Mąątɛ̨nɛ̨ 110:6 - Yálá laawoo hɛɓɛ (dc)

⁶ Gaa lɔiɠaa kiti teei, nu powa yɛ pu geemɛ̨i yɛnɛ̨ɛ̨ nąą kəlee, gaa nuą wolo woloi, yɛ lɔi ɲąąwooɓo nuą nwun nwolo.

Yálá laawoo hɛɓɛ

⁶ Gaa lɔiɠaa kiti teei, nu powa yɛ pu geemɛ̨i yɛnɛ̨ɛ̨ nąą kəlee, gaa nuą wolo woloi, yɛ lɔi ɲąąwooɓo nuą nwun nwolo.

Bible

⁶ A pâi ǹɔii ŋuŋ-ŋai kula maa kɛ̂i, é dílaa fɛ́ɛ a poma-ŋa. A pâi ŋ̀éniɛi su kaloŋ-ŋai kélee yée mɛi ɣâlei.

Mąątɛ̨nɛ̨ 110:6 Referans Kwoze

Mąątɛ̨nɛ̨ 68:21

Ɲalái tii ɓə a kɔ́ nɛ̨ɛ̨ kuɔ, Ɛlɛɛ, haa pɛlɛ́ laaɓo kwɛli kaa Yai-Laa gu wɔ Yálái yəi.

M̀ɛni-lɛɛi 19:11

Yili pulu, ŋį́ yələkɔlɔn gaa naa ɓoɔ, hoo kwɛlɛɛ ta ə kulɔ laa, nui kɛ heeni mɛ̨i, naa ɓaa a: Tələnmo, da Tɛ̨ą. A kiti tee, ɛlɛɛ, yɛ kɔ́ kɔ́ a ɉaŋąą.

Ɉaan 5:22

Gbala ə tɔɔ, Ną́n va nu ta kiti tee, Ə gití təɛ kəlee mąąlaa tɛɛ Non bɔ.

Mise 4:3

Ya ɓə pai kɛi a lɔi tamąą lɔwai kiti teemun, lɔi kpɛa kpɛa lɔwai mɛ̨nį ɓomun, ə mą kɛ yiiɠaai kwɛa la. Di kaa pai kɛi di wɔ kɔ́ kɔ́ ɓɔwaɠaa yɔwii a kaliɠaa, diɛ di wɔ kpalaɠaai yɔwu a mɔ̨nun dee ɓɔwaɠaa. Lɔi ta hva kɛa pɛlɛ mɛlan nɔi ɓa a kɔ́, di hva kɛa di mąą kwɛli kɔ́ kɔ́wɔ ɓa.

Azaya 2:4

Ya ɓə pai hį́i kəlee yee lɔi gee hu, ya ɓə pai nuą lɔwai mɛ̨nįɠaa hutɔɔi, di wɔ ɓɔwa kwɛaɠaai ɓə gaa pai bɛlɛi gee ɓa, di gɛ a kali, di wɔ kpalaɠaai ɓə di kaa pai gɛi a mɔ̨nun dee kɛlɛlɛ, lɔi ta hva kɛa kɔ́ pɛlɛ mɛlan ma, lɔi ta hva kɛa kɔ́ kɔ́ɔ mąą kwɛli.

M̀ɛni-lɛɛi 14:20

Di viɲəɠaa tii yá kulɔ gɔwɔ́-la daa pulu pələ, ɛlɛɛ, ɲąmą ə kulɔ, ə tɛ kpɔ hoo-laa-kwɛli ɓa, ə laa nɔi mɛ̨i a kilə waa tɔ̨nɔ̨ pulu nwun mɛ̨ida.

Azaya 42:4

Nwɛi, vįi hvo pai kpɛɛi, di hva ɲee pɛlɛ lɔi ɓa, hvo kɛ li a kiti mɛ̨nį hee gban ɲą lɔi mɛ̨i, ɛlɛɛ, gboloyá hɛ̨ąi lɔiɠaa ɲɛ̨i kaa nwɔ tɔ́n nwooɠaa tɔwɔ.

Habakukə 3:13

Ya ə́ mąą lɛɠɛ ə́ wɔ nuąi diɛ, yɛ́ di mąą kpɔnmąą ɓo. Tɔɔmun yii ə́ ɉəɠə ɉu, ya mąą kpɔnmąą ɓo. Ya nwąnąlɔ nuą nwun nąmu kɛlɛ, yɛ́ ɲee pɔ nuą nwun napili hvina kulɔ

Izikiɛ 39:4

Ə́ kaa pai tooi Israɛlə yeeɠaa nwuɔ̨; yɛ́, ka yɛ́ kɔ́kulááɠaai, da nɔiɠaai ə́ yee mui; gáá pai ə́ tɛɛi kuwɔ́ɠaa pɔ a di kɔ̨nɔ̨n, da hɛn lɔpee a koon, da lɔwɔ huwɔɠaa pɔ.

Azaya 66:24

Nuąi daa di kwɛli tee ɲə́i, di powa kaa pai kɛi puuni, nuą da kulɔ, diɛ di kaa. Di mįi kóló hvo pai haai, di kələn nwɔ̨n va luwun di kaa pai kɛi a nu huwu kəlee mąą ɲɔw hɛn.

Azaya 51:5

Nwɔ́ kiti mɛ̨nį aa lɛɠɛ, nuą ɓalo mɛ̨nį pa hiɛ ka, ɛlɛɛ ɲéé kaa pai huwu kəlee kiti teei, ɲą́ą́ ɓə gboloyá hu lɔiɠaa kaa pai di kilitɔɔi mą́ą́, di ɲɛ̨i kaa pai kɛi dɔ́ɠɔ.

Azaya 42:1

Nwɔ́ tímun ga, yai dɔ́ɔ́ bulu, ŋą́ ɉəɠə mɛlaa lɔwai, gbíni ɓa mun ni, ya ɓə ŋą́ nwɔ́ Nį́i too ɉu, gaa pai hįį takpɛliɠaa di wɔ kiti mɛ̨nį kulɔi pɔ̨nɔ̨ŋą.

Azaya 11:3

Gilii tii ɓə pai, Yai-Laa mąąwiɛ mɛ̨nį lɛi mą, nu ɲɛ̨ilai hvəi a nu kiti tee la, hva hiɛ a diɛ-woo.

Samuɛlə dɔlɔɔ 2:10

Yai-Laa ɲowoɠaa hu kaa pai yalii. Gaa pai lɛɛi yələkɔlɔn ɉu yɛ nwɔ yələgbąnąą ɓɛla di mɛ̨i. Yai-Laa kaa pai lɔi pilɛɛ gee mɛ̨i kiti teei, gaa pai heeɓo laa tɛɛi nwɔ tɔɔmun bɔ. Nui a dɔɔi, ə́ mąątí a dɔɔ wulɔ, yɛ ɲɛ̨i pɔ̨nɔ̨.

Zɛnɛse 3:15

Gáá pai yowolaa tooi yɛ́ ka nɛ̨ɛ̨nu ka lɔwai, ŋį́ doo ə́ huwu da nɛ̨ɛ̨nu huwu di lɔwai. Nɛ̨ɛ̨nu huwu kaa pai ə́ nwun nwoloi, ə́ kaa pai nɛ̨ɛ̨nu huwu ɲin ɉii dunwo ɓa.»

Mąątɛ̨nɛ̨ 68:22

Kɛlaa, Yálá a ɲowoɠaa nwun ganin nwolo, a nuąi kpɔ tii, di yee kaa lɔ mɛ̨nį ɲɔ̨n ɉui, di nwun gbilɛɛɠaai tii, nu paa nwunŋaai tii, a di wolo.