Mąątɛ̨nɛ̨ 132:17 - Yálá laawoo hɛɓɛ (dc)

¹⁷ Gáá pai Davidə huwu hvaŋą tɛi ɓɛ Siɔn, ɛlɛɛ, nui ŋɛ̨i ŋą́ ɉəɠə ɉu, ŋą́ nwɔ nwɔ̨n ɲąątɛ yɛ lən.

Yálá laawoo hɛɓɛ

¹⁷ Gáá pai Davidə huwu hvaŋą tɛi ɓɛ Siɔn, ɛlɛɛ, nui ŋɛ̨i ŋą́ ɉəɠə ɉu, ŋą́ nwɔ nwɔ̨n ɲąątɛ yɛ lən.

Bible

¹⁷ Ŋa pâi Deeƃé ŋɔsuui su nuu tɔnɔ kɛ̂i a kâloŋ kɛ́tɛ, gɛ̀ ní ŋa pâi ŋákâloŋ ŋɔkâloŋ-laai maa kɔ̃ɔ̂i.

Mąątɛ̨nɛ̨ 132:17 Referans Kwoze

Lukə 1:69

Aa Nwun mąąɓomun nwala-walaa tɛɛ ku pɔ, nwɔ kɛla, tɔɔmun Davidə huwu hu mun da.

Izikiɛ 29:21

«A mąą yələ, ŋą́ Israɛlə nwɔ pɛlɛ́i vąŋąn ta pɛlɛ mą; ɛlɛɛ, ə mą kɛ yɛ́, hulɔnu lon, gáá pai gɛi yɛ́ pɛli mɛ̨nį ɓoi diɛ, di lɔwai. A mąą yələ, da gili kɔ́lɔ, diɛ kɛ Yai-Laa ɓaa a ɲą́ą́.»

Kɔlɔnikɔ Veerɛi 21:7

Kɛlaa, Yai-Laa hvo kɛ bɔ, hvo Davidə nwɔ pɛlɛ́i pu, mįnɛ̨i da Davidə di ɉəɠə mąą mɛ̨nį ɓa, mįnɛ̨i tii kaa Davidə lonnii di wɔɔ; mąąhɔlɔɓo, Yálá ə mo yɛ, nwɔ̨n ŋɛ̨i aa ɉee laai, hvo pa luwun ɉii.

Tɔɔɓɛlaa dɔlɔɔ 11:36

Non nwɛi, gáá pai nu huwu tɔ̨nɔ̨ tɛɛi bɔ, ə gɛ, nwɔ́ tímun Davidə nwɔ nwɔ̨n hvo pa luwun nííla, Ɉerusalɛmə taai ŋą́ ɉəɠə ɉu, a nwɔ́ɔ́, gɛ́ náá hee laa.

Tɔɔɓɛlaa dɔlɔɔ 15:4

Davidə mąą mɛ̨nį ɓə gɛ, Yai-Laa yɛ labon nɛɛ Ɉerusalɛmə, yɛ Davidə lon da hee dɔɔkpəlin ɉu Ɉerusalɛmə, yɛ nąą laa hɔn mo.

Mąątɛ̨nɛ̨ 148:14

Aa nwɔ nu huwui hvaŋą tɛ, aa ɲɛ̨i pɔ̨nɔ̨, ɲee pɔnuą kəlee nwun muhəɠə mɛ̨nį li, diɛi ɓaa a Israɛlə lonnii, a nu huwui tii nɛɠɛɛ mą. 'Kánikookwəi!

Mąątɛ̨nɛ̨ 92:10

Yai-Laa! Ə́ yowoɠaa kaa li! Ə́ yowoɠaa kaa li, di nwun na pili hiɛ li; mɛ̨nį ɲɔ̨n gɛ nuą kəlee taɠa hiɛ li.

Tɔɔɓɛlaa veelɛ 8:19

Kɛlaa, Yai-Laa hvo kɛ bɔ, hvo Ɉuda lɔi hu kala nwɔ tímun Davidə mąą mɛ̨nį ɓa. Mąąhɔlɔɓo, ə kɛ yɛ gaa pai labon dɛɛi Davidə huwu pɔ a yələ kəlee mɛ̨nį.

Samuɛlə dɔlɔɔ 2:10

Yai-Laa ɲowoɠaa hu kaa pai yalii. Gaa pai lɛɛi yələkɔlɔn ɉu yɛ nwɔ yələgbąnąą ɓɛla di mɛ̨i. Yai-Laa kaa pai lɔi pilɛɛ gee mɛ̨i kiti teei, gaa pai heeɓo laa tɛɛi nwɔ tɔɔmun bɔ. Nui a dɔɔi, ə́ mąątí a dɔɔ wulɔ, yɛ ɲɛ̨i pɔ̨nɔ̨.

Mąątɛ̨nɛ̨ 89:25

Nwɔ́ tɛ̨ą mɛ̨nį da nwɔ́ kulɔ nwooɓalaa da kɛ gwɛlɛ, yɛ nwun muhəɠə náá hu.