Mąątɛ̨nɛ̨ 119:111 - Yálá laawoo hɛɓɛ (dc)

¹¹¹ Gwɛ́lin mąą Ə́ laawoo a yələ kəlee, yá ɓə a gwə́inɛ̨ɛ̨.

Yálá laawoo hɛɓɛ

¹¹¹ Gwɛ́lin mąą Ə́ laawoo a yələ kəlee, yá ɓə a gwə́inɛ̨ɛ̨.

Bible

¹¹¹ Ítɔ̂ŋ-ŋai díkaa a ŋ́gɔ̃liŋ wɔ́lɔ-wɔlɔ da wɔlɔ-wɔlɔ. Da ńii làa.

Mąątɛ̨nɛ̨ 119:111 Referans Kwoze

Ɉeremi 15:16

Yai-Laa Mɛ̨nį Kəlee ŋą Hééɓomun Yálá! Ya lɔ ɓaa, ŋą́ kwiɛn a ə́ laa woo, ŋį́ níí laa, ŋį́ mukpələ. Ə́ laa woo ə kɛi gwə́inɛɛ, yɛ níí nɛ̨ɛ̨ gwə́i. Mąąhɔlɔɓo, náá kwɛlanmoɔi yɛ́.

Mąątɛ̨nɛ̨ 119:174

Yai-Laa, ə́ yei ɓə gáá bɔ ŋį́ ɓalo hɔlɔɓo laa, ɛlɛɛ, gwə́inɛ̨ɛ̨ hɛn maa ə́ wɔ tɔn nwooi.

Mąątɛ̨nɛ̨ 119:92

Ə li kɛ ə́ wɔ tɔn nwooi hvo kɛ a nííɓa mɛ̨nįɠaa, yɛ ŋą́ą́ haa laanɔ̨nwɔ̨ hu.

Mąątɛ̨nɛ̨ 16:5

Yai-Laa, gwɛ́lin maa a yɛ́, nwɛ́i ɓaa a yɛ́! Nwɔ́ yɛnɛ̨ɛ̨ kaa ə́ yee-kɔnma.

Piɛrə dɔlɔɔ 1:4

a kwɛlin ɉɛn hva kpɔ pɛli kalai, hva kɔhɔɓo, hva luwun, gwɛlan ɉɛn tii, həɛi ká tɔwɔ yələi;

Mąątɛ̨nɛ̨ 119:127

Nwɛ́i, ə́ wɔ tíɓoɠaai wɛli kaa mą́ą́, dɛɛ hɛni ɓa, ə mą kɛ hɛni hu waa kpɔ hva-hva.

Mąątɛ̨nɛ̨ 119:74

Nuąi da ɲɔw yɛ́ da gáá, di kwəi a nɛ̨ɛ̨, mąąhɔlɔɓo, gílitɔɔi ə́ woo ɓa.

Mąątɛ̨nɛ̨ 19:8

Yai-Laa nwɔ tɔ́n mąąkulɔi hvo mą, a yɛnɛ̨ɛ̨ tɛɛ nu pɔ; Yai-Laa hvaa woo hva ɉəɠə mą, a kili tɛɛ nu tunun bɔ.

Dutɛrɔnome 33:4

Dɔ́n ŋɛ̨i Moisə ə dɛɛ ku pɔ, gaa a hɛn gɔw mąą mɛ̨nį nwąnąą Ɉakɔbə lonnii diɛ!

Hebreu 9:15

yili ɓə gɛ, gaa a mįnɛ̨ nįnɛ̨ laamun, a mįnɛ̨ nįnɛ̨ hukɔw. Ə haa, əgɛ, ə nu kanŋaa nwun mąąɓo di wɔɔ nɛ̨ŋɛ̨nŋaa yəi, yai di ɉəɠə mįnɛ̨ tɔlɔɔ tii yee mu; yili pɔ pələ ɓə, nuąi Yálá aa di təli, da pɛlimą kɛa, mɛ̨nį nɛ̨ɛ̨ɠaa naakwɛlanmoɔ, di ɉɔlɔɓo a yələ kəlee mɛ̨nį.

Mąątɛ̨nɛ̨ 119:14

Ŋą́ą́ lɛɛ ə́ wɔ tɔn nwooɠaai pulu, ŋą́ą́ gwə́inɛ̨ɛ̨ mɛ̨nį hɔlɔɓo, gaa lɔ yɛ ŋą́ kwiɛn a hɛngɔw kɛnɛ̨ɛ̨.

Azaya 54:17

Kɔ kɔ́ hɛn lɔpee di bɛli ə́ mąą mɛ̨nį ɓa, hvo pai pɛlii mɛ̨nį ta kɛi yɛ́, nɛn lɔpee yɛ ə tɔɔ ə́ la kiti hu, yá pənə ə́ bulu kulɔ a ɉɔn. Bələ ɓə Yai-Laa nwɔ tínuą kɛ pələ kaa pai kɛi la. Di wɔ tələnmolaai tii a gɛ́ mɛ̨nįi, gɛ pələ kaa pai kɛi tii. Yai-Laa woo li.

Piɛrə dɔlɔɔ 1:8

a yaa tii káá nwɛli la kɛ, ká ɲɛ̨i hvo mąi ɛlɛɛ, káá laa na, ká hvo nwɔ̨nɔ̨ gaai; 'ká pili kani yələi a kwəinɛ̨ɛ̨i ɲɛ̨n deei hvo mą, a mąąwia,

Mąątɛ̨nɛ̨ 119:162

Gwə́inɛ̨ɛ̨i, ə́ wooi ə́ gwɛlɛ mąą mɛ̨nį ɓa, lɔ yɛ, nu a kulɔ hɛn gɔw kɛnɛ̨ mɛ̨i ə́ tɛɠii.

Gɛlaɠaa 26:18

Yɛ́ di ɲɛ̨i hvoloon, yɛ́ di kulɔ kpinį hu, yɛ́ pa a diɛ kɛɛ pono hu, yɛ́ di kulɔ ɓilihi nwɔ huwalawala yəi, yɛ́ pa a diɛ Yálá pɔ, akɛ tii, da mą́ą́ mɛ̨nį kaa a tɛ̨ą, di nwɔ nɛ̨ŋɛ̨nŋaa mąąhvaa ə lɛɛ; ɛlɛɛ, diɛ di wɔɔ hɔlɔɓo mąąhəɠə nuą kwɛlin ɉu.›»

Kolosə 1:12

'ká gu Ną́n mąmąɓo, yai gɛ, guɔ gu wɔɔ hɔlɔɓo nu mąąhəɠɛɛɠaa kwɛlin ɉu, yələkwəi.

Mąątɛ̨nɛ̨ 19:9

Yai-Laa nwɔ tíɓoɠaai haŋąąi, a nu lii ɲąąnɛ̨ɛ̨, Yai-Laa nwɔ tɔ́n nwooi hu pɔ̨nɔ̨ɔ̨i, a nu kiliŋą pono a nu.