Mąątɛ̨nɛ̨ 112:5 - Yálá laawoo hɛɓɛ (dc)

⁵ A nu ɲɛ̨imąąwɛli kaa yɛ kwələ tɔɔ, gaa pai gbɔwɔ mɛ̨nįɠaa ɲɛ̨i kulɔi tɛ̨ą pələ mɛ̨i.

Yálá laawoo hɛɓɛ

⁵ A nu ɲɛ̨imąąwɛli kaa yɛ kwələ tɔɔ, gaa pai gbɔwɔ mɛ̨nįɠaa ɲɛ̨i kulɔi tɛ̨ą pələ mɛ̨i.

Bible

⁵ Lûwa káa diai dîa díyee lá ƃôɔi kpa pili mɛ̂ni mai, díkɛ dípɔnii tɔ̂ɔ a teniŋ ƃô perei.

Mąątɛ̨nɛ̨ 112:5 Referans Kwoze

Mąątɛ̨nɛ̨ 37:21

Nu ɲɔ̨nwɔ̨ɔ̨ a hɛn ɉíŋɛ̨n, hva pənə hvo dɛɛ, tələnmomun a nu ɲɛ̨imąąwɛli kaa, yɛ nukpɔɔlaa kɛ.

Ifisiɛŋ 5:15

'Ká ká yíi pələ mąą kpɛɛ a nɛlɛɛ, 'ká hvo túwɔ́ yɛ kilikpɛɛɲəi-nuą, kɛlaa yɛ kilimąą nuą;

Hanwon 2:20

Ə́ wɛi, hvilɛn nu túwɔ́ pələ lɛlɛɛɠaa pulu, ə́ nu haŋąɠaa pɔɔn kɔ́ɔn.

Filipə 1:9

Yii ŋą́ vɛli, ká mąą mɛ̨nį ɓa ya ka: Gɛ́ ka wɔ wɛlikɛmąąlaa hu yɛ kɛnɛ̨ lɔ a yələ kəlee, da yɛ pɛlɛ mą mɛ̨nį kɔ́lɔnŋąą hu,

Ɉaan 6:12

Yii kɛa nu kəlee di pilɛ, Jesus ə mo nwɔ kalan nɛai diɛ, yɛ diɛ: «Ka nɛɠɛ kpuɔɠaa kəlee; yɛɠɛ; dɔ̨nɔ̨ kpɛli hvo lɛɛ tooni.»

Lomaŋ 12:11

'Ká hvo hviɲɛ kulɔ, ka kólo kɛ a hvaŋą lɔ laa, ka tí gu Nąmu ɓa ka kwəi tɔ̨nɔ̨ mɛ̨i.

Lomaŋ 5:7

Nu hva pɛli haai tələnmomun mąą mɛ̨nį ɓa. Gbəli hu nu ta a pɛli ə niikpələ ə haa nu túwɔ́ pələ lɛlɛɛ ta mąą mɛ̨nį ɓa.

Lukə 23:50

Hulɔnu ta ə kɛ laa diɛ kɛ nąą ɓaa: Ɉosɛfə, Ɉuifə taa ŋɛ̨i da kɛ mą: Arimate, nąą mun ni kɛ. Ɉulɔnui tii nii laaikɛ Yálá-taa tɔɔlaai pa mɛ̨nį mɛ̨i. Ə kɛ a tɔ́n vili nąmu ta, kɛlaa, nwun dɔɔ ŋɛ̨i di gɛ yɛ hvilɛn na Jesus paa mɛ̨nį ɓa, nwɛi hvo hvaa mą.

Lukə 6:35

Yaamun, ka ka yowoɠaa wɛli la kɛ, ka mɛ̨inɛ̨ɛ̨ kɛ diɛ, ka kwələ tɔɔ diɛ ka hvo gbɛ. Akɛti, ka wɔ hvɛla kulɔ kaa pai kɛnɛ̨i, ə lɛɛ, ka kɛ a Yálá lonni. Mąąhɔlɔɓo, nuąi di hvo mɛ̨inɛ̨ɛ̨ kɔ́lɔn, a mɛ̨inɛ̨ɛ̨ kɛ diɛ; ə mą kɛ túwɔ́ pələ ɲɔ̨n gɛ nuą.

Hanwon 17:18

Nui gili hvo ɲəi, ya ɓə a gbɔwɔ kɛ a nu takpɛli nwɔ kwələ kɛla, yɛ gbɔwɔ kwɛlɛ nu takpɛli ɓa.

Hanwon 12:2

Nu lɛlɛɛ a Yai-Laa ɲɛ̨i lɛlɛɛ hee gbɔwɔ ɓa, Kɛlaa, nui kiliŋąhiɛ ɲɔ̨nwɔ̨ɔ̨ kaa mą, Yai-Laa a ɉutɔɔ.

Kolosə 4:5

Nuąi di hvo a Kristalɛa, 'ká túwɔ́ pələ ə kɛ a nɛlɛɛ di ɲɛ̨i ɓa. Yíikuu kpuɔlon ká yəi, 'ká ɉon a nɛlɛɛ.

Gɛlaɠaa 11:24

Barnabasə, ə kɛ a nu haŋąą, Kili-Mąąhəɠɛɛ yɛ ɓo bɔ, da laa na laa. Nu kpulu kɛnɛ̨ ə hvilɛn gu Ną́mu pulu.

Hanwon 24:27

Ə́ kɛ kolóɠaa laa kulɔ ni ɲɛnɛ̨ɛ̨ pələ, ə́ ə́ pɔ yɛa mɛ̨nį ɲɛ̨i kulɔ; yili pulu, yá pɛli kɛa mą ə́ ə́ wɔ pɛ́lɛ́i tɔɔ.

Hanwon 18:9

Nui a gɛ koló kɛ a hviikpɛɛ, gaayɔwɔ ɓaa kɛɛ kalamun.

Nehemi 4:13

Gɛ́ galanɉonŋąą daa ɲąąwooɓo nuą, da nɔi lonnii takpɛliɠaa diɛ: «Goló kɛnɛ̨i, ŋąą kɛnɛ̨, ka gu taɠa-taɠa ɉįi mɛ̨i, gu mąą kwɛaa gu kee ɓa.