Mąątɛ̨nɛ̨ 130:1 - Yálá laawoo hɛɓɛ (dc)

¹ Ɲee mąąhəɠɛɛ tɛ wələ. Yai-Laa! Gáá ə́ təlii mɔ̨nɔ̨ kɛnɛ̨ hu, 'Pá kilɛ mą́ą́!

Yálá laawoo hɛɓɛ

¹ Ɲee mąąhəɠɛɛ tɛ wələ. Yai-Laa! Gáá ə́ təlii mɔ̨nɔ̨ kɛnɛ̨ hu, 'Pá kilɛ mą́ą́!

Bible

¹ Óo Yâwɛɛ, ŋ́gaa mɛni kpɔ̂lu su, ŋ́gɛ ítòli.

Mąątɛ̨nɛ̨ 130:1 Referans Kwoze

Mąątɛ̨nɛ̨ 42:7

Nwɔ́ Yálá! Níi mąą aa wɛli gwəi! Yili ɓə gɛi, gɛ́ ə́ təli la, ə həɠə kpɔ Ɉurdɛn lɔi hu, Hɛrmɔn yee nwuɔ̨, da Misearə yee nwuɔ̨.

Hebreu 5:7

Jesus tii ɓə, gɛɛ ɓɛ lɔi mɛ̨i, ə kɛli Yálá hvɛli, yɛ mąąnɛ̨ɛ̨ ɲɛ̨iyá hu, yɛ tomą, nui a pɛli gulɔi haa yəi, bɔ pələ; ɛlɛɛ, nwɔ hvɛliwoo laa ə hon a nwɔ lɛɛ nwoo mu laa.

Mąątɛ̨nɛ̨ 71:20

A Yɛ́i, yáá ku ɲɛ̨ikɔw kpɔlu a mɔ̨nɔ̨ da kwəi pili mąą, ə́ kaa pai nwɔ̨nɔ̨ pənəi, ə́ hvaŋą nįnɛ̨ pu kuɔ; ə́ kaa nwɔ̨nɔ̨ pai gúlɔi ɲąmuątaa yəi lɔi mu.

Mąątɛ̨nɛ̨ 40:2

Ŋą́ą́ Yai-Laa mąąkpɔn, ŋą́ą́ mąąkpɔn a ɉu kwɛa, aa nwəli mąą yɛɛ bɔ́ pələ, aa dómą woo mɛ̨n.

Mąątɛ̨nɛ̨ 18:16

Yai-Laa, ə́ tomą woo, da ə́ wɔ liiholii tii mąą mɛ̨nį ɓa, gboloyá ɲá kɔ́w ɓa, ə kulɔ pɔ̨nɔ̨ ŋą, lɔi kɔ́wɔ hvilɛn ɉiiɠaa mąą ə pɔ̨nɔ̨.

Mąątɛ̨nɛ̨ 129:1

Ɲee mąąhɛɠɛɛ tɛ wələ. Ə həɠə kpɔ múhəɠə yələ ɓa, daa wɔlɔ pɛlɛ mą́ą́ a hvaa; Israɛlə pənə ə́ 'mo kpɔ tii.

Mąątɛ̨nɛ̨ 128:1

Ɲee mąąhəɠɛɛ tɛ wələ. Nuąi kpɔ da ɲɔ̨w Yai-Laa ɓa, diɛ hiɛ nwɔ pələi mɛ̨i, di nwun na nɛ̨ɛ̨i!

Mąątɛ̨nɛ̨ 127:1

Ɲee mąąhɛɠɛɛ tɛ wələ. Salomɔn nwɔ wələ. Pɛlɛ́i Yai-Laa laa hvo dɔɔ mɛ̨nį hu, dɔɔ nuą kaa kpɛli kɛlɛi. Yai-Laa a wala ɲɛ̨i kɛ taa ɓa, nuąi mąąkpɛi, di kaa yíikpəlin ɉəɠəi kpɛli-kpɛli.

Mąątɛ̨nɛ̨ 126:1

Ɲee mąąhəɠɛɛ tɛ wələ. Ɓɛlɔwai Yai-Laa ə kɛi pənə yɛ paa la, a Siɔn lonnii kɛ luwɔlaa hu, ə kɛ lɔ yɛ kwa kɛi hį́į kaa!

Mąątɛ̨nɛ̨ 125:1

Ɲee mąąhəɠɛɛ tɛ wələ. Nuąi di kilitɔɔi Yai-Laa ɓa, di kaa yɛ Siɔn yee, yai hɛn da hva ɉəɠə dɔɔi, gaa lɔ laa a yələ kəlee.

Mąątɛ̨nɛ̨ 124:1

Davidə nwɔ hiɛ kulɔ wələ Akɛ kɛ Yai-Laa hvo kɛ a dɔɔ ku pului, gbɛɛ ɓə li kɛ ku pulu. Israɛlə! Pənə ə́ mo kpɔ tii!

Mąątɛ̨nɛ̨ 123:1

Ɲee mąąhəɠɛɛ tɛ wələ. Ŋą́ą́ ɲɛ̨́i muhəɠə ə́ pɔ pələ, Yɛ́i heeni yələkɔlɔn ɉu;

Mąątɛ̨nɛ̨ 122:1

Ɲee mąąhəɠɛɛ tɛ wələ. Davidə nwɔ wələ. Da kɛ mą́ą́: «'Gwə li Yai-Laa yəi bɛlɛn!» Gwə́i a nɛ̨ɛ̨!

Mąątɛ̨nɛ̨ 121:1

Hiɛ mąąhəɠɛɛ kulɔ wələ. Ŋą́ nwún muhəɠə, ŋį́ ɲɛ̨́i hee ɲeeɠaa diɛ, mįnɛ̨ ɓə nwɔ́ kpɔnmąą a pɛli həɠəi laa?