Mąątɛ̨nɛ̨ 119:4 - Yálá laawoo hɛɓɛ (dc)

⁴ Yɛ́ kpinįi ɓə ə́ wɔ tɔn nwooɠaai lɛ, əgɛ, di di hon gbɔ a yɛlɛ.

Yálá laawoo hɛɓɛ

⁴ Yɛ́ kpinįi ɓə ə́ wɔ tɔn nwooɠaai lɛ, əgɛ, di di hon gbɔ a yɛlɛ.

Bible

⁴ Yâwɛɛ, í tɔ̂ŋ-ŋa tɛ̀ɛ kúpɔ, í mó kûa a gɛɛ kú sía a díwoo a teniŋ ƃô pere.

Mąątɛ̨nɛ̨ 119:4 Referans Kwoze

Zɔ̂ŋ Maa-ŋuŋ 5:3

Mąąhɔlɓo, bələi Yálá ŋą wɛlikɛmąąlaa kaa la, bələ ka: Ya ɓaa, gwa gu yee kąnąn nwɔ tíɓoɠaai diɛ. Ɛlɛɛ yaan, ŋą tíɓoɠa tii di hvo a tíɛ̨ wia,

Ɉaan 14:21

«Nui a nwɔ́ liɛwooɠaa hon, ə bɔ mɛ̨nį kɛ, mąą nu tii ɓə nwɛ́li kaa mąą, yaan, nui a nwɛ́li la kɛ Ną́n Yálá a nwɛ́li la kɛ, ɲą́ą́ gbɛli ŋą mąą nu wɛli la kɛ ŋį́ gbɔ́ɔ́ lɛ mą ponoŋą.»

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Ɉeremi 7:23

Kɛlaa, mɛ̨nįi ŋį́ vɛli diɛ, ya ka; ŋį́ kɛ diɛ: Akɛ, ka ka wəli tɔɔ nwóó ɓa ka ɉon, ŋį́ kɛ a ka wɔ Yálá, kaa ɓo a nwɔ́ nu Huwuɠaa. Bələi ŋį́ nɛ kaa, ka hiɛ ɉu a nɛlɛɛ, ka káá pai kɛi ka nɛ̨ɛ̨ hu.

Ɉaan 14:15

«Akɛ ka nwɛ́li la kɛ, ka nwɔ liɛwooɠaa hon,

Zasua 1:7

Yii mąąnɛ̨ɛ̨ ə́ gɛ, ya ɓaa ə́ ə́ liikpələ, ə́ ə́ huwalawala, dɔ́n ŋɛ̨i ŋį́ mą́ą́ pamą nwɔ́ tímun Moisə ɓa, ə́ túwɔ́ pələ ə pɛli dɔ́n tii ɓa. Hvó həɠə mɛ̨i hvó li ɓɛ pələ da ɓɛ pələ, yili ɓə a gɛ, ə́ kɛ mɛ̨nį kəlee hu ə nɛ̨ɛ̨ ɓɛi ə kaa lii laa.

Dutɛrɔnome 30:16

Mɛ̨nįi háákələi gáá ka tí a gɛ mɛ̨nį, ya ɓaa: Ka Yai-Laa ka wɔ Yálái wɛli la kɛ, ka hiɛ a gbaaləi ŋɛ̨i ə nɛ kaa, ka nwɔ tɔ́nŋąą hon, bɛlɛɛ nwɔ tíɓoɠaa diɛ. Ka yili kɛ tii, ka lɛɛ yɛnɛ̨ɛ̨, ka yíi hvólóɠaa hu ə kwɛa, ka ɓuwu ɓo; akɛ tii, nɔi ŋɛ̨i ka káá pai ɉɔlɔɓoi a ka wɔɔ, Yai-Laa ka wɔ Yálá a lúwɔ́ too kaa.

Dutɛrɔnome 11:22

Mąąhɔlɔɓo, dɔnŋaa ŋɛ̨i gaa dɛɛi ka pɔ, ka ka yee kɛ mą kpɔ a nelee, a ɲąą pɛliɛ, kaa Yai-Laa ka wɔ Yálái wɛli la kɛ, kaa lɛɛ la nwɔ pələɠaai kəlee mɛ̨i, kaa kanąn mą a woo tɔ̨nɔ̨ laa;

Dutɛrɔnome 6:17

Mąąnɛ̨ɛ̨ ka Yai-Laa ka wɔ Yálái nwɔ tíɓoɠaa kɛ, da nwɔ tɔ́n nwooɠaa, da nwɔ lɔi hu yíi ɓo pələɠaa, yaai Ə naa ka nwuɔ̨.

Dutɛrɔnome 4:1

Yii hu kɛa, Israɛlə nuą, ka ka wəli tɔɔ dɔ́nŋąą da yɛnɛ̨ɛ̨ yíi ɓo pələi gáá dɛɛi ka pɔ mą. Mɛ̨nįɠaa tii pɔ pələ ɓə ka pɛli lamui la yɛnɛ̨ɛ̨; ɛlɛɛ, nɔi tii Yai-Laa ka nąnni di wɔ Yálá kaa dɛɛ ka pɔ, ka ɉɔlɔɓo a ka wɔ.

Dutɛrɔnome 11:13

A tɛ̨ąą! A kɛ ka ka wəli tɔɔ kpɔ a nɛlɛɛ nwɔ tɔ́nŋąą diɛ, yaai gáá háákələi naa həlii kaa, kaa Yai-Laa ka wɔ Yálái wɛli la kɛ, kaa tí mą a ka kwəi tɔ̨nɔ̨, a ka nwąnąąi kpɔ-kpɔɔ,

Dutɛrɔnome 4:9

Ka ka kpɔwɔ hon a nɛlɛɛ, mɛ̨nįɠaa kpɔ ka gaa a ka ɲɛ̨ikɔw, nąą kili hvo kpɛɛ ka ŋą ka yíi hvóló kəlee hu; ka hvo lɛ̨ą mą, ka mɛ̨nįɠaa tii hukulɔ ka lonnii diɛ da ka mąnįn bulu mąnįnŋąą kəlee.

Lɛɛ gbɔwɔ ɓa 7:6

Moisə da Aarɔn di gɛ yɛ bələi Yai-Laa ə di tí la.

Dutɛrɔnome 6:3

Israɛlə ə́ wəli tɔɔ, 'ka tɔɔ a ka nwąnąi, ka di pɔ mɛ̨nį kɛ, ka gɛ tii, ka kɛ nwun nąnɛ̨ɛ̨ hu, ka huwu yɛ ɓɛlɛ yɛ bələi Yai-Laa ka nąnni di wɔ Yálái ə naakwɛlanmo la kaa; a lɔi lɛlɛɛ ɓɛi hɛn gəlee a lɛlɛ laa.

Ɛsdrasə 7:21

Ɲą́ą́ tɔɔmun Artasɛrsɛsə, gáá moi Eufratə ya voló tooi pələ lɔi nwɔ wali pɛlɛ la nuą kəlee diɛ, gɛ́: mɛ̨nįi lɔpee yələkɔlɔn ɉu Yálá nwɔ haláá laa həli mun Ɛsdrasə a vɛli kaa, ka gɛ kpɔlɔ tii.

Izikiɛ 20:19

Ɲą́ą́ ɓə gáá a Yai-Laa ka wɔ Yálái, 'ka nwɔ́ tiɓoɠaai hon, ka lɛɛ nwɔ́ tɔ́n nwooɠaai pulu; ka di pɔ mɛ̨nį kɛ.