Mąątɛ̨nɛ̨ 11:5 - Yálá laawoo hɛɓɛ (dc)

⁵ Yai-Laa a tələnmomun ɉu kɔ́ɔn, yɛ wɛli kpɛɛmąąlaa kulɔ a nu ɲɔ̨nwɔ̨ɔ̨, da wɛamun.

Yálá laawoo hɛɓɛ

⁵ Yai-Laa a tələnmomun ɉu kɔ́ɔn, yɛ wɛli kpɛɛmąąlaa kulɔ a nu ɲɔ̨nwɔ̨ɔ̨, da wɛamun.

Bible

⁵ A su-kɔɔ̂ŋ tɛ̀ɛ dɔ̃yâ-ƃelai pɔ́ da ŋ̀wana-lɔ̂ɔ-ƃelai. Vé ŋ̀wɛ́lini a ǹúui a mɛni-su karai.

Mąątɛ̨nɛ̨ 11:5 Referans Kwoze

Zĩi 1:12

Nwun na nɛ̨ɛ̨mun maa, nui a tɔɔ a nwalawalaa hukɔ́ɔn mɛ̨nį hu, mąąhɔlɔɓo, nui daa mąąkpɛɛ tii, a wala too, a yɛnɛ̨ɛ̨ hva kpɛɛ hɔlɔɓo a nwun ma ɓɔlɔ, yai, naakwɛlanmoɔi Yálá wɛli la kɛ nuą diɛ.

Piɛrə dɔlɔɔ 4:12

Nwɛ́likɛmąą nuą, hukɔɔn mɛ̨nį kpɛa-kpɛaa yiiɠaai da həli káá, yii a kɛ ka ɲɛ̨i ɓa yɛ mɛ̨nįi mąą hvo nɛ̨ɛ̨li hvo kɛ, yili hvo ka kwəi pili kaa.

Piɛrə dɔlɔɔ 1:7

əgɛ, ká wɔ laa na laai ɉu aa waa, yai viɛlaɓoɔ dɛɛ hɛnii da ɉu waa a nwɔ̨n mą, ə mą kɛ tii, ɉɛnii tii a kala lɔ, ká wɔɔ laa na laa tii, ə mąątɛ̨nɛ̨ laa, mąąwiɛlaa da ɓɛlɛlaa hɔlɔɓo, a ɲələi Jesus Kristə kaa pai gbɔwɔ lɛi la,

Mąątɛ̨nɛ̨ 26:2

'Mą́ą́kpɛɛ, Yai-Laa, 'ɉú kɔ́ɔn, níí da gwə́i 'di hu kaa, nwɔ̨n ma.

Mąątɛ̨nɛ̨ 7:9

Yai-Laa ɓə a lɔiɠaa kiti tee, Yai-Laa, gíti tee yɛ bələi də́lənmoɔi la, yɛ bələi gwə́i kwəlɛɛ la.

Zɛnɛse 22:1

Ɓɛlɔwai Isaakə ə kɛnɛ̨ la, Yálá ə Abrahamə hukɔɔn. Nąąlɔwai, Yálá ə Abrahamə təli, yɛ mą: «Abrahamə!» Abrahamə ə nwoo ŋąąpənə, yɛ mą: «Ną́mu, ɲą́ą́ kaa, nwɛ́li tɔɔi.»

Mąątɛ̨nɛ̨ 21:8

A tɛ̨ą, tɔɔmun gilitɔɔi Yai-Laa ɓa, ɛlɛɛ, Yələkɔlɔn ɉu Yálá nwɔ tələnmolaa a dɔɔ kpɔ gbilin.

Zakari 11:8

Yili pulu, ŋį́ daatɛlɛɛ pulu nuą haaɓai yee kulɔ ɲąnin dɔ̨nɔ̨ yeemu. Ɛlɛɛ, níí hvo kɛa lɛɛ a naa daatɛlɛɛɠaa pɔ, diɛ kpɛli mąn, di hvii ə kpɛɛ mą́ą́ mɛ̨nį hu.

Ɉeremi 12:8

Hvó gaai! Gwɛ́lin nɔi aa kɛ kɛa ɲə́i yɛ yala hilɛ; yɛ huluun mɛ̨́i! Yili ɓa, nwɛli hvo kɛa mą́ą́.

Mąątɛ̨nɛ̨ 139:1

Nwələ ɲɛ̨itɔwɔmun. Davidə nwɔ wələ. Yai-Laa! Yáá mą́ą́kpɛɛ! Yáá gwə́i mɛ̨nįɠaa, kɔlɔn,

Mąątɛ̨nɛ̨ 17:3

Yá gwə́i kili kaa, ə mą kɛ, kpinįi ɓə, yá búlú kwɛli; yáá ɉú kɔ́ɔn, hvó mɛ̨nį ta kaa li. Gɛɛ kíliŋąhiɛ hvo too mą́ą́, yáá mąn gɔlɔn.

Mąątɛ̨nɛ̨ 10:3

Nu ɲɔ̨nwɔ̨ɔ̨, a gbɔwɔ ɲąąkɛnɛ̨, a gwəi kiliɠaa hvulu hɛn gwɛlimun, a vulu hɛn tii ɉɔlɔɓo, yɛ tɛɠɛɓoɉulaa kulɔ a Yai-Laa, yɛ gonon dɔɔ mą.

Malasi 3:3

Gaa pai heei, ə gɛ, ə liɓi da nɔ̨nwɔ̨ di waa. Bələi tii da hɛni da wali kwɛli di waa la a nwɔ̨n, bələ ɓə gaa pai Levi nu huwu mąą həɠəi la. Nąąlɔwai tii ɓə, haláá laa həli nuą da Yálá kɔ́ hɛn naa həli la Yai-Laa ɓa a ɉaŋąą, yɛ bələi bɛliɛi la ɉu.

Zakari 13:9

Gáá pai ɉaaɓanąą tii tɛɛ nwɔ̨n ɉu, ŋį́ ɉu waa, yɛ bələi da wali hu waa la, ŋį́ ɉu həɠeen, yɛ bələi da hɛni hu həɠeen na. Gaa pai kɛi vɛ́lii, ɛlɛɛ, ɲą́ą́n, gɛ́ nwoo mu hon. Gáá pai kɛi diɛ: «Nwɔ́ nu huwu li.» Yaan gaa pai kɛi diɛ: «Nwɔ́ Yálá ɓaa a Yai-Laa.»

Mąątɛ̨nɛ̨ 5:6

Ɲąŋąɲąŋąmun va tɔɔ ə́ ɲɛ̨́i mu, Yá yowolaa kulɔ a mɛ̨nį ɲɔ̨n gɛ nuą kəlee.

Ɉeremi 20:12

Yai-Laa Mɛ̨nį Kəlee ŋą Hééɓomun, yɛ́i ya tələnmomun mąąkpɛɛ, yɛ́ goo kpala mɛ̨nį, da gwəi kiliŋąhiɛ kaa. Ə́ nwąną kulɔ mɛ̨nį nuą ŋɛ̨i diɛ, gáá pai naa kaai. Mąąhɔlɔɓo, yɛ́ ɓə ŋą́ą́ mą́ą́ mɛ̨nį lɛɛ ə́ yee kɔ́nma.