Mąątɛ̨nɛ̨ 119:139 - Yálá laawoo hɛɓɛ (dc)

¹³⁹ Níi ə kɛi kələn gwə́i, ɉú yɛ kpɛlin, a ɲówóɠaa kaai ŋį́ kɛi mo, diɛ həɠə ə́ wooɠaa pulu.

Yálá laawoo hɛɓɛ

¹³⁹ Níi ə kɛi kələn gwə́i, ɉú yɛ kpɛlin, a ɲówóɠaa kaai ŋį́ kɛi mo, diɛ həɠə ə́ wooɠaa pulu.

Bible

¹³⁹ Ŋa ńii ŋwána kpɔ́ yɛ̂ɛ ŋɔŋ, kpɛ́ni fêi ŋ́gbɔara-ƃelai da díyee kúla ítɔ̂ŋ-ŋai mu.

Mąątɛ̨nɛ̨ 119:139 Referans Kwoze

Ɉaan 2:17

Jesus nwɔ kalan nɛai di di kiliŋąhiɛ Yálá laawoo ɓa, yai kɛ mą: «Wɛlikɛmąą yii gaa ɉu ə́ wɔ pɛlɛ́i mąą mɛ̨nį ɓa, a gələn yɛ nwɔ̨n.»

Mąątɛ̨nɛ̨ 69:9

Ɛlɛɛ, ŋą́ą́ kɛ la ną́n nonnii lɔwai a nwɛ̨ą, a nui nee lonnii di hvo gɔlɔn.

Gɛlaɠaa 13:27

Kɛlaa yaamun Ɉerusalɛmə nuą da ɲɛ̨itɔwɔ nuą, di hvo Jesus kɔ́lɔn ni, di baa. Yálá kwəi mɛ̨nį hukulɔ nuą wooɠaai da moi a vįitɔɔ yələ tɛitɛi, diɛ di pɔ mɛ̨nį kɛ la tii.

Tɔɔɓɛlaa dɔlɔɔ 19:10

Eli yɛ mą: «Yai-Laa Mɛ̨nį Kəlee ŋą Hééɓomun Yálá, ə́ wɛli kɛ pələ mą́ą́, aa tolo lɔ ɉú, vá pɛli mą ɲɛ̨́i heei Israɛlə nuą túwɔ́ pələ ɲɔ̨n mą. Hvo gaai, daa ə́ wɔɔ mįnɛ̨i mąą kala, daa ə́ wɔɔ haláá kulɔiɠaa kəlee wolo, ɛlɛɛ, daa ə́ kwəi mɛ̨nį hukulɔ nuą kəlee paa a ɓɔwa kwɛaa, ɲą́ą́ dɔ̨nɔ̨ lɔ ɓə ŋą́ą́ lɛɛ, ya ka diɛ di nwún napili.»

Maafîu 22:29

Jesus ə di woo ŋąąpənə yɛ diɛ: «Ka káá ka kpɔɔ ɓowoi, mąąhɔlɔɓo, ka hvo Yálá laawoo hɛɓɛ́ kɔ́lɔn, ə mą kɛ Yálá nwɔ huwalawala.

Maafîu 21:42

Yili pulu, Jesus ə mo diɛ yɛ diɛ: «Akɛti, mɛ̨nį Yálá laawoo hɛɓɛ́ ə mo ka hvo ta mɔ̨ɔ̨ yili kalan ni? Yaai ə kɛ mą: «‹Gwɛnii bɛlɛ́ tɔɔ nuą di lɛnɛ mą, ya ɓə kɛ a bɛlɛ́ tɔɔ kwɛni kpɔ-kpɔɔ. Yili ɓə Ną́mu Yálá ə gɛ, gaa gu ɲɛ̨i ɓa a kwəi pili mą mɛ̨nį.›»

Maafîu 21:16

Diɛ Jesus ɓa: «Akɛti mɛ̨nį ŋɛ̨i di kaa moi ə kaa mɛ̨n ɉi?» Jesus ə di woo ŋąąpənə yɛ diɛ: «Gáá mɛ̨n ɉii.» Yili pulu yɛ diɛ: «Ka hvo nii galan ni Yálá laawoo hɛɓɛ́ hu diɛ kɛ mą: ‹Yaa gɛ kpɔ lɛapɛlɛɛɠaa da ɲįnį kpələ lonnii diɛ mąąwiɛ tɛɛ ə́ pɔ.›»

Maafîu 21:13

Yili pulu yɛ diɛ: «Yálá ə mo nawoo hɛɓɛ́ hu yɛ mą: ‹Nwɔ́ pɛlɛi laa heɛi a Yálá hee pɛlɛ́.› Kɛlaa, ka wɛi kaa gɛ a nwuɔ̨ nuą hee pɛlɛ́!»

Maafîu 9:13

'Ka li, ka nwoo ɲɛ̨i mukulaa kwɛli; yai da kɛ mą: ‹Ɲɛ̨i mąąwɛli kaa ɓə gáá bɔ, ə tɛɛ taatɛlɛɛ haláá kulaa ɓa.› Mąąhɔlɔɓo, və́ pa li, nu haŋąąɠaa kwɛli, kɛlaa, ŋą pa nɛ̨ŋɛ̨n ɉəɠə nuą kwɛli mɛ̨nį ɓa.»

Mąątɛ̨nɛ̨ 53:4

Gəlee daa lan, di tɔɔi ə ɓo tanɔ̨n, tuwɔ pələ ɲɔ̨n ɉu, di ta hvo tuwɔi a dɛ̨nɛ̨n, ə mą kɛ tanɔ̨n gbɛli mąn.

Tɔɔɓɛlaa dɔlɔɔ 19:14

Eli yɛ mą: «Yai-Laa Mɛ̨nį Kəlee ŋą Hééɓomun Yálá, ə́ wɛli kɛ pələ mą́ą́, aa tolo lɔ ɉú, vá kpɛli pɛli ɲɛ̨́i heei Israɛlə nuą túwɔ́ pələ ɲɔ̨n ma. Hvo gaai, daa ə́ wɔ mįnɛ̨i maa kala, daa ə́ wɔ haláá kulɔiɠaa wolo, ɛlɛɛ, daa ə́ kwəi mɛ̨nį hukulɔ nuą kəlee paa a ɓɔwa kwɛa, ɲą́ą́ dɔ̨nɔ̨ gbən nɔ ɓə ŋą́ą́ lɛɛ, ya ka, diɛ di nwún napili.»

Mąątɛ̨nɛ̨ 69:10

A tɛ̨ą, ə́ wɔ pɛlɛ́i mąą tolo aa lɔ ɉú kɛnɛ̨, di kaa ə́ lalan ɉi, di wɔ lalan nwoo yɛ həli mą́ą́.