Mąątɛ̨nɛ̨ 119:172 - Yálá laawoo hɛɓɛ (dc)

¹⁷² Ee kə! Nɛ̨́n ə ə́ wɔ tíɓoɠaai too a wələ, mąąhɔlɔɓo, ə́ wɔ tíɓoɠaai kəlee kaa a tɛ̨ą.

Yálá laawoo hɛɓɛ

¹⁷² Ee kə! Nɛ̨́n ə ə́ wɔ tíɓoɠaai too a wələ, mąąhɔlɔɓo, ə́ wɔ tíɓoɠaai kəlee kaa a tɛ̨ą.

Bible

¹⁷² Ŋa pâi wule toôi é pîlaŋ ítɔ̂ŋ ma, kpɛ́ni fêi ítɔ̂ŋ-ŋai díkaa a tɔ̃yâ.

Mąątɛ̨nɛ̨ 119:172 Referans Kwoze

Ifisiɛŋ 4:29

Woo ɲɔ̨n nɔpee ta hvo kulɔ ká la, kɛlaa yaamun, ká hvaa woo ə kɛ a nɛ̨ɛ̨, yɛ pɛli nu tənən dɔɔi, yɛ mɛ̨nį lɛlɛɛ kɛ mɛ̨n nuą diɛ.

Lomaŋ 7:14

Gu gɔlɔn gbɔ a tɛ̨ą guɔ diɛ: Tɔ́n gaa a nįį hu mɛ̨nį. Kɛlaa, ɲą́ą́ gáá nu kɔ́lɔ hu, daa nɔ́wɔtɔɔ yɛ luwɔ nɛ̨ŋɛ̨n ma.

Lomaŋ 7:12

Yili ɓa, dɔ́n mąąhəɠɛɛi, bɔ liɛwoo mąąhəɠɛɛ, ɉaŋąą, nɛlɛɛ.

Mąątɛ̨nɛ̨ 37:30

Tələnmomun naaləi hva kpɛla kili mɛ̨nį ɓoɔ ɓa, tɛ̨ą mɛ̨nį lɔ ɓə a kulɔ na.

Mąątɛ̨nɛ̨ 119:142

Ə́ haŋą pələ, gaa a yələ kəlee mɛ̨nį, ə́ wɔ tɔn nwooi ə ɓo a tɛ̨ą.

Mąątɛ̨nɛ̨ 119:138

Ə́ wɔ tɔnŋaai tɔɔ a ɉaŋąą, a tɛ̨ą hu ponoɔ.

Kolosə 4:6

'Ká lono woo ə nɛ̨ɛ̨ nuą wəlii a yələ kəlee, yɛ pɛli nɛ̨ɛ̨laa pələ laa ɓoi nuą lɔwai, 'ká nu tɛitɛi woo pulu pənə, a ɲąą pənə pələ.

Mąątɛ̨nɛ̨ 119:86

Ə́ wɔ tíɓoɠaai kəlee kaa a tɛ̨ą, nuą hvilɛn ŋąąi búlu a kili ɲɔ̨nwɔ̨ɔ̨, 'Pá kilɛ mą́ą́!

Mąątɛ̨nɛ̨ 119:13

Mɛ̨nįɠaai kpɔ a kulɔ ə́ la, di kaa lɔ kɛa ná a wələ.

Mąątɛ̨nɛ̨ 119:46

Gáá pai kɛi ə́ wɔ tiɓoɠaai hukulɔi tɔɔɓɛlaa ɲɛ̨i ɓa, hvə́ pai nwumɛ̨i yili kɛi.

Mąątɛ̨nɛ̨ 78:4

Ku hvo pai di looi di lonnii diɛ, Kɛlaa, kwa nɛi háákələi nuą diɛ, da yiiɠaa pa lɛɛi di pulu, Yai-Laa laa tɛ mɛ̨nįɠaa da vaŋą kɛnɛ̨ pələ, da gbalo mɛ̨nįɠaai ə di kɛi, ku kaa pai di hukulɔi.

Dutɛrɔnome 6:7

Kaa pa kɛi ɉukulɔi ka lonnii diɛ; ka kɛ moi diɛ, ka kɛ ka yəi bɛlɛ́n, ə mą kɛ hiɛ pələ pɔ, ka kɛ laani, ka mą kɛ tɔɔni.

Mąątɛ̨nɛ̨ 119:128

Yili mąą mɛ̨nį ɓa, ŋą́ ə́ wɔ tɔn nwooɠaai kəlee kaa a ɉaŋąą. Lɛɛ pələɠaa kəlee wɛli kpɛɛi mą́ą́ kpɔ tɛ-tɛ.