Biblia Todo Logo
Bib sou entènèt

- Piblisite -




Mąątɛ̨nɛ̨ 116:6 - Yálá laawoo hɛɓɛ (dc)

6 Nuąi kɔ́lɔn və diɛ, Yai-Laa a ɲɛ̨i kɛ diɛ, vį́ikpɛɛi kɛ, kɛlaa, ya ɓə málo.

Gade chapit la Kopi

Yálá laawoo hɛɓɛ

6 Nuąi kɔ́lɔn və diɛ, Yai-Laa a ɲɛ̨i kɛ diɛ, vį́ikpɛɛi kɛ, kɛlaa, ya ɓə málo.

Gade chapit la Kopi

Bible

6 Yâwɛɛ a diai maa kɔ̃̂ɔ dífa pɔ̂ri kɔ̂i díkpîŋ mɛni mai. Ŋ́gɛɛ mɛni kpɔ̂lu sui, è ŋ́uŋ mâa ƃò.

Gade chapit la Kopi




Mąątɛ̨nɛ̨ 116:6
11 Referans Kwoze  

Gáá tómąi ə́ pɔ pələ, Yai-Laa! Gɛ́ diɛ: «Yɛ́ lɔ ɓaa mą́ą́kilɛi, yɛ́ lɔ ɓə, gwa yɛ́ gu tɔɔ nɔi ŋɛ̨i mɛ̨i!»


A muhəɠə yələkɔlɔn bələ tɔ̨nɔ̨, ə nwɔ gilɛ həɠə yələ kwəi nąą kəlee, ə naa kulɔ bələ tɔ̨nɔ̨; hɛn da hva pɛli kulɔ wəleen ɲəi.


Nąąlɔwai, Jesus ə nwooɠaa ŋɛ̨i ɓo, yɛ diɛ: «Oo Ną́n Yálá, gáá ə́ hɛɠɛɛɓoi kpɔ kɛnɛ̨, yɛ́i ə́ kaa a yələkɔlɔn da lɔi di Nąmu. Gáá ə́ hɛɠɛɛɓoi, mąąhɔlɔɓo, yaa mɛ̨nį ŋɛ̨i loo kilimąą nuą diɛ da mɛ̨nį kɔ́lɔn nuą, yaa nɛ lɛapɛlɛɛɠaa diɛ.


'Hvó ə́ kiliŋąhiɛ ku tuwɔ pələ ɲɔ̨n bɔlɔɠaa diɛ, ku laakwiyɛn ɉa a ə́ wɔ ɲɛ̨imąąwɛli kaalaai, mąąhɔlɔɓo hvaŋą lɔpee hvo kɛa ku yəi.


Kwəi kwələlaa, da tɛ̨ą ɓə da náá hɔnmo. Yɛ́ ɓə ŋą́ą́ gílitɔɔ yɛ́, 'hvó lənə mą́ą́.


Di kaa pai pələ laai laa, diɛ kɛ mą pələ mąąhəɠɛɛ, nui mąąliɓiɛ, hvo pai tɛɛ laa, mąąhɔlɔɓo, Yai-Laa yaa kpinįi ɓə pai tɛɛ laa tɔlɔɔ; kilikpɛɛgwəi nuą di hva lan di hvo kɔ́wɔ hvilɛn bələi tii mɛ̨i.


Luwɔɠaa, ká nąmįnąi ɓɛ lɔi mɛ̨i, ká lɛɛ di woo mu mɛ̨nį kəlee hu. 'Ká hvo tí lɔ diɛ, mąąhɔlɔɓo, di ɲɛ̨i kaa káá; yɛ, ká kɛi ká wɛli too bələ kwɛli diɛ; kɛlaa, yɛ nuąi di liinɛ̨ɛ̨i di kwəi, diɛ tí gu Ną́mu ɓa a ɲɔw mąą laa.


Kɛlaa, gáá ɲɔwi, və́ bɔ ká wɔ kiliŋąhiɛ mąą hvo hvalin a ɲɔ̨nwɔ̨ɔ̨, hvo ka kulɔ Kristə nwɔ nɛ̨ɛ̨laa hu, yɛ bələi kaalə ə Ɛvə ɲąąhɛn na, a gbąnąlaa.


Ku ɲɛ̨i pono mɛ̨nį ɓaa, ku kwəi kili ŋą kɛla wooi a mo kuɔ, ya ɓaa: Ku túwɔ́ yɛnɛ̨ɛ̨ hu, gəlee ə mą kɛ ləi, ká mąą mɛ̨nį hu, a kwəi kwələlaa da mąąhəɠəlaai a həɠə Yálá pɔ, hvo kɛli kɛ a nu kan ŋą kilikɛɲəi laa, kɛlaa, ə kɛ a Yálá ŋą nɛ̨ɛ̨laa.


Nu kəlee kili kaa ɉu diɛ ka woo mɛ̨n naa kɛ. Ká mąą mɛ̨nį a gwə́inɛ̨ɛ̨, yii gáá bɔ ya ɓaa ka kɛ a kilimąą nuą, ka mɛ̨nį lɛlɛɛ kɛ ka mɛ̨nį ɲɔ̨n mąą laa.


Yálá ə di kulɔ mɛ̨nįi, gee mɛ̨i pow pow, Kɛlaa di kɛi lɔ tɔɔ na a wəlii kpɔlɔ. Diɛ di nwun nɔ nɛ̨ŋɛ̨n ɉu.


Swiv nou:

Piblisite


Piblisite