Mąątɛ̨nɛ̨ 114:2 - Yálá laawoo hɛɓɛ (dc)

² Ɉuda ə kɛ kɛa a Yálá hee pɛlɛ́, Israɛlə yɛ kɛ a nwɔ lɔi.

Yálá laawoo hɛɓɛ

² Ɉuda ə kɛ kɛa a Yálá hee pɛlɛ́, Israɛlə yɛ kɛ a nwɔ lɔi.

Bible

² Ɣâla è Zuda-ƃelai kɛ̀ a ŋɔnûa maa waa, Eezuɛ kɛ́ ƃò a bɔ́ɔ.

Mąątɛ̨nɛ̨ 114:2 Referans Kwoze

Lɛɛ gbɔwɔ ɓa 25:8

Mąąnɛ̨ɛ̨ ə́ kɛɛnąą mąą həɠɛɛ pɛli mą́ą́, gɛ́ pɛli lɛɛi ka lɔwai.

Lɛɛ gbɔwɔ ɓa 15:17

Ə́ kaa pai lii a diɛ, Ə́ di hee, yee nwuɔ̨, Ə́ wɔ lɔi hu; Yai-Laa nąą ɓə Ə́i hee kulɔ laa, Yai-Laa, nąą ɓə ə́ ə́ hee pɛlɛ́ kɔ́wɔ hvilɛn naa.

Lɛɛ gbɔwɔ ɓa 6:7

Ŋą́ ka kɛ a nwɔ́ nu huwu, ŋį́ kɛ a ka wɔ Yálá. Ka gɔlɔn kaa: Ɲą́ą́ gáá a Yai-Laa, gáá a ka wɔ Yálá, yai ka kulɔ pɔlɔtɛ laa hu Eziptə.

Dutɛrɔnome 27:9

Yili pulu, Moisə da ɉaláá laa həli nuą Levi lonnii, diɛ Israɛlə nuą kpulu kəlee diɛ: «Israɛlə lonnii! Ka ka mɛ̨ihaa, ka ka wəli tɔɔ! Yai-Laa ka wɔ Yálái aa ka kɛ a nwɔ nu huwu háákələi.

Dutɛrɔnome 23:14

Mąąnɛ̨ɛ̨ ka kwɛli hɛn da lɔ ka tiɛ̨ hu, ə gɛ, ka li ka lɔwɛi kɛi gbomoi, kaa lɔwa tee la, kaa ka lɔwɛi mɛ̨i kpulu la.

Levetekɔ 11:45

Mąąhɔlɔɓo, ɲą́ą́ Yai-Laa, ɲą́ą́ ɓə ka kulɔ Eziptə lɔi hu, ə gɛ, ŋį́ kɛ a ka wɔ Yálá; mąąnɛ̨ɛ̨ ka mąą ə həɠə, mąąhɔlɔɓo, mą́ą́həɠɛɛi.»

M̀ɛni-lɛɛi 21:3

Ɛlɛɛ, ŋą́ woo kɛnɛ̨ ta mɛ̨n yɛ həɠə dɔɔkpəlin ɉu, yɛ kɛ mą: «Yálá heei ka, da nu kanŋaa! Da diɛni di kaa pai heei kɛɛnąą tanɔ̨n. Di kaa pai kɛi a nwɔ nu huwu, ɛlɛɛ, yaa kpinįi ə ɓo a di wɔɔ Yálá, yɛ ɓo di pɔ.

Dutɛrɔnome 27:12

«Nuąi pai tɔɔi Garizimə yee nwuɔ̨, diɛ lúwɔ́ too nɔi lonnii diɛ, ɓɛlɔwai ka Ɉurdɛn yá teen na, diɛ ka: Simeɔn, Levi, Ɉuda, Isakarə, Ɉosɛfə da Bɛnɉamɛn.

Dutɛrɔnome 7:6

Mąąhɔlɔɓo, ka káá a nu huwu mąąhəɠɛɛ a Yai-Laa ka wɔ Yálái nwɔɔ. Kaa ɓə Yai-Laa ka wɔ Yálái ə ka həɠə ɉu nu huwuɠaa lɔwai; əgɛ, ka kɛ a nwɔ nu huwu yɛnɛ̨ɛ̨ nu huwuɠaa kəlee lɔwai.