Mąątɛ̨nɛ̨ 124:3 - Yálá laawoo hɛɓɛ (dc)

³ Di liiholi pələ ɓa kɛ ku pɔ kɛnɛ̨! Də li lɔ ku lɛɛ, a ku hvúlu di ku kpələ!

Yálá laawoo hɛɓɛ

³ Di liiholi pələ ɓa kɛ ku pɔ kɛnɛ̨! Də li lɔ ku lɛɛ, a ku hvúlu di ku kpələ!

Bible

³ gɛ̀ ní díkɛ̀ pâi kúkelee kú paâi, a tãi dí dílii ŋwàna la kûa a ŋánaai.

Mąątɛ̨nɛ̨ 124:3 Referans Kwoze

Gɛlaɠaa 9:2

ə hɛɓɛ́ hu hvɛli ɉaláá laa həli mun gɛnɛ̨ ɓa, yɛ pɛli lɔi la Yálá hvɛli pɛlɛ́ɠaa mu Damasə. Ə gɛ, a nuą kaa laa di ɓo bələi ti mɛ̨i, ə kɛ a hulɔnu, ə kɛ a nɛ̨ɛ̨nu, ə di hon, ə pa a diɛ Ɉerusalɛmə, a di yili.

Maafîu 2:16

Yii kɛa Herodə ə gbaɠala kaa yɛ, kilimąą nuą daa mowo, nii ə hvoli kpɔ a mɔlɔ. Ə nuą tɔɔ Bɛtleɛmə daai da gwɛlɛ taaɠaa kəlee hu, ə gɛ, di lɛapɛlɛɛ yiiɠaai di kaa kwɛlan gaa tɔ̨nɔ̨ a wala kɛ tii hveelɛ, di di paa, yɛ pələi maageɠaa di nokoloi kaa mɛ̨nį gilaa pono tɛɛ la bɔ.

Danîa 3:19

Nąąlɔwai, tɔɔmun Nabukodonosorə lii ə kələn gbɔ gwəi kɛnɛ̨, Sadrakə, Mesakə da Abɛdə-Nego ni pɔ. Ə mo, yɛ diɛ: «Ka vuulu nwɔ̨n ŋaatɛ kpɔ gee mɛ̨i mɛ̨ihveelɛ, ka dɛɛ bɔlɔ pɔlɔɠaa diɛ.»

Mąątɛ̨nɛ̨ 57:3

Gáá nwóo tɛi Yələkɔ́lɔn ɉu Yálá pɔ pələ, a Ɲálái tii a mą́ą́ mɛ̨nį kəlee ɲɛ̨i kulɔi.

Mąątɛ̨nɛ̨ 35:25

Di hvo pɛli kɛi di kee ɓa: «Ya ka! Ya ka! 'Ka gu gu yee kpɛlaan nɔ la tanɔ̨n», Mąą hvo nɛ̨ɛ̨li kpɔ di hvo kɛ diɛ: «Ku yee aa pɛli mą.»

Mąątɛ̨nɛ̨ 27:2

Nu ɲɔ̨nwɔ̨ɔ̨ɠaa di mą wolo mą́ą́, diɛ kɛ di ɉú hvala-hvala, diɛmun mə da kalin di too a diɛi tii gɔ́ pɛlɛ mą́ą́i, a ɲówóɠaa.

Ɉeremi 51:34

«Babilonə tɔɔmun Nabukodonosorə aa mį́i, aa gbɔ́lɔ kəlee yala ɉú, aa gɛ yɛ kɔ́wɔi da ɉu kɔ́mɔ̨, aa gbələ yɛ yileen, aa goo laa hvɛɛ a nwúlɔ, aa nówó pílii.

Hanwon 1:12

Gu di yəi hɛnŋąą həɠə di yəi, gu di kpələ, yɛ gwa kɛ a ɲąmuątaa, yɛ nu a too lɔwai.

Mąątɛ̨nɛ̨ 83:4

Di kaa nɔgilii kɛi a ə́ wɔ nu kanŋaai, diɛ ɲaɓa nwun dɔɔ kɛ ə́ wɔ hɛn gɔwi ɓa.

Mąątɛ̨nɛ̨ 76:10

A ɓɛlɔwai Yálá a muhəɠə la, giti mɛ̨nį ɓa, yɛ nɔi lonnii mąąwɛliɛ kəlee ɓalo.

Mąątɛ̨nɛ̨ 74:8

Di kəlee di woo ə laa mą, gɛɛnąąɠaai da ə́ mąąwiɛ laa, diɛ nąą gəlee kələn nɔi kwəi.

Mąątɛ̨nɛ̨ 83:5

Diɛ kɛ diɛ: «'Ka pa ka gu di huwu pu, gu di kpɛɛ lɔi mɛ̨i, di hvo kɛa Israɛlə laa mɛ̨n yɛnɛ̨ɛ̨ ɓɛ.»