Mąątɛ̨nɛ̨ 119:112 - Yálá laawoo hɛɓɛ (dc)

¹¹² Ŋą́ tɔɔ a nwą́ną́i, gɛ́ ə́ wɔ tɔn nwooɠaai pɔ yíiɓo, Və́la li a yələ kəlee.

Yálá laawoo hɛɓɛ

¹¹² Ŋą́ tɔɔ a nwą́ną́i, gɛ́ ə́ wɔ tɔn nwooɠaai pɔ yíiɓo, Və́la li a yələ kəlee.

Bible

¹¹² Ŋa gbɛtɛ ŋ́gili-ŋa a gɛɛ ŋá ítɔ̂ŋ-ŋai mɛi káa, é lɛ́ɛ la zu ŋá sáa.

Mąątɛ̨nɛ̨ 119:112 Referans Kwoze

Mąątɛ̨nɛ̨ 119:33

Yai-Laa, ə́ lííɓa kɛ pələ lɛ mą́ą́, gáá bɔ ŋį́ di kɛ a ɲéé lɛɛ tíi.

Mąątɛ̨nɛ̨ 119:36

'Gíli tɛnɛ̨n dɔɔ ə́ wɔ tíɓoɠaai pɔ pələ! 'Hvó ɲɛ̨i tinɛ̨n hɛngɔw pɔ pələ.

Mąątɛ̨nɛ̨ 141:4

'Hvó nį́i lɛɛ laa hvo ɉon a pələ ɲɔ̨n, 'gɛ, və́ ɲéé too nɛ̨ŋɛ̨n dúwɔ́ hu, kwa mɛ̨nį ɲɔ̨n gɛ nuą, və́ pa di wɔ hɛli kɔ̨nɔ̨n ta kɔɔn.

Mąątɛ̨nɛ̨ 119:44

Ɲéé kaa lɔ pai kɛi ə́ wɔ tɔn nwooi diɛ a yələ kəlee.

Tɔɔɓɛlaa dɔlɔɔ 8:58

Ə gu wɔ kiliŋąhiɛɠaa tinɛ̨n bɔ pələ, guɔ pɛli hiɛi nwɔ pələɠaa kəlee hu, ɛlɛɛ, guɔ nwɔ tíɓoɠaai, da nwɔ tɔ́n nwooɠaai hon. Nɔi hon bələɠaai ə nɛ gu nąnni diɛ, guɔ pɛli ɉon ɉii.

Zasua 24:23

Ɉosue ə mo kɛa diɛ, yɛ diɛ: «Yii hui ŋɛ̨i, ɉaliɠaa tii gaa ka yəi, ka ka yee kulɔ ɉu, ka gulɔ ka lɔwai, ɛlɛɛ, ka ka lii tínɛ̨n Yai-Laa Israɛlə nwɔ Yálá pɔ pələ.»

Piɛrə dɔlɔɔ 1:13

Yili ɓə gaa mą, yii kani ká kili aa nwun, mɛ̨nį hukpɛ mɛ̨nį ɓa, 'ká kɛ gili-gili, ká kilitɔɔ mɛ̨inɛ̨ɛ̨ tii pai tooi pono ɲą a Jesus Kristə pa yələ, mą.

Filipə 2:13

Mąąhɔlɔɓo, Yálá ɓə a, niiɓa gɛ lii, da gɛ wɛli too káá, yɛ bələi gaa la gwəi a nɛlɛɛ.

M̀ɛni-lɛɛi 2:10

Mɔ̨nɔ̨i ə́ pai mįi, 'hvó ɲɔw mą. Ə́ ɲɛ̨i hee tai, nąnį kaa pai ká nwɛi taɠaa pilii gaho pɛlɛ́ mu, əgɛ di ká hukɔɔn, ɛlɛɛ, ɲąąhɛn mɛ̨nįi tii, gaa pai kɛi a hvóló pɔw mɛ̨nį. 'Lɛɛ ə́ woo pulu, ə lɛɛ ɉu ə́ haa, akɛtii, ŋą́ yɛnɛ̨ɛ̨ hva kpɛɛ ɓɔlɔ lɔ ə́ nwuɔ̨.

Kɔlɔnikɔ Veerɛi 19:3

Kɛlaa, ə mą kɛ tii, mɛ̨nį lɛlɛɛɠaa kaa ə́ túwɔ́ pələ hu; hvo gaai, nwuluɠaai nuą di dɔɔ diɛ gɔ́, yáá gəlee kələn nɔi, ɛlɛɛ, yáá tɔɔ a ə́ nwąnąi, yɛ́ Yálá woo hon.»

Ɛsdrasə 7:10

Mąąhɔlɔɓo, Ɛsdrasə ə vaŋą lɔ Yai-Laa nwɔ tɔ́n kalan ŋąą ɓa, yɛ bɔ mɛ̨nį kɛ, ɛlɛɛ, yɛ ɉon bələ kalan Israɛlə lonnii diɛ.

Mąątɛ̨nɛ̨ 18:22

Mąąhɔlɔɓo, ŋį́ Yai-Laa nwɔ liɛwooɠaai hon, ɛlɛɛ, və́ kulɔ li nwɔ́ Yálái woo mu.

Hanwon 2:2

Ə́i wəli tɔɔ kilimąą woo ɓa Ə́ tɔɔ a ə́ nwąnąi, ə́ gbaɠala kaa.