Mąątɛ̨nɛ̨ 111:1 - Yálá laawoo hɛɓɛ (dc)

¹ 'Kánikookwəi! Gáá Yai-Laa laa tɛi a níi kəlee, Tələnmolonnii lɔwai, ɲąąkpɔn gɛnɛ̨ɛ̨ hu.

Yálá laawoo hɛɓɛ

¹ 'Kánikookwəi! Gáá Yai-Laa laa tɛi a níi kəlee, Tələnmolonnii lɔwai, ɲąąkpɔn gɛnɛ̨ɛ̨ hu.

Bible

¹ Ŋa pâi Yâwɛɛ láa maa tɛ̂i. Ŋa pâi ǹáa maa tɛ̂i ŋá zɛɣɛ̂i fé a ńii kélee, ƃɛ́i kélee deniŋ ƃô-ƃelai da díŋaa tɛ̀ naa mai.

Mąątɛ̨nɛ̨ 111:1 Referans Kwoze

Mąątɛ̨nɛ̨ 138:1

Davidə nwɔ wələ woo. Gáá ə́ laa tɛi a níi kəlee, gáá ə́ laa tooi a wələ haliɠaa ɲɛ̨i ɓa.

Mąątɛ̨nɛ̨ 149:1

'Kánikookwəi! 'Ka wələ nįnɛ̨ too Yai-Laa ɓa! 'Ka mąątɛ̨nɛ̨ nwɔ nuąi di wɔ ɲąąkpɔn ɉu!

Mąątɛ̨nɛ̨ 109:30

Gáá pai Yai-Laa laa tɛi kpɔ a nwóó kɛnɛ̨ɛ̨, gɛ́ dɛ̨nɛ̨ nu kpulu kɛnɛ̨ɛ̨ ɲɛ̨i ɓa.

Mąątɛ̨nɛ̨ 106:1

'Kánikookwəi! 'Ka Yai-Laa laa tɛ, mąąhɔlɔɓo nwɔ mɛ̨nį lɛlɛɛi nwɔ wɛlikɛmąąlaa ɲɛ̨n deei hvo mą!

Mąątɛ̨nɛ̨ 108:3

'Ka nwun! Bɛlɛgwəi da gololon gwɛnįn, gáá pai yələɓɔi nwun ɉii.

Mąątɛ̨nɛ̨ 89:5

Gáá ə́ huwula heei a yələ kəlee mɛ̨nį, ŋą́ dɔɔhvili kɛ a ə́ wɔɔ a kwɛlan gəlee mɛ̨nį.

Mąątɛ̨nɛ̨ 35:18

Yá gɛ tii, ŋą́ ə́ hɛɠɛɛɓo ɲąąkpɔn gɛnɛ̨ hu, gɛ́ ə́ mąątɛ̨nɛ̨ nu kpulu kɛnɛ̨ ɲɛ̨i ɓa.

Mąątɛ̨nɛ̨ 106:48

Mąąwiɛ 'ə kɛ Yai-Laa ɓa, yai a Israɛlə nwɔ Yálá! Wɔlɔ-wɔlɔ da wɔlɔ-wɔlɔ, və́ ɲɛ̨n dee li! Nɔi lonnii kəlee di mu hon, diɛ mą: «Yálá ə kɛ tii! Mįiną! 'Kánikookwəi!»

Mąątɛ̨nɛ̨ 89:7

Gbɛɛ ɓə yələkɔlɔn ɉu da Yai-Laa di pɛliɛ-o? Yáláɠaa lɔwai, nɛlɛ ɓə gaa yɛ Yai-Laa?

Mąątɛ̨nɛ̨ 22:25

Hvo gili kulɔ li mąą wɛlimun ɉu, nwɔ mąą wɛlilaa hu, hvo bulu tɔɔ li mą. Kɛlaa, wɔlɔi ə mo mą, ə nwoo mu hon

Mąątɛ̨nɛ̨ 107:32

Di gɛ̨nɛ̨ pələ hu kulɔ kan nɔi lonnii diɛ ɲąąkpɔn ɉu, di dɛ̨nɛ̨ galanɉonŋaa di wɔ nwundɔɔ hu.

Mąątɛ̨nɛ̨ 9:1

Nwələ ɲɛ̨itɔwɔmun, Davidə nwɔ wələ woo, ə doo a bɛlɛgwəi.

Mąątɛ̨nɛ̨ 103:1

Davidə nwɔ wələ woo. Nį́i! Yai-Laa mąąwiɛ, gɛ́ níí ə Naa mąąhəɠɛɛ mąąwiɛ.

Mąątɛ̨nɛ̨ 22:23

Gáá pai pənəi, gɛ́ ə́ laa lɛ ną́n nonnii diɛ, ɛlɛɛ, gɛ́ ə́ mąątɛ̨nɛ̨ ɲąąkpɔn gbɛa-kpɛa hu.