Mąątɛ̨nɛ̨ 132:11 - Yálá laawoo hɛɓɛ (dc)

¹¹ Yai-Laa ə nwoo kwɛlɛ Davidə ɓa, tɛ̨ą li, hvo pai həɠəi nwoo pulu, ə kɛ mą: «Ə́ kwəi lon da ɓə, gáá pai ɉeei ə́ wɔ tɔɔkpəlin mɛ̨i,

Yálá laawoo hɛɓɛ

¹¹ Yai-Laa ə nwoo kwɛlɛ Davidə ɓa, tɛ̨ą li, hvo pai həɠəi nwoo pulu, ə kɛ mą: «Ə́ kwəi lon da ɓə, gáá pai ɉeei ə́ wɔ tɔɔkpəlin mɛ̨i,

Bible

¹¹ Í íkono tèe Deeƃé yêei a gbanaŋɔɔ, gono-teei nyii ífe pâi íyee kulâi mui: “Ŋa pâi íloŋ-surɔŋ dɔnɔ kɛ̂i a kâloŋ, nyii pâi lɛɛ̂i ípɔɔ ŋá a kâloŋ.

Mąątɛ̨nɛ̨ 132:11 Referans Kwoze

Samia Veerɛi 7:12

Ə́ wɔ yɛnɛ̨ɛ̨ laa a pa kulɔi, yá pa kɛa laai ə́ nąnni kwɛlɛ, gáá pai ə́ huwu mąąwiɛi ə́ pulu, ə́ kwəi lon da ɓə gáá pai heeɓolaa tɛɛi bɔ, ŋą́ nwɔ tɔɔlaai kɔ́wɔ hvilɛn kpɔ gbilin.

Mąątɛ̨nɛ̨ 110:4

Yai-Laa aa gwɛla, hvo pai gələn ma, yɛ mą: «Ə́ kaa a haláá laa həli mun a yələ kəlee mɛ̨nį, yɛ bələi Mɛlkisedɛkə kaa la.»

Gɛlaɠaa 2:30

Kɛlaa, ə kɛ a Yálá kwəi mɛ̨nį hukulɔ mun, gili ə kɛ kpɔ ɉu yɛ diɛ, Yálá aa nwoo kwɛlɛ mą, aa gwɛla yɛ mą: gáá pai ə́ huwu ta heei ə́ wɔ tɔɔ kpəlin hu.

Kɔlɔnikɔ Veerɛi 6:16

Akɛ tii kani, Yai-Laa Israɛlə nwɔ Yálá! Nwooi ə́ mo ə́ wɔɔ tímun ną́n Davidə ɓa, yɛ kɛ mą: ‹Ə́ huwu hvo pai kpɛɛi nííla Israɛlə nwɔ tɔɔkpəlin mɛ̨i, akɛ ə́ lonnii daa kɛi di hiɛ pələ ɲɛ̨lɛkɛ, diɛ túwɔ́ a nwɔ́ɔ́ tɔ́n nwooi, yɛ bələi ə́ hiɛ la ɲɛ̨́i ɓa.›

Hebreu 6:18

Mɛ̨nį hveelɛ ka ti, hva ɉəɠə mą, lɛɛ mɛ̨nį hvo ɉu Yálá pɔ pələ, yili a hvaŋąlɔ tɛɛ gu pɔ, a guɔi gwaa mɛ̨nį kəlee lɛɛ laa, gu kilitɔɔ mɛ̨nį laakwɛlanmoɔ tii ɓa.

Lukə 1:32

Nokoloi tii kaa pai kɛnɛ̨i, di naa hee a Yálá yii gaa hɛn gəlee nwun mɛ̨i non ɉulɔnu. Ną́mu kaa pai gɛi a tɔɔmun yɛ pələi galaɓɔlɔ Davidə ə kɛ la.

Mąątɛ̨nɛ̨ 89:37

Ɉuwu kaa pai lamui gbɛlai hva kɛ mą, nwɔ tɔɔkpəlin kaa pai kɛi nííla yɛ hvóló,

Mąątɛ̨nɛ̨ 89:35

Və́ pai nwɔ́ mįnɛ̨i həɠəi mą, mɛ̨nįi kulɔ ná, vá yili mąąhvalin.

Mąątɛ̨nɛ̨ 89:33

ŋą di wɔ kulɔ nwoo mu laai hutɔɔ a hvaɠa, ŋį́ di wɔ mɛ̨nį ɲɔ̨n kulɔ di hu a kɛlɛɓo,

Tɔɔɓɛlaa dɔlɔɔ 8:25

Yiihu kɛa, Yai-Laa Israɛlə nwɔ Yálá, nwooi ə mo ną́n Davidə ɓa, bɔ mɛ̨nį kɛ; yai ə́ kɛ la mą: ‹Ə́ huwu hvo pai teei Israɛlə dɔɔkpəlin ɉu, akɛ da hiɛ ɲɛ̨i ɓa, yɛ bələi ə́ hiɛ la ɲɛ̨i ɓa.›

Samia Veerɛi 7:16

Ə́ wɔ pɛlɛ́i da ə́ wɔ tɔɔlaai di kaa pai kɛi ɲɛ̨́i mu a yələ kəlee. Ə́ wɔ tɔɔ kpəlin a kɛ a ɉeɛ kpɔ a gbilin yələ kəlee mɛ̨nį.»

Samia Veerɛi 7:14

Gáá pai kɛi a nąn, yɛ ɓo a nón, a ɉɔn gɛ, nuą ɓə ŋą́ di kɛ a gɛlɛ hvaɠa.

Samuɛlə dɔlɔɔ 15:29

Ə lɛɛ nwɔ̨nɔ̨, Israɛlə nwɔ mąąwiɛ hva hea too gbɔwɔ la, yii a mo, hva ɉəɠə mą, mąąhɔlɔɓo, hvo yɛ nu, yii a yali gələn ma.»

Lonon mo 23:19

Yálá hvo yɛ bələi nu kaa la, hva pɛli lɛɛ kɛi, hvo yɛ Adamə lon da, yɛ pɛli nwoo mąą pənəi. A mɔ̨ɔ̨ pɛli mɛ̨nį ɓoi a kɛ hvo mąą mɛ̨nį kɛ li? A mɔ̨ɔ̨ woo ɓo yii hvo bɔ mɛ̨nį kɛ li?

Tɔɔɓɛlaa dɔlɔɔ 1:48

Ɛlɛɛ, tɔɔmun yaa kpinįi ə mo yɛ diɛ: ‹Mąąwiɛ ə kɛ Israɛlə nwɔ Yálá ɓa, yai gaa a Yai-Laa! Yai aa hvaa mą, háákələi, nui pai heei dɔɔkpəlin ɉu a mą́ą́hvalin, ɲɛ̨́i a tɔɔ mą.›»

Kɔlɔnikɔ Veerɛi 7:18

ŋį́ ə wɔɔ tɔɔkpəlin laa hɔn mo, yɛ bələi ŋį́ naakwɛlanmo la ə́ nąn Davidə ɓa, gɛ́ kɛ mą: ‹Ə́ kwəi lonnii di hvo pai kpɛɛi Israɛlə dɔɔkpəlin ɉu, a yələ kəlee mɛ̨nį.›

Mąątɛ̨nɛ̨ 89:5

Gáá ə́ huwula heei a yələ kəlee mɛ̨nį, ŋą́ dɔɔhvili kɛ a ə́ wɔɔ a kwɛlan gəlee mɛ̨nį.