Mąątɛ̨nɛ̨ 119:137 - Yálá laawoo hɛɓɛ (dc)

¹³⁷ Yai-Laa, ə́ haŋąąi, ɛlɛɛ, yii lɔpee yá mo, ɉaŋąą.

Yálá laawoo hɛɓɛ

¹³⁷ Yai-Laa, ə́ haŋąąi, ɛlɛɛ, yii lɔpee yá mo, ɉaŋąą.

Bible

¹³⁷ Yâwɛɛ, íkaa a teniŋ ƃô-nuu, ǹyaŋ ítɔ̂ŋ-ŋai sã̂ai.

Mąątɛ̨nɛ̨ 119:137 Referans Kwoze

Ɉeremi 12:1

Yai-Laa! Ə́ haŋąąi! Gwa yɛ́ gu hva pɛli kiti kɛi. Kɛlaa, mɛ̨nį ta kaa laa, gɛ́ gu mo; lə ɓə kɛ yaai, nɛ̨ŋɛ̨n ɉəɠə nuą kɛ mɛ̨nį hu a nɛɛ? Lə ɓə kɛ yaai nuą da di woo kala, di kəlee di kaa di nɛɛ hu?

Ɛsdrasə 9:15

Yai-Laa, Israɛlə nwɔ Yálá, ə́ tələnmoɔi, háákələi hvólói ŋɛ̨i yee mu, yá ku kaa ku ɓo ni a ku húlú, yɛ́ ɓə nu kpəli woloi ŋɛ̨i kulɔ ɉu. Kwaa pa ə́ lííla a ku wɔ nɛ̨ŋɛ̨nŋąąi, ɛlɛɛ yaan, mɛ̨nį a kɛ ŋɛ̨i, nui lɔpee ta hva pɛli tɔɔi ə́ lííla.»

Danîa 9:7

Ną́mu Yálá ə́ wɛi, hɔn və yɛ́, yii ɓaa ku wɛi, yii mąąnɛ̨ɛ̨ ku gɛ, ya ɓaa: Ku ku kpɔɔmąąyɛɛ, yɛ pələi háákələi hvólói kaa la, kuɔi kpɔ ku kaa a Ɉerusalɛmə daai nuą, Ɉuda lɔi hu nuą, ə mą kɛ Israɛlə lɔi hu nuą, di ma kɛ kwɛa la, ə mą kɛ kpuɔ la, diɛi ŋɛ̨i ə́ di taɠa di kee ɓa, gɛ mɛ̨nį di hvo lɛɛ li yɛ́ a woo tɔ̨nɔ̨ Nąmu, mąą mɛ̨nį ɓa.

Mąątɛ̨nɛ̨ 145:17

Yai-Laa haŋąąi gɛ mɛ̨nį kəlee hu, a kulɔ nwoo ɓa gɛ mɛ̨nį kəlee hu.

M̀ɛni-lɛɛi 16:7

Ɛlɛɛ, ŋį́ ɉaláá kulɔi woo mɛ̨n, yɛ mą: «A tɛ̨ą, Hééɓo kəlee Nąmu Yálá, ə́ wɔɔ kitiɠaa haŋąąi, ɛlɛɛ, yɛ ɓo a tɛ̨ą.»

Danîa 9:14

Yili ɓə gɛ, yáán, ə́ tee mɛ̨nį nwąnąąɠaa tii diɛ, di laa kuɔ. Yili ɓa, ku Ną́mu Yálá, ə́ haŋąąi ə́ kɛ mɛ̨nįɠaa kəlee hu, kɛlaa, ku wɛi, ku hvo kɛ ku kili lɛɛ li ə́ wɔ liɛwooɠaa hu.

Mąątɛ̨nɛ̨ 103:6

Yai-Laa a túwɔ́ a tələnmolaa, nuąi kpɔ da di yee pənə di hui, a di wɔ tɛ̨ą ɓo.

Mąątɛ̨nɛ̨ 99:4

Tɔɔmun a tələnmolaa wɛlilakɛ, yili ɓə vaŋą kaa ɉu. Yɛ́ ɓə tələnmolaa, da kiti haŋąą di pɛli Ɉakɔbə nwɔ lɔi hu!

Nehemi 9:33

Ə́ wɛi, mɛ̨nįɠaa kpɔ həli ku wɔ, ə́ tələnmoɔ ɉu, hvo gaai, ə́ ə́ wɔ tɛ̨ą lɛ ku wɔ. Kɛlaa, ku wɔ ɓə túwɔ́ a nwąnąlɔ pələ.

Dutɛrɔnome 32:4

Yaa ɓə gaa a gu mąą kɔ́nwɔ̨ kwɛni kpuwulu. Mąą kulɔ hvo gɛ mɛ̨nį ta ɓa, nwɔ pələɠaa kəlee haŋąąi. Gaa a Yálái a kulɔ nwoo ɓa. Hvulu mɛ̨nį hvo ɲee pɔ. Dələnmoɔ, ɉaŋąą.

M̀ɛni-lɛɛi 19:2

Mąąhɔlɔɓo, ŋą kitiɠaai laahvɛɛi a tɛ̨ą, ɛlɛɛ, da tələnmolaa. Aa nwɛlikɛ nɛ̨ɛ̨nu kɛnɛ̨i kiti tee, yai kɛli lɔi kəlee kɔhɔɓo a ŋą wɛlikɛɛ, ɛlɛɛ, aa ŋą tínuą ɲąmą kwələ kulɔ mą.»

Lomaŋ 2:5

Kɛlaa, ə́ wɔ kili walawala pələ, da ə́ wɔ lii ɲɔ̨n bələ ə́ gwəi, hvó bɔ hvo ə́ wɔ túwɔ́ pələ ɲɔ̨nŋąa mąąhvalin. Yili ɓa, Ɲələi Yálá kaa pai nwɔ kiti haŋąai teei la, akɛ tii, ə́ kaa Yálá nwɔ liiholui ɲąątɔɔi ə́ kpɔwɔ ɓa;

Lomaŋ 9:14

Akɛti gwa mɔ̨ɔ̨ kɛ diɛ, Yálá huluɔi? Kpaa-o! Hvo hulu li.