Mąątɛ̨nɛ̨ 119:81 - Yálá laawoo hɛɓɛ (dc)

⁸¹ Ɲɛ̨́i aa lɛɛ málo yələ tɔwɔ ə́ yəi! Vį́į́ kəlee aa kpɛɛ! Kɛlaa, gílitɔɔi lɔ ə́ woo ɓa.

Yálá laawoo hɛɓɛ

⁸¹ Ɲɛ̨́i aa lɛɛ málo yələ tɔwɔ ə́ yəi! Vį́į́ kəlee aa kpɛɛ! Kɛlaa, gílitɔɔi lɔ ə́ woo ɓa.

Bible

⁸¹ Óo Yâwɛɛ, ŋa lɛɛ ímaa kpɛ́nîi a gɛɛ í ḿbalo kɔlɔ a kpɛɛ ḿâ. Ńâai a íwooi.

Mąątɛ̨nɛ̨ 119:81 Referans Kwoze

Mąątɛ̨nɛ̨ 84:2

Yai-Laa Mɛ̨nį Kəlee ŋą Hééɓomun, ə́ wɔ pɛlɛ́ɠaai wɛli kaa nuą diɛ kɛnɛ̨!

Mąątɛ̨nɛ̨ 119:40

A neelee, ə́ wɔ tɔn nwooɠaai wɛli kaa mą́ą́, 'Pənə ə́ dóó nwų́nu kɔ́lɔi a ə́ wɔ tələnmolaai.

Mąątɛ̨nɛ̨ 73:26

Gɔ́lɔ da níí da pɔlɔ, kɛlɛɛ nwɔ́ kilitɔɔmąą, ya lɔ ɓaa a Yálá, a yələ kəlee.

Wɛli 5:8

Ə həli kaa Ɉerusalɛmə nɛ̨ɛ̨lɛa! Nwą́nąi ka ŋɛ̨i gaa moi kaa-o; Ka li ka nwɔ́ wɛlii kaa, ka kɛ mą lə? Ka kɛ mą: Wɛlikɛmąą ka ŋɛ̨i aa ɲɔ̨n bɛlɛ mą́ą́. Ka gaa ka mo tii mą.

Mąątɛ̨nɛ̨ 119:114

Mą́ą́ kilɛi da mą́ą́kpɛ kpanąn maa a yɛ́, ə́ woo ə gílitɔɔi mą.

Mąątɛ̨nɛ̨ 119:77

Ə́ wɔ ɲɛ̨imąąwɛli kaa ə lɔ nį́i hu, ŋį́ ɓalo; mąąhɔlɔɓo, ə́ wɔ tɔn nwooi ɲąąnɛ̨ɛ̨i mą́ą́.

Mąątɛ̨nɛ̨ 119:74

Nuąi da ɲɔw yɛ́ da gáá, di kwəi a nɛ̨ɛ̨, mąąhɔlɔɓo, gílitɔɔi ə́ woo ɓa.

Mąątɛ̨nɛ̨ 119:42

A kɛ ti, lalan nwoo hutoo woo a kɛ ná; mąąhɔlɔɓo, ə́ woo ɓə gílitɔɔi mą.

Mąątɛ̨nɛ̨ 119:20

Mɛ̨nįɠaai ya mo, ŋą́ níí muhəɠə a gwɛli mɛ̨nį kpɔ a yələ kəlee.

Zôo 19:27

Ɲą́ą́ gbinįi, gáá pai ɲɛ̨́i tɔɔi mą, ɲą́ą́ gbinįi kpɔ kpɔɔ, ɲɛ̨i kwəleen a tɔɔ gbinį ɓa, nu takpɛli hvəi, ɲą́ą́ gbinįi kpɔ ɓə pai gaai. Gaa wɛli a too mą́ą́, yɛ gə́lən yɛ nwɔ̨n.

Mąątɛ̨nɛ̨ 119:41

Ee kə Yai-Laa! Ə́ wɔ wɛlikɛmąąlaa ə yɛɛ mɛ̨i wɛ! A máloi yá mo, yɛ bələi ə́ mo la.

Mąątɛ̨nɛ̨ 119:43

'Hvó tɛ̨ą mąąkwɛa nááləi ɓa, mąąhɔlɔɓo, ɲɛ̨́i heɛi ə́ hvaawooɠaa tɔwɔ.

Mąątɛ̨nɛ̨ 130:5

Ɲɛ̨́i kaa Yai-Laa tɔwɔ, gáá mąą kpɔn ɉii kpɔ, a nwą́nąi, gílitɔɔi nwoo ɓa.