Mąątɛ̨nɛ̨ 130:5 - Yálá laawoo hɛɓɛ (dc)

⁵ Ɲɛ̨́i kaa Yai-Laa tɔwɔ, gáá mąą kpɔn ɉii kpɔ, a nwą́nąi, gílitɔɔi nwoo ɓa.

Yálá laawoo hɛɓɛ

⁵ Ɲɛ̨́i kaa Yai-Laa tɔwɔ, gáá mąą kpɔn ɉii kpɔ, a nwą́nąi, gílitɔɔi nwoo ɓa.

Bible

⁵ Ŋá kɛ̀ Yâwɛɛ maa kpɛ́nii a ŋ́gili kélee a gɛɛ é pá é kpɔŋ mâ tɛɛ ḿbɔ, ŋ́gili tɔ̂ɔ ŋ̀óo ma.

Mąątɛ̨nɛ̨ 130:5 Referans Kwoze

Mąątɛ̨nɛ̨ 33:20

Ku wɛi, ku ɲɛ̨i kaa Yai-Laa tɔwɔ, yai a ku mąąkpɔn mąąɓo, yɛ ku mąąkpɛ.

Azaya 30:18

Kɛlaa, Yai-Laa kaa nąą mąą kpɔn ɉii, yɛ kɛa pa ka ɲɛ̨imąąwɛli kaai, gaa pai muhəɠəi, yɛ nwɔ wɛlikɛmąąlaa lɛ kaa, mąąhɔlɔɓo, Yai-Laa kaa a Yálá təlinmoɔ: Nwun na nɛ̨ɛ̨ nuą ɓaa nuąi da di kilitɔɔ mą.

Mąątɛ̨nɛ̨ 119:81

Ɲɛ̨́i aa lɛɛ málo yələ tɔwɔ ə́ yəi! Vį́į́ kəlee aa kpɛɛ! Kɛlaa, gílitɔɔi lɔ ə́ woo ɓa.

Mąątɛ̨nɛ̨ 62:5

Mąąhɔlɔɓo, di kwəi kiliɠaa kaa lɔ a nu ɓowo mɛ̨nį, di liiɓa ɓaa diɛ lɛɛ kɛ, da lúwɔ́ too a di laaləi, diɛ nɛ̨ŋɛ̨naa kɛ, di kwəi pələ.

Mąątɛ̨nɛ̨ 62:1

Nwələ ɲɛ̨itɔwɔmun, Yedutun Davidə nwɔ Yálá mąątɛ̨nɛ̨ wələ.

Mąątɛ̨nɛ̨ 40:1

Nwələ ɲɛ̨itɔwɔmun, Davidə nwɔ wələ.

Mąątɛ̨nɛ̨ 27:14

Yai-Laa mąąkpɔn, 'ə́i hvaŋąlɔ, ə́ ə́ liikpələ, 'Yai-Laa mąąkpɔn.

Azaya 8:17

Gáá Yai-Laa mąąkpɔn ɉii, yai aa ɲɛ̨i loo Ɉakɔbə nwɔ pɛlɛ́i ɓa, gílitɔɔi mą.

Mąątɛ̨nɛ̨ 119:74

Nuąi da ɲɔw yɛ́ da gáá, di kwəi a nɛ̨ɛ̨, mąąhɔlɔɓo, gílitɔɔi ə́ woo ɓa.

Mąątɛ̨nɛ̨ 119:114

Mą́ą́ kilɛi da mą́ą́kpɛ kpanąn maa a yɛ́, ə́ woo ə gílitɔɔi mą.

Zɛnɛse 49:18

Gílitɔɔi yɛ́ Yai-Laa málomun!

Mąątɛ̨nɛ̨ 119:49

Nwooi ə́ mo ə́ wɔ tímun ɓa, ə́ kili lɛɛ ɉu, yai ə́ gílitɔɔmą.

Azaya 26:8

Bələi ə́ woo a nɛ kuɔ, ya ɓə kwa hiɛ mɛ̨i, ku kili ə ɓo a dɔɔ Yɛ́, Yai-Laa, mɛ̨nįi niihɛlɛn gaa kuɔ, ya ɓaa, ku kɛ lɔ ə́ laa ɓo mɛ̨nį hu.

Mąątɛ̨nɛ̨ 119:42

A kɛ ti, lalan nwoo hutoo woo a kɛ ná; mąąhɔlɔɓo, ə́ woo ɓə gílitɔɔi mą.

Hebreu 6:18

Mɛ̨nį hveelɛ ka ti, hva ɉəɠə mą, lɛɛ mɛ̨nį hvo ɉu Yálá pɔ pələ, yili a hvaŋąlɔ tɛɛ gu pɔ, a guɔi gwaa mɛ̨nį kəlee lɛɛ laa, gu kilitɔɔ mɛ̨nį laakwɛlanmoɔ tii ɓa.

Lukə 2:38

Volói ŋɛ̨i di kɛi Jesus laa həli la Yálá ɓa, Anə ə pa Yálá hee pɛlɛ́ mu a volói tii, ə lɛɠɛ di kwɛlɛ, yɛ Yálá hɛɠɛɛɓo nokoloi tii mąą mɛ̨nį ɓa. Ɛlɛɛ, nuą kpɔ kɛi Ɉerusalɛmə taa nwun mąąɓomun mąą kpɔn, Anə hvaŋą lɔɔi lɔ kɛ yɛ nokoloi tii mąą mɛ̨nį hukulɔ diɛ.

Lukə 2:25

Nąąlɔwai hulɔnu ta ə kɛ Ɉerusalɛmə daai, diɛ kɛ naa ɓa Simeɔn. Ɉulɔnui tii ə kɛ a nu yii ɉɔn nɛlɛɛ, ə lɛɛ, yɛ ɲɔ̨w Yálá ɓa, ə kɛi Israɛlə nwun mąąɓomun mąąkpɔn; Kili-Mąąhəɠɛɛ ə kɛ mɛ̨i.