Mąątɛ̨nɛ̨ 126:5 - Yálá laawoo hɛɓɛ (dc)

⁵ Nui a kɛɛhin ɲɛ̨iya hu, a mɔ̨nun dee yɛ́lɛ!

Yálá laawoo hɛɓɛ

⁵ Nui a kɛɛhin ɲɛ̨iya hu, a mɔ̨nun dee yɛ́lɛ!

Bible

⁵ Tɔ́ɔ diai da kɛ̂ dísi-sãai sîi díŋɛi-ya sui, dí m̀á kúla a koi-nɛ̃ɛ.

Mąątɛ̨nɛ̨ 126:5 Referans Kwoze

Galatə 6:9

'Ká gu mɛ̨nį lɛlɛɛ kɛ, gu hvįi hvo kpɛɛ; mąąhɔlɔɓo, gwa wala tee mą, ɲələ a pa ɉəlii, gwa dɔlɔ hɔlɔɓo.

Azaya 35:10

Nuąi Yai-Laa ə di nwun mąąɓo, di kaa pənəi diɛ pa, di kaa pai kɛi lɔi Siɔn, diɛ tómą a kwəinɛ̨ɛ̨, diɛ yɛlɛ a kwəinɛ̨ɛ̨ huwu yii nu hva pɛli ɉukulɔi, nwun na nɛ̨ɛ̨ da kwəinɛ̨ɛ̨ di kaa pai di laa kwiɛn ɉii, liikələn gwəi da wɔlɔ woo diɛ pu a gilɛ.

Zooɛ 2:23

Siɔn daai nuą, ka kwəinɛ̨ɛ̨ kulɔ. Ka ɓə́lə́n ka pili yələi. Yai-Laa ka wɔ Yálái laa hu. Mąąhɔlɔɓo, aa tulɔ tɛɛ ka pɔ; a hamą tulɔ. Yɛ ka nwun mąąɓo. Yɛ pənə yɛ tulɔ pu ka mɛ̨i a hamą lɔɔ tulɔ. Yɛ pələi ə kɛi gɛ la a bɔlɔ.

Maafîu 5:4

Nwun na nɛ̨ɛ̨ nuą ɓaa nuąi di kaa wɔlɔi. Mąąhɔlɔɓo, Yálá kaa pai di ɲɛ̨iyá kələi di ɲɛ̨i!

Mąątɛ̨nɛ̨ 137:1

Ku kɛɛ ɓɛlii, Babilonə yáɠaa kwɛlɛ, ku həɛi kɛ, kuɔ wɔlɔ, kuɔ ku kiliŋąhiɛ kuɔ vilɛn Siɔn ɓa.

Zooɛ 2:17

Gwɛəli heai da ɉaláá kulɔi di lɔwai, ɉaláá laa həli nuą di tɔɔlaa di wɔlɔ, diɛi a Yai-Laa nwɔ tínuą. Diɛ kɛ diɛ: «Yai-Laa! Yɛ nu huwui mąąwɛli kaa, hvó ə́ kwɛlin mɛlɛ too, hvó gɛ a lɔi takpɛliɠaa di wɔ yɛlɛ kulɔ ɉu hɛn, diɛ kɛ kpɛli ma: Di wɔ Yálái kaa mi?»