Mąątɛ̨nɛ̨ 111:4 - Yálá laawoo hɛɓɛ (dc)

⁴ Ə gɛ mɛ̨nį lɛlɛɛɠaa kili lɛɛ nuą ɲą, Yai-Laa nwɔ mɛ̨nį lɛlɛɛi, ɛlɛɛ nii nɛ̨ɛ̨ gwəi.

Yálá laawoo hɛɓɛ

⁴ Ə gɛ mɛ̨nį lɛlɛɛɠaa kili lɛɛ nuą ɲą, Yai-Laa nwɔ mɛ̨nį lɛlɛɛi, ɛlɛɛ nii nɛ̨ɛ̨ gwəi.

Bible

⁴ Yâwɛɛ fa ŋ̀wɛli kú nia gɛ́-mɛni kpaya-kpayai dîa. Zɔŋ lɛ̂lɛɛi, maloŋ kâa kɛ́ ƃò ǹyêei.

Mąątɛ̨nɛ̨ 111:4 Referans Kwoze

Azaya 63:7

Gáá pai Yai-Laa nwɔ mɛ̨inɛ̨ɛ̨ɠaa hukulɔi, nwələɠaai da Yai-Laa laa tɛ, mɛ̨nįɠaai Yai-Laa ə gɛ kuɔ, di mąą mɛ̨nį ɓa, a nwɛlikɛmąąlaa kɛnɛ̨i ə gɛ, Israɛlə nwɔ pɛlɛ́i ɓa, bələ ə ɉon na a lii nɛ̨ɛ̨ gwəi, yɛ mɛ̨inɛ̨ɛ̨ tamąą kɛ mą.

Mąątɛ̨nɛ̨ 103:8

Yai-Laa liinɛ̨ɛ̨i gwəi, a nu mąąwɛli kaa; hva níiholi ɉa, gaa a wɛlikɛmąą.

Mąątɛ̨nɛ̨ 86:5

Nwɔ́ mɛ̨nį Nąmu, yɛ́i ə́ wɔ mɛ̨nį lɛlɛɛ, yɛ́ nu mąąhvaalɛɛ; Ə́ wɔ ɲɛ̨imąąwɛlikaa hu kɛnɛ̨i, nuąi da ə́ hvɛli di mąą mɛ̨nį ɓa.

Mąątɛ̨nɛ̨ 145:8

Yai-Laa kili lɛlɛɛ gwəi, Níi nɛ̨ɛ̨ gwəi, hva nii holi ɉá, wɛlikɛmąą kili lɔ ɓə gwəi.

Mąątɛ̨nɛ̨ 112:4

Ə mą kɛ kpinįi ɓə, kɛɛ a pono kwəi kwələ nuą mɛ̨i, a nu mąąwɛli kaa, nii nɛ̨ɛ̨ gwəi, dələnmoɔ.

Mąątɛ̨nɛ̨ 78:38

Kɛlaa yaa ti nwɛi, a líinɛ̨ɛ̨ gwəi Yálá, hvo kɛi di hɔn ɉee gwəi, hvo di hukala, yaamun, ə kɛi di kɛ nɛ̨ŋɛ̨nŋaa hu pu; ɛlɛɛ, yɛ nwɔ liiholi huhon gbɔ kɛlɛ kɛlɛ di mąą mɛ̨nį ɓa, níilaai lɔ kɛ di pɔ,

Mąątɛ̨nɛ̨ 86:15

Kɛlaa Ə́ wɛi, nwɔ mɛ̨nį Nąmu, liinɛ̨ɛ̨ gwəi Yálá ɓaa a yɛ́, mɛ̨inɛ̨ɛ̨ kɛ Yálá ɓaa a yɛ́, Ə́ lii hva holi ɉa, Ə́ ɓo lɔ a wɛlikɛmąą, da tɛ̨ą.

Timote dɔlɔɔ 1:14

A tɛ̨ą, gu Ną́mu ŋą ɲɛ̨́imąąwɛlikaa tii, hu ə kɛnɛ̨ bɔ́ pələ, ə mą kɛ, laa na laa da wɛlikɛmąąlaai gaa gu Jesus Kristə hu.

Dutɛrɔnome 4:9

Ka ka kpɔwɔ hon a nɛlɛɛ, mɛ̨nįɠaa kpɔ ka gaa a ka ɲɛ̨ikɔw, nąą kili hvo kpɛɛ ka ŋą ka yíi hvóló kəlee hu; ka hvo lɛ̨ą mą, ka mɛ̨nįɠaa tii hukulɔ ka lonnii diɛ da ka mąnįn bulu mąnįnŋąą kəlee.

Kɔlɔnikɔ Veerɛi 30:9

Yaan, ka pulu pənə mɛ̨nį kaa pa Yai-Laa pɔ ɓə pai gɛi, ka kaayɔwɔɠaa da ka lonnii, ɲɛ̨imąąwɛli yɛ pɛli tooi la nuąi li a diɛ luwɔlaa hu diɛ, diɛ di lɛɛ laa, diɛ di pulu pənə diɛ pa ɓɛ nɔi. Hvó gaai ka wɔɔ Yálái Yai-Laa lii nɛ̨ɛ̨i gwəi, ɲɛ̨imąąwɛli yɛ ɓə ɲəi; nui a pa bɔ, hva ɲɛ̨i həɠəi ɲɛ̨i.»