Mąątɛ̨nɛ̨ 133:1 - Yálá laawoo hɛɓɛ (dc)

¹ Ɲee mąąhəɠɛɛ tɛ wələ. Davidə nwɔ wələ. Akɛ nąn gaaɠaa da hvaa mą di di yee lɔ gii yəi! Di hee kɛɛnąą tɔ̨nɔ̨! Ée kə! Lə mɛ̨nį ɲąąnɛ̨ɛ̨ ɓəi! Lə kɛ nwun nąnɛ̨ɛ̨ ɓəi!

Yálá laawoo hɛɓɛ

¹ Ɲee mąąhəɠɛɛ tɛ wələ. Davidə nwɔ wələ. Akɛ nąn gaaɠaa da hvaa mą di di yee lɔ gii yəi! Di hee kɛɛnąą tɔ̨nɔ̨! Ée kə! Lə mɛ̨nį ɲąąnɛ̨ɛ̨ ɓəi! Lə kɛ nwun nąnɛ̨ɛ̨ ɓəi!

Bible

¹ Maa-nɛ̃ɛi, gɛ́ ƃò a mɛni lɛ́lɛɛ a gɛɛ Ɣâla ŋɔnûai díkɛ díkîɛ ma woo lâa-maa su.

Mąątɛ̨nɛ̨ 133:1 Referans Kwoze

Piɛrə dɔlɔɔ 3:8

Yili pulu, ká kəlee ka wɔ kiliŋąhiɛ ə kɛ tanɔ̨n, 'ká kwəi mɛ̨nį ə kɛ tanɔ̨n, lee-lon nwɛlikɛmąą laa, ɲɛ̨imąąwɛlikaa da kpɔwɔ mąą yɛɛ laa ə kɛ ka yəi ka keeni mąą mɛ̨nį ɓa.

Korɛntə dɔlɔɔ 1:10

Kɛlaa, ną́n nonni, gáá ka liɛwoo ɓoi gu Ną́mu Jesus Kristə laa hu, gɛ́: Ká woo ə kɛ ɉu tanɔ̨n, ɓɛlaɓo hvo kɛ ká lɔwai. 'Ká yili ka kii ɓa kili tɔ̨nɔ̨ hu kiliŋąhiɛ tanɔ̨n ɉu.

Ɉaan 13:35

Yili ɓə a gɛ, nu kəlee di gɔlɔn diɛ ka káá a nwɔ́ kalan nɛa, a ka kee wɛlila kɛi ka mo.»

Hebreu 13:1

Lee-lon nwɛlikɛmąą laa ə ɉeei kulɔ ká lɔwai.

Ɉaan 17:21

Ə gɛ, di kəlee di kɛ ɉu tɔ̨nɔ̨, yɛ pələi gu kaa la ɉu tɔ̨nɔ̨. Gwa diɛni gu kɛ ɉu tɔ̨nɔ̨, ə gɛ, yɛnɛ̨ɛ̨ nuą di gɔlɔn diɛ: yɛ́ ɓə dɔ́ɔ́.

Ɉeremi 32:39

Ŋą́ kiliŋąhiɛ tɔ̨nɔ̨ too diɛ, di hiɛ pələ ə ɓo tɔ̨nɔ̨, diɛ mą́ą́wiɛ a yələ kəlee; yili a kɛ diɛ a nwun na nɛ̨ɛ̨, da di lonnii pai lɛɛi di pulu di wɔ nwun na nɛ̨ɛ̨.

Zɛnɛse 13:8

Nąąlɔwai, Abramə ə mo Lɔtə ɓa, yɛ mą: «Mąą hvo nɛ̨ɛ̨li, hvaa hvo kɛ gwa yɛ́ gu lɔwai, ə mą kɛ daatɛlɛɛ mɛ̨i kaa nuą. Mąąhɔlɔɓo, gu kaa a pɛlɛ tɔ̨nɔ̨ mu nuą.

Zɛnɛse 45:24

Ə mo niɛni diɛ, yɛ diɛ: «'Ka hvo hvaa kɛ bələi.» Ə tee diɛ, di li.

Azaya 11:6

Nąąlɔwai kwɛligbɔlun da ɓɛlaa lon da kɛ di kee ɓa, kwɛli da ɓooli lon diɛ yíi kɛɛ nąą tɔ̨nɔ̨, nįŋɛ̨ lon da yala lon diɛ di laa mįi gee ɓa, hiɛ lon yɛ ɲɛ̨i kɛ diɛ.

Mąątɛ̨nɛ̨ 131:1

Ɲee mąąhəɠɛɛ tɛ wələ. Davidə nwɔ wələ. Yai-Laa! Kpɔwɔ ɲąąkɛnɛ̨ kili hvo gwə́i, Vá ɲɛ̨́i kulɔ mɛ̨nįi gɛnɛ̨ɛ̨ dɛɛ mą́ą́, bɔ. Vá hvilɛn mɛ̨nį kpɛa-kpɛaɠaa pulu, a mɛ̨nį kpɛa-kpɛaɠaa tii di tɛɛ mą́ą́i.

Azaya 11:13

Ɛfraimə nwɔ toloi kɔ́lɔ a haa mą, Ɛfraimə hva kɛa tolo kulɔ a Ɉuda, Ɉuda ɲowo mɛ̨nį hva kɛa ɓo, Ɉuda hva kɛa yowolaa hee Ɛfraimə ɓa.

Mąątɛ̨nɛ̨ 122:1

Ɲee mąąhəɠɛɛ tɛ wələ. Davidə nwɔ wələ. Da kɛ mą́ą́: «'Gwə li Yai-Laa yəi bɛlɛn!» Gwə́i a nɛ̨ɛ̨!

Azaya 11:9

Kɛɛ kala mɛ̨nį da mɛ̨nį ɲɔ̨n nɔpee hva kɛa kɛ, nwɔ́ yee mąąhəɠɛɛi nwuɔ̨, mąąhɔlɔɓo, nɔi laahvɛɛi a Yai-Laa kɔ́lɔn gili, yɛ bələi yaɠaa kəlee kaa la gboloyá mu, bɛlɛɛ di mɛ̨i.

Mąątɛ̨nɛ̨ 124:1

Davidə nwɔ hiɛ kulɔ wələ Akɛ kɛ Yai-Laa hvo kɛ a dɔɔ ku pului, gbɛɛ ɓə li kɛ ku pulu. Israɛlə! Pənə ə́ mo kpɔ tii!

Markə 3:25

Pɛlɛi lɔpee mu nuą daa kɛi gɔ́ a di kee ni, mąą pɛlɛi a pu.