Mąątɛ̨nɛ̨ 119:21 - Yálá laawoo hɛɓɛ (dc)

²¹ Gbɔwɔ ɲąąkɛ̨nɛ̨ nuąi tii da kɛ di mąą kwɛai, ə́ wɔ tíɓoɠaa diɛ, a diɛi tii di nɛ̨ŋɛ̨n naai, Yá ə́ pamą diɛ.

Yálá laawoo hɛɓɛ

²¹ Gbɔwɔ ɲąąkɛ̨nɛ̨ nuąi tii da kɛ di mąą kwɛai, ə́ wɔ tíɓoɠaa diɛ, a diɛi tii di nɛ̨ŋɛ̨n naai, Yá ə́ pamą diɛ.

Bible

²¹ Ya zu-mɛni kɛ̂tɛ-ƃelai kula maa kɛ, diai dífa ítɔ̂ŋ-ŋai mɛi kâai, í dínaɣaŋ láa.

Mąątɛ̨nɛ̨ 119:21 Referans Kwoze

Piɛrə dɔlɔɔ 5:5

Káá kpɛlimąn, a muhəɠə nįnɛ̨ɠaa, 'ká lɛɛ nu pɔlɔ-pɔlɔɠaa woo mu. Ɛlɛɛ, ká kəlee, 'ká ká kpɔwɔ mąąyɛɛ ká lɔwai mɛ̨nįɠaa hu, mąąhɔlɔɓo, «Kpɔwɔ ɲąą kɛnɛ̨mun nwɛli hvo Yálá ɓa, kɛlaa, nuąi da di kpɔwɔ mąą yɛɛ, a nwɔ mɛ̨inɛ̨ɛ̨i kɛ diɛ.»

Mąątɛ̨nɛ̨ 119:10

Gáá ə́ kwɛlii a nį́i kəlee, 'Hvó nɛ́ɛ́ laa, mą́ą́ hvo kwɛa ə́ wɔ tɔn nwooɠaai diɛ.

Mąątɛ̨nɛ̨ 119:118

Nuąi daa di mąą kwɛa ə́ laawoo ɓa, ə́ di pili, mąąhɔlɔɓo, di kɛ mɛ̨nįɠaa ə kɛ lɔ a lɛɛ.

Lukə 18:14

Jesus yɛ diɛ: «Gáá moi kaa, nįįhɔ̨nwɔ̨ kulɔ mun tii, ɓɛlɔwai ə kɛi li la bɛlɛ́ laaləi, da Yálá di lɔwai pɛliɛ kɛa kɛ. Kɛlaa, Farisiɛ̨ tii nwɛi hvo kɛ tii, mąąhɔlɔɓo, nui lɔpee a nwun dɛ, da nwun ɲɛ̨ɛ̨, nui a gbɔwɔ mąą yɛɛ, da mąą tɛ.»

Lukə 14:11

Mąąhɔlɔɓo, nui lɔpee a gbɔwɔ kɛnɛ̨, da mąą yɛɛ. Nui a gbɔwɔ mąą yɛɛ, da gɛnɛ̨.»

Mąątɛ̨nɛ̨ 119:110

Ɲɛ̨ninuą di hɛlɛn dɛ dɔ́wɔ, Kɛlaa və́ mą́ą́ kwɛa ə́ wɔ tɔn nwooɠaai diɛ.

Dutɛrɔnome 30:19

«Gáá háákələi yələkɔlɔn da lɔi di kɛi a kɛla ka mąą mɛ̨nį hu. Gáá ɓalo da haa laai ka ɲɛ̨i; lúwɔ́ da nɛ̨ŋɛ̨n naa. Yɛnɛ̨ɛ̨ həɠə ɉu, ə gɛ, kaa-o, ka huwu hu nuą-o ka lamun yɛnɛ̨ɛ̨.

Dutɛrɔnome 28:15

«Kɛlaa, akɛ Yai-Laa ka wɔ Yálái nwɔ tíɓoɠaa da nwɔ tɔ́nŋąąi gáá dɛɛi ka pɔ háákələi, ka wala ka wəli tɔɔ ɉu woo ɓa, ɛlɛɛ, ka wala tɔɔ a ka nwąnąi, kaa di pɔ mɛ̨nį kɛ, mɛ̨nį nwąnąɠaai pai həlii kaa, diɛ ɓɛla kaa a kpalo, diɛ ka:

Zĩi 4:6

Kɛlaa yaamun, Yálá aa mɛ̨inɛ̨ɛ̨ kɛnɛ̨ kɛ guɔ nwɔ̨nɔ̨. Ɉɛɓɛ́ yɛ mą: «Kpɔwɔ ɲąąkɛnɛ̨mun nwɛli hvo Yálá ɓa, kɛlaa, nui a gbɔwɔ mąąyɛɛ, a ɲɛ̨i lɛlɛɛ hee mą.»

Galatə 3:13

Kristə aa gu nwun mąąɓo dɔ́n ŋą nɛ̨ŋɛ̨n naa yəi a hɔ̨nwɔ̨ kɛnɛ̨, a yaa kpinįi ti kɛi ə mo a nɛ̨ŋɛ̨n naa gu mąą mɛ̨nį ɓa. Mąąhɔlɔɓo, bɛ̨ɛ̨i ɉɛɓɛ́ hu, yɛ mą: «Nui daa ɉɛlɛn wulu ɓa, nɛŋɛ̨n naai!»

Ɉeremi 44:16

«Bələi mąn ə́ kaa yili ɓoi la tii ku wɔ Yai-Laa laa hu, ku hvo ku wəli tɔɔi mą.

Azaya 43:28

Yili ɓə gɛ, ɲą́ą́n gɛ́ ə́ wɔ tɔɔɓɛlaa mąąwiaaɠaai ɓɛlɛ kpɛɛ diɛ, ŋį́ Ɉakɔbə kulɔ a haláá, ŋį́ Israɛlə kɛ a laa puɉu hɛn.

Azaya 42:24

Gbɛɛ ɓə Ɉakɔbə kwɛlɛ diɛ ɉukala? Yɛ Israɛlə tɛɛ toomɛ̨i kɛ nuą pɔ? A kɛ tii Yai-Laa hvəi, a yai tii gu nɛ̨ŋɛ̨n ɉəɠə mąi! A yai tii gu hvo gɛ gu hvo hvilɛn nwɔ pələi mɛ̨i! Ɛlɛɛ, gu hvo gɛ gu hvo gu wəli tɔɔ nwɔ tɔ́n nwooi ɓai?

Azaya 10:12

Kɛlaa, ɲələi Yai-Laa kaa pai ɲee laa kulɔi la nwɔ koloi kəlee ɓa Siɔn yee nwuɔ̨ da Ɉerusalɛmə daai, gaa pai kɛi diɛ: «Gáá kɛa nwɔ́ nąą kɛi Asiri tɔɔmun ŋą kpɔwɔ ɲąą kɛnɛ̨ mɛ̨nįi ŋɛ̨i hu, da ŋą tɛɠɛɓoɉulaa.

Mąątɛ̨nɛ̨ 138:6

Yai-Laa kaa hɛn gəlee nwun mɛ̨i yələi kwɛaa la! Nui kɔ́lɔn və mą, yɛ gaa! Yɛ humɛ̨ni kɛnɛ̨mun gaa kwɛaa la.»

Mąątɛ̨nɛ̨ 119:78

Gbɔwɔ ɲąąkɛnɛ̨ nuąi tii kɛi lɛɛ pɛlɛ mą́ą́, di nwumɛ̨, nwɛ́i, ə́ wɔ tiɓoɠaai ɓə ŋą́ gíliŋąhiɛ mą.

Nehemi 9:29

Ə́ di liɛwoo kɛ, yɛ́ di pənə di pa ə́ wɔ tɔ́n ma. Kɛlaa, di di kpɔɔ kɛ a huɲąŋą kɛnɛ̨ nuą, di hvo di wəli tɔɔ ə́ wɔ tɔ́n ma. Di nɛ̨ŋɛ̨n ɉəɠə ə́ wɔ liɛwooi ɓa, liɛwoo yii a yɛnɛ̨ɛ̨ kpɛɛ hvo mą tɛɛ ɉon nuą pɔ. Di di kwɛli tee, diɛ ɓowon dɛ diɛ, di di kpowo pulu walawala, di hvo gɛ di ɉon.

Nehemi 9:16

«Kɛlaa, diɛ da ku nąnni, di gɛ a kpɔɔ ŋąą kɛnɛ̨, a nwun ɉuwalawala laa, di hvo di wəli tɔɔ ə́ wɔ tɔ́n nwooɠaa diɛ.

Lɛɛ gbɔwɔ ɓa 18:11

Ŋą́ą́ laa na kɛa, gɛ́ diɛ: Yai-Laa kɛnɛ̨i dɛɛ haliɠaa kəlee diɛ, ə nwɔ kɛnɛ̨ laa lɛ Eziptə nuąi kɛi Israɛlə nuą mɔ̨nɔ̨ ɓo diɛ.»

Lɛɛ gbɔwɔ ɓa 10:3

Moisə da Aarɔn di li Eziptə tɔɔmun bɔɔli, diɛ mą: «Hebreuɠaa di wɔ Yálái a Yai-Laa, nwoo ka, yɛ diɛ: Ə́ wɔ kili walawalai ŋɛ̨i ə́ kaa ɉui, lə yələ ɓə yá kpɛla la mą, ə́ ə́ kpɔwɔ mąąyɛɛ? 'Ɓo nwɔ́ nu huwui ɓa di li di kwɛli hvilɛn mą́ą́.