Mąątɛ̨nɛ̨ 119:1 - Yálá laawoo hɛɓɛ (dc)

¹ Nuąi di yíi pələ mąąkulɔi hvo mą, di nwun na nɛ̨ɛ̨i, a diɛi da hiɛ a Yai-Laa nwɔ tɔn nwooi.

Yálá laawoo hɛɓɛ

¹ Nuąi di yíi pələ mąąkulɔi hvo mą, di nwun na nɛ̨ɛ̨i, a diɛi da hiɛ a Yai-Laa nwɔ tɔn nwooi.

Bible

¹ Lûwa káa diai dîa dísɔŋ fé dîa, díkɛ díɣeniɛi kɛ̀ yɛ̂ɛ berei Yâwɛɛ ŋɔtɔ̂ŋ wóo káa lai.

Mąątɛ̨nɛ̨ 119:1 Referans Kwoze

Lukə 11:28

Kɛlaa, Jesus ə nwoo pulu pənə yɛ mą: «Nuąi mun di nwun na nɛ̨ɛ̨, diɛ ɓaa: nuąi da Yálá laawoo mɛ̨n, diɛ bɔ mɛ̨nį kɛ.»

Izikiɛ 11:20

Əgɛ, diɛ pɛli hiɛi a nwɔ́ tɔ́n nwooɠaai; diɛ di yee kanąn nwɔ́ lɔi hu yíi ɓo pələ ɓa, ɛlɛɛ, diɛ bɔ mɛ̨nį kɛ. Di kaa pai kɛi a ŋą́ nu huwu, ɲą́ą́n, ŋį́ ɓo a di wɔ Yálá.

Zĩi 1:25

Kɛlaa yaamun, nui a ɲɛ̨i hee dɔn gbɔ-kpɔɔ hu, yai a nu lɛɛ gbɔwɔ ɓa, hva ɲɛ̨i hee lɔ ɉu, ɉee wɛli ɓa, mąą nu a bɔ mɛ̨nį kɛi, a nwun na nɛ̨ɛ̨ hɔlɔɓo bɔ yíiɓoɔ hu.

Mąątɛ̨nɛ̨ 128:1

Ɲee mąąhəɠɛɛ tɛ wələ. Nuąi kpɔ da ɲɔ̨w Yai-Laa ɓa, diɛ hiɛ nwɔ pələi mɛ̨i, di nwun na nɛ̨ɛ̨i!

Ɉaan 13:17

Kaa yiliɠaai kɔ́lɔn, ka bɔ mɛ̨nį kɛi, ka kɛ a nwun na nɛ̨ɛ̨ nuą.

Lukə 1:6

Zakari da nɛ̨ą Elisabɛtə di kɛ a nu haŋąaɠaa Yálá ɲɛ̨i ɓa, diɛ Yálá nwɔ liɛwooɠaa hon gbɔ kpaan.

Mąątɛ̨nɛ̨ 112:1

'Kánikookwəi! Nui a ɲɔw Yai-Laa ɓa, nwun na nɛ̨ɛ̨i, a nui kpɔ tii a nwɔ tiɓoɠaa wɛlilakɛi.

Hanwon 11:20

Ə́ wɛi, hvilɛn nu túwɔ́ pələ lɛlɛɛɠaa pulu, ə́ nu haŋąɠaa pɔɔn kɔ́ɔn.

Gɛlaɠaa 24:16

Yili mąą mɛ̨nį ɓa, ŋį́ gbinįlee, ŋą́ tɔɔ a nwąnąi gɛ́ níi laa hɔnmo, mąąkulɔi hva kɛ mą, Yálá da nu kanŋaa di ɲɛ̨i ɓa.

Mąątɛ̨nɛ̨ 101:2

Gáá bɔ ŋą́ hiɛ kwəi kwələ laa hu, lə yələ ɓə Yá paa la bɔ́ pələ? Gáá pai hiɛi a gwə́i kwɛlɛɛ ɲə́i bɛlɛ́n.

Osia 14:9

Ɛfraimə! Nwɔ́ lə mɛ̨nį ɓə hali mɛ̨nį hu? Ɲą́ą́ ɓə ŋą́ nwoo mu hon, gɛ́ ɲɛ̨́i kɛ mą, nwɛ́i gáá lɔ yɛ wului naa ka ŋą a yələ kəlee, ɲą́ą́ ɓə ə́ ɓa a kulɔ váŋą hu.

M̀ɛni-lɛɛi 22:14

Di nwun na nɛ̨ɛ̨i, diɛi da di wɔɔ həɠə kwɛaaɠaai waa, əgɛ, diɛ pɛli di wɔɔ nąą hɔlɔɓoi ɲɛnɛ̨ɛ̨ kɛ wului hu, ɛlɛɛ, diɛ pɛli lɔi bɛlɛ́ laaləiɠaa ɓa daa-lee hu.

Mąątɛ̨nɛ̨ 101:6

Nɔi lonnii kpɔ nu a pɛli laai di la, gáá pai ɲɛ̨́i lɛlɛɛ heei diɛ, diɛ pɛli heei gwɛ́lɛ. Nui mąąkulɔ hvo dúwɔ́ pələ ɓa, ya ɓə pai kɛi a nwɔ́ kalanɉon gɛ̨nɛ̨mun.

Korɛntə veelɛ 1:12

Ku ɲɛ̨i pono mɛ̨nį ɓaa, ku kwəi kili ŋą kɛla wooi a mo kuɔ, ya ɓaa: Ku túwɔ́ yɛnɛ̨ɛ̨ hu, gəlee ə mą kɛ ləi, ká mąą mɛ̨nį hu, a kwəi kwələlaa da mąąhəɠəlaai a həɠə Yálá pɔ, hvo kɛli kɛ a nu kan ŋą kilikɛɲəi laa, kɛlaa, ə kɛ a Yálá ŋą nɛ̨ɛ̨laa.

Ɉaan 1:47

Ɓɛlɔwai Natanaɛlə ə kɛi paa la, Jesus ə gaa, ə mo Natanaɛlə laa mɛ̨i yɛ diɛ: «Ŋą́ą́ Israɛlə lon neelee kaa! Hulu mɛ̨nį tɔ̨nɔ̨ kpɛli hvə nwɔ kiliŋąhiɛ hu.»

Zôo 1:8

Yai-Laa ə mo mą, yɛ mą: «Ə́ nwɔ́ tímun Ɉobə kaa? Ɲɔ̨nwɔ̨mąn və lɔi mɛ̨i. Gaa a nui dúwɔ́ pələ lɛlɛɛ, ə lɛɛ, nwɔ mɛ̨nį haŋąą, yɛ ɲɔw Yálá ɓa, yɛ mąąkwɛa mɛ̨nį ɲɔ̨n ma.»

Zôo 1:1

Nu ta ə wɔlɔ kɛ Usə lɔi hu, a hulɔnu ta, diɛ kɛ mą: Ɉobə. Ə kɛ a nui dúwɔ́ pələ lɛlɛɛ, nwɔ mɛ̨nį haŋąą; yɛ ɲɔw Yálá ɓa, ɛlɛɛ, yɛ mąą kwɛa mɛ̨nį ɲɔ̨n ma.

Tɔɔɓɛlaa veelɛ 20:3

«Ee kə Yai-Laa! Bələi ŋą́ hiɛ la ə́ ɲɛ̨i ɓa a ɉaŋąą, yili kaa, níí lɛlɛɛ kɛ gwə́i, gɛ́ hiɛ, ə lɛɛ, mɛ̨nįi nɛlɛɛ yɛ́ ə́ ɲɛ̨i ɓa, ya ɓə ŋą́ gɛ!» Ezekiasə ɲɛ̨iya ə yɛɛ kpɔ mą kɛnɛ̨.

Hanwon 13:6

Nui ɉiɛ pələ haŋąą, tələnmolaa a ɲee kɛ mą, Kɛlaa, nwąnąlɔ nuą kala hɛn mąą nɛ̨ŋɛ̨n.

Samia Veerɛi 22:22

Mąąhɔlɔɓo, kpaaləi Yai-Laa ə kɛ yɛ ŋą́ hiɛ la, ya ɓə ŋą́ hiɛ laɉu. Və́ kɛ kulɔ li nwɔ́ Yálá woo mu.

Hanwon 29:18

Kwɛaa la kaamun a wala kɛ lɔi, lɔi lonnii da di yɛli tee. Kɛlaa, nwun na nɛ̨ɛ̨ lon maa nui aa tɔ́n ɉon.