̨, ə da lɔ mą, yɛ naakwɛlanmo la Yai-Laa ɓa.

Lɛɛ gbɔwɔ ɓa 29:7

Ə́ nwulɔ mąąhəɠɛɛ həɠə, ə́ bu nwuɔ̨, ə́ mąątí a da.

Hanwon 27:9

Mąątí wulɔ mąą kun nɛ̨ɛ̨ a nu kwəinɛ̨ɛ̨. Nu mɛlan nwɔ wɛlikɛmąąlaa viɛlaɓoɔi ə tɛɛ nu kpɔwɔ kpinįi nwɔ liɛwoo ɓa.

Lɛɛ gbɔwɔ ɓa 39:24

Di wulu ɓá mąąnįnįnŋąą hɛlɛn ɉəɠə kɔ́wɔ la, daɠaa hviliiɓoɔ, gbɔluɔ mu tɛɠiɛ, daɠaa kpɔluɔ gbələ tətə.

Ɉaan 12:3

Mari ə nu mąątí wulɔ kun nɛ̨ɛ̨ həɠə, ɉɔ̨nwɔ̨ kɛnɛ̨, ə ɉiɛ Jesus kɔ́wɔ ɓa, yɛ mąą kələ a nwun nɛɠa. Gun ə bɛlɛ́n gəlee kulɔ.

Wɛli 1:3

Ə́ mąątí wulɔ a ə́ mąą kun nɛ̨ɛ̨! Guɔi! Yá nu lii hon. Ɉɛn kpɔ a gɛ, ə́ wɛli yɛ too la nɛ̨ɛ̨lɛa diɛ, yaa li.

Mąątɛ̨nɛ̨ 141:5

Tələnmolon a gɛ́lɛ, wɛlikɛmąą túwɔ́ li, tələnmolon a kɛi ɉútɔɔ, nwun na nɛ̨ɛ̨ li; Kɛlaa, nu ɲɔnwɔ̨ɔ̨ nwɔ nɛ̨ɛ̨laa nwɛi, ŋą́ nwún gulɔ mu. Ə mą kɛ tii, gáá lɔ mą gɛ́ Ə́ hvɛli, bələi mąn di kaa túwɔ́i la a ɲą́ą́ a ɲɔ̨nwɔ̨ɔ̨.

Lɛɛ gbɔwɔ ɓa 28:33

Ɉəɠə wəliɠaa ɓa, ə́ wulu ɓaɠaa mąą nįnįn gɛ mą a gbɔluɔ mu tɛgiɛ, viliiboɔ, gbɔluɔ gbələ tətə. Ə́ gɛ ti nwəliɠaa ɓa, ə́ doo gee hu. Ɛlɛɛ, ə́ talanən bɛlɛɛɠaa kɛ nwulu ɓáɠaa lɔwai.

Lɛɛ gbɔwɔ ɓa 30:35

Wulɔ kun nɛ̨ɛ̨ pɛli la, yɛ pələi mąątí wulɔ pɛli mun a gɛ la, kpolo yɛ ɓo mą, a nɛlɛɛ mąąhəɠɛɛ.