Mąątɛ̨nɛ̨ 119:18 - Yálá laawoo hɛɓɛ (dc)

¹⁸ Ɲɛ̨́i hvoloon, gɛ́ pɛli, ə́ wɔ tɔn nwooi lɛlɛ pələ kaai.

Yálá laawoo hɛɓɛ

¹⁸ Ɲɛ̨́i hvoloon, gɛ́ pɛli, ə́ wɔ tɔn nwooi lɛlɛ pələ kaai.

Bible

¹⁸ Ŋ́ɛi lá ƃó a gɛɛ ŋá kwaa káa, ŋá dɔ̃yâ mɛni mĩli-mĩliɛɛ-ŋai naa káa ítɔ̂ŋ a ǹɛ̂i.

Mąątɛ̨nɛ̨ 119:18 Referans Kwoze

Gɛlaɠaa 26:18

Yɛ́ di ɲɛ̨i hvoloon, yɛ́ di kulɔ kpinį hu, yɛ́ pa a diɛ kɛɛ pono hu, yɛ́ di kulɔ ɓilihi nwɔ huwalawala yəi, yɛ́ pa a diɛ Yálá pɔ, akɛ tii, da mą́ą́ mɛ̨nį kaa a tɛ̨ą, di nwɔ nɛ̨ŋɛ̨nŋaa mąąhvaa ə lɛɛ; ɛlɛɛ, diɛ di wɔɔ hɔlɔɓo mąąhəɠə nuą kwɛlin ɉu.›»

Azaya 35:5

Nąąlɔwai, ɲɛ̨ipu nuą kaa pai kɛi kɛɛ kaai, wəli wolo nuą, wəli diɛ mɛ̨nį mɛ̨n.

Maafîu 13:13

Mɛ̨nį gɛi, gɛ́ hanwon ɉɔɔ la diɛ yaa li. Mąąhɔlɔɓo, ɲɛ̨i kɔ́w kaa diɛ, di hva kɛɛ mąą kpɛɛ la; wəli ə ɓo diɛ, mɛ̨nį yɛ too ɉu, di hva ŋąą kaa.

Azaya 32:3

Gɛɛ kaa nuą ɲɛ̨i la hva kɛa kpulu, mɛ̨nį mɛ̨n nuą wəli a kɛ a dɔɔ a nɛlɛɛ.

Azaya 29:18

Mąą yələi tii, wəli wolo nuą kaa pai ɉɛɓɛ́ hu woo mɛ̨n ɉii, ɛlɛɛ, diɛ kulɔ kpinįi; ɲɛ̨ipunuą kaa pai kɛɛ kaai.

Ɉaan 9:39

Jesus yɛ mą: «Ŋą́ pa ɲɛnɛ̨ɛ̨ ŋɛ̨i hu, kiti tee mɛ̨nį ɓa. Ə gɛ, nuąi di ɲɛ̨ipuɔ, di kɛɛ kaa. Yiiɠaai di ɲɛ̨i hvo pu li, di ɲɛ̨i ə pu.»

Maafîu 16:17

Jesus ə mo Piɛrə ɓa, yɛ mą: «Simɔn, Ɉonasə lon ɉulɔnu, ə́ nwun na nɛ̨ɛ̨i; mąąhɔlɔɓo dɛ̨ą ŋɛ̨i yaa mo, nu hvəə a nɛ nu ɓa; hvɛɛ Ną́n Yálá yai gaa yələkɔlɔn ɉu, ya ɓə a pɛli nɛi nu ɓa.

M̀ɛni-lɛɛi 3:18

gáá ə́ liɛwoo kɛi, gɛ́ ə́ pa, ə́ hɛni huwaa nwɔ̨n ɉu yá, ɲɛ̨́i, əgɛ, ə́ yee la ə hvoloon, ɛlɛɛ, ə́ həɠə kwɛlɛɛɠaa yá, ə́ ə́ tənə mąą kpulu la, əgɛ, ə́ kpuwulu kaa nwumɛ̨ hvo hee yɛ́, ɛlɛɛ, ə́ ɲɛ̨inwąną hali yá, ə́ ɉiɛ ə́ ɲɛ̨i, ə́ ɲɛ̨i ə kɛɛ mąą kpɛɛ.

Hebreu 8:5

Kɛlaa, ɉaláái di kɛi naa həlii, di kɛi lɔ naa həli hɛn mąąnįnįnŋaa, a mɛ̨nį neelee gaa yələkɔlɔn ɉu gulɔ mąą, yɛ bələi, Yálá ə ɉɛnŋaa tii kiliin na Moisə ɓa, yɛ kɛ mą, həɠə kələ tɔɔ; yɛ mą: «Ə́ ɲɛ̨i hee, 'Ə́ gɛ kpɔlɔɔ yɛ bələi ŋą́ mąąnįnįn dɛɛ la ə́ pɔ ɲee nwuɔ̨.»

Mąątɛ̨nɛ̨ 119:96

Lɛlɛ kəlee ɲɛ̨n ma kaa mą, Kɛlaa ə́ wɔ tíɓoi nwɛi, ɲɛ̨n ma hvo mą.

Hebreu 10:1

Dɔn va pɛli mą, mɛ̨nį lɛlɛɛɠaai gaa pai, mąą mɛ̨nį ɲɛ̨i kulɔi kpɔ a neelee, gaa lɔ kɛ a nįnįn ɉu lɛ hɛn; yii dɔn ə kɛli ɉuhvɛli, ya ɓaa, ɉaláá huwu tanɔ̨n tii kaa gulɔ lɔ a kwɛlan gəlee, a gɛ pələ huwu tanɔ̨n. Yili ɓə gɛ, hva pɛli mą kɛ, nuąi da bɔ yíiɓo, di mąą mɛ̨nį ɲɛ̨i kulɔi a nɛlɛɛ, hvo naa kulɔ.

Osia 8:12

Ŋą́ mą nwɔ́ tɔ́n ɉu woo waa tɔ̨nɔ̨ pɛ̨ɛ̨ a mąą mɛ̨nį, da di kaa lɔ yɛ nwɛ̨ąą ɓə da di pɛ̨ɛ̨.

Maafîu 20:33

Diɛ mą: «Ku kaa bɔ ə́ ku ɲɛ̨i hvoloon ku kɛɛ kaa.»