Mąątɛ̨nɛ̨ 119:144 - Yálá laawoo hɛɓɛ (dc)

¹⁴⁴ Mɛ̨nįɠaai yá mo, gəlee hąŋąąi ɲɛ̨n deei və mą, mɛ̨nį hukpɛ kili tɛɛ bɔ́, gɛ́ pɛli nú kɛi.

Yálá laawoo hɛɓɛ

¹⁴⁴ Mɛ̨nįɠaai yá mo, gəlee hąŋąąi ɲɛ̨n deei və mą, mɛ̨nį hukpɛ kili tɛɛ bɔ́, gɛ́ pɛli nú kɛi.

Bible

¹⁴⁴ Ísɛŋ lɛ́ɛ-ŋai dí teniŋ ƃôɔɔi. Mɛni ŋá káa lɛ́ ḿâ, gɛ̀ ní ŋa pâi lɛɛ̂i ɣele ma.

Mąątɛ̨nɛ̨ 119:144 Referans Kwoze

Korɛntə veelɛ 4:6

Mąąhɔlɔɓo, Yálá ŋɛ̨i kɛ diɛ: 'Kɛɛ ə pono kpinį hu! Yaa ti lɔ ɓə kɛ a kɛɛ pono ku lii hu, yɛ ŋą mąąwiɛlaa kɔ́lɔn gili tɛɛ ka gu pɔ, yai lən ɉii Kristə ɲɛ̨ilaai.

Danîa 12:10

Ŋaatɛ mɛ̨nį ɓə pai nu tamąą mąąhəɠəi ə di waa, di kwələ. Nuą yiiɠaai di túwɔ́ pələ ɲɔ̨nwɔ̨ɔ̨, di kaa pai kɛi túwɔ́i lɔ a ɲɔ̨nwɔ̨ɔ̨, di hvo pai pɛli ŋąą kaai. Kɛlaa, nuąi a nwun gɛ ɉu nuą diɛ ɓə pai mɛ̨nįɠaai tii ŋąą kaai.

Ɉeremi 4:22

A tɛ̨ą, nwɔ́ nuąi kili hvo di kwəi! Di hvo kpɛli gɔ́lɔn. Di hva mɛ̨nį kpaɠala kaa. Di yɛlɛɛi mɛ̨nį ɲɔ̨n gɛi, di hva pɛli nɛlɛɛ kɛi.

Mąątɛ̨nɛ̨ 119:169

Ee kə Yai-Laa! Dómą woo ə həli kpɔ ə́ lííla wɛ! Mɛ̨nį hukpɛ kili tɛɛ bɔ́, yɛ bələi ə́ mo lai.

Azaya 27:11

Ɓɛlɔwai nwulu woŋoɠaa da kpala la, nɛ̨ą da pa di nwɔ̨n naa ɉu, a tɛ̨ą, kili hvo nu huwui ŋɛ̨i ɓa; ya ɓə gɛi, nui di pɛli, hva di mąąwɛli kaa. Nui di kulɔ hva di ɲɛ̨imąąwɛli kaa.

Hanwon 10:21

Tələnmomun nwoo a liilaa tɛɛ nu pɔ, Kɛlaa, kilikpɛɛgwəi nuą da haa a mɛ̨nį kɔ́lɔn nwɛli.

Mąątɛ̨nɛ̨ 119:73

Ə́ bɛ́li a ə́ yee, ə́ ɉúwala wala, 'gɔ́ a kili, gɛ́ pɛli ə́ wɔ tiɓoɠaai hukpɛi.

Maafîu 13:19

Mɔ̨nun gɔw yiiɠaai too bələ kwɛlɛ nwɛ̨nįɠaa diɛ ɲɛɠɛ; mukulaa ɓa, nuąi da Yálá-taa tɔɔlaa mąą wəlɛɛ lɛlɛɛ mɛ̨n di hva ŋąą kaa, ɓilihi a pa ə gulɔ di lii hu.

Maafîu 5:18

Gáá tɛ̨ą ɓoi kaa, a kɛ yələ kɔ́lɔn, da lɔi da wala ni tɛɛ, mɛ̨nį yiiɠaai bɛ̨ɛ̨ dɔ́n ɉɛɓɛ́ hu, ɉɛɓɛ́ gɔw dɔ̨nɔ̨ kpɛli hva ɉəɠə mą. Gəlee ka kɛ, yɛ pələi bɛ̨ɛ̨ la, ə lɛɛ la ɉu, hvo kɛ li yɛnɛ̨ɛ̨ ɲąą kpɛɛi lɔwai.

Mąątɛ̨nɛ̨ 119:152

Mɛ̨nįɠaai ə́ mo, gbaɠala kaa mą́ą́ a ɉu kwɛaa, a nwooɠaai ə́ mo a yələ kəlee mɛ̨nį.

Mąątɛ̨nɛ̨ 119:138

Ə́ wɔ tɔnŋaai tɔɔ a ɉaŋąą, a tɛ̨ą hu ponoɔ.

Mąątɛ̨nɛ̨ 119:66

Kiti haŋąą da mɛ̨nį kɔ́lɔn ŋąą di tɔlɔ lɛ mą́ą́, mąąhɔlɔɓo, náái ə́ wɔ tiɓoɠaai la.

Mąątɛ̨nɛ̨ 19:9

Yai-Laa nwɔ tíɓoɠaai haŋąąi, a nu lii ɲąąnɛ̨ɛ̨, Yai-Laa nwɔ tɔ́n nwooi hu pɔ̨nɔ̨ɔ̨i, a nu kiliŋą pono a nu.

Ɉaan 17:3

Yaan, yɛnɛ̨ɛ̨ hva kpɛɛ ɓaa, di ə́ kɔ́lɔn a Yálá tanɔ̨n, yai a kpɔ-kpɔ, da Jesus Kristə yai Ə́ dɔɔ.

Osia 4:6

Nwɔ́ nuąi ɲąą kaa kwɛ̨ɛ̨i, mąąhɔlɔɓo, mɛ̨nį kɔ́lɔn ŋąą hvo di lɔwai. Lənəi ə́ mo mɛ̨nį kɔ́lɔn mɛ̨nį ɓa, ɲą́ą́ gbɛli mąn, gáá lənəi yɛ́, hvá kɛa kɛ a nwɔ́ haláá laa həli mun. Yáá lɛ̨ą ə́ wɔ Yálái nwɔ tɔ́n nwooi ɓa, ɲąą gbɛlin mąn gáá pai lɛ̨ąi ə́ lonnii diɛ.

Mąątɛ̨nɛ̨ 119:34

Kiliŋą laa mąą tɛɛ bɔ́, əgɛ, gɛ́ pɛli lɛɛ ə́ wɔ tɔn nwooi pulu, gɛ́ bɔ mɛ̨nį kɛ gwə́i tɔnɔ̨ mɛ̨i.

Mąątɛ̨nɛ̨ 119:17

Ə́ wɔ tímun maa a ɲą́ą́, ɉon a nɛlɛɛ, əgɛ, ŋą́ yɛnɛ̨ɛ̨ kɛ, ɛlɛɛ, gɛ́ lɛɛ ə́ woo pulu.

Mąątɛ̨nɛ̨ 119:151

Ə́ wɛi, Yai-Laa, ə́ kaa gwɛ́lɛ, ə́ wɔ tíɓoɠaai kəlee di ɓo a tɛ̨ą.

Hanwon 4:4

Nán ə kɛi níɛwoo kɛ, yɛ mąą: Nwóóɠaa naa kili ə lɛɛ ə́ ŋą, kpaalə ŋɛ̨i gáá nɛi yɛ́, ə́ hiɛ la; a kɛ tii, yá lamun yɛnɛ̨ɛ̨.

Hanwon 7:2

Yii ŋį́ mo yɛ́, 'gɛ. Ya ɓə a gɛ ə́ lamun yɛnɛ̨ɛ̨. Mɛ̨nįɠaai gáá ə́ kalan ɉii la, ɉon a nɛlɛɛ yɛ ə́ ɲɛ̨i lon.