Mąątɛ̨nɛ̨ 132:18 - Yálá laawoo hɛɓɛ (dc)

¹⁸ Ŋą́ nwumɛ̨ həɠə too ɲowoɠaa kwąną, Kɛlaa nwɛi, nwɔ tɔɔɓɔlɔi ɲɛ̨i a tɔɔ.

Yálá laawoo hɛɓɛ

¹⁸ Ŋą́ nwumɛ̨ həɠə too ɲowoɠaa kwąną, Kɛlaa nwɛi, nwɔ tɔɔɓɔlɔi ɲɛ̨i a tɔɔ.

Bible

¹⁸ Ŋa pâi ŋɔkpɔara-ƃelai paâi a ŋumɛ, kɛ́lɛ ŋɔkâloŋ-laai a pâi ƃûu ƃôi é fólo.”

Mąątɛ̨nɛ̨ 132:18 Referans Kwoze

Mąątɛ̨nɛ̨ 35:26

Nuąi kpɔ nwɔ́ mɔ̨nɔ̨ kaa a di kwəinɛ̨ɛ̨ mɛ̨nį, 'nwumɛ̨ ə gəlee ɲɛ̨i paa a gee! Nuąi kpɔ tii kɛi di nwun dɛ, nwumɛ̨ da ɓáá-kulɔmąą, ə kɛ a di mąą həɠə!

Zôo 8:22

Ə́ yowoɠaa di kaa pai kɛi nwumɛ̨ hu, mɛ̨nį ɲɔ̨n gɛ nuą di wɔ pɛlɛ́ɠaai ta lɔpee hva lɛɛ laa.

M̀ɛni-lɛɛi 11:15

Malaka mɛ̨ihveelɛnąą ə nwɔ tului hvɛɛ: Woo kpɛa-kpɛaaɠaa di tɔɔ yələi, diɛ kɛ mą: «Tɔɔlaai yɛnɛ̨ɛ̨ yiihu, aa lɛɛ a gu Nąmu, yai a Kristə, nwɔɔ, gaa pai tɔɔlaa kɛi, ɲɛ̨n deei hvo mą.»

Maafîu 28:18

Jesus ə lɛɠɛ diɛ yɛ diɛ: «Daa hééɓolaa kəlee tɛɛ bɔ́ yələkɔlɔn ɉu ə mą kɛ lɔi mɛ̨i.

Mąątɛ̨nɛ̨ 109:29

Ɓáá ə kulɔ gálámąɓo nuą diɛ, nwumɛ̨ ə di hon, ə kpɛlaan a diɛ di nąą kəlee, yɛ biliɉu.

Danîa 12:2

Nuą tamąą daa haa, di kaa laani di kámą hu, di kaa pai di muhəɠəi, di kɛ a di hvulú. Daɠaa da di muhəɠə də li yɛnɛ̨ɛ̨ kpɛɛ hvo mą ɉu; daɠaa də li nwun napili hu, nwumɛ̨ hu yii hva kpɛɛ.

M̀ɛni-lɛɛi 17:14

Di kaa pai kɔ́ pɛlɛi Mɛlaa Lon ma, ɛlɛɛ, Mɛlaa Lon ɲee kaa pai tɛɛi diɛ, mąąhɔlɔɓo, ya ɓə gaa a nąmuɠaa kəlee di Nąmu, hééɓoɠaa di wɔ Hééɓomun, ɛlɛɛ, yaa, da nuą ə di təli, ə di həɠə ɉu, ɛlɛɛ, tələnmo nuą, da diɛni di yee kaa pai tɛɛi mą.»

Mąątɛ̨nɛ̨ 109:19

Nɛ̨ŋɛ̨n ə kɛ a gɔnmą həɠə, ə kɛ a ɉɛ̨ą yili kɔ́lɔi, a ɉɛ̨ą yili la, a yələ kəlee!

Hanwon 12:8

Da nu mąątɛ̨nɛ̨ gɛ koló ɓa. Kɛlaa, nui gili ɲɔ̨nwɔ̨ɔ̨ gwəi, wɛlikpɛɛmąąlaa lɔ ɓə da dɔɔ mą.