Mąątɛ̨nɛ̨ 108:6 - Yálá laawoo hɛɓɛ (dc)

⁶ Yálá! 'Ə́ muhəɠə, 'ə́ tɔɔ yələ kɔ́lɔn mɛ̨i, ə́ mąąwɛi pələ ə hee lɔi mɛ̨i.

Yálá laawoo hɛɓɛ

⁶ Yálá! 'Ə́ muhəɠə, 'ə́ tɔɔ yələ kɔ́lɔn mɛ̨i, ə́ mąąwɛi pələ ə hee lɔi mɛ̨i.

Bible

⁶ Kúŋuŋ ma ƃó a íwala-wala-laai í kúfɛli-wooi su too, a gɛɛ diai í díwɛlinii da pɔ̂ri kɛ̂i a díŋuŋ ma ƃóɔɔ.

Mąątɛ̨nɛ̨ 108:6 Referans Kwoze

Kolosə 3:12

Yii kani kɛa Yálá aa ká həɠə ɉu, aa ká mąąhəɠə, ká wɛli ə ɓo mąi; mąąnɛ̨ɛ̨: ɲɛ̨imąąwɛli kaa, liinɛ̨ɛ̨ gwəilaa, kpɔwɔ mąą yɛɛ laa, mɛ̨nį lɛlɛɛ kɛɛ, da liikpələ laa di kɛ ká yəi.

Dutɛrɔnome 33:12

Yɛ Bɛnɉamɛn nwɛi ɓa: «Yai-Laa liiɓa lon! Ə́ hvii tɔɔ Yai-Laa hvaŋąn mu a ə́ wəli pulu laɠiɛ; yai, a ə́ mɛ̨i kaa a yələ kəlee. Ɛlɛɛ, ə́ huwu lɔwai ɓə Yai-Laa a vįitɔɔ laa.»

Ifisiɛŋ 1:6

Ká gu Yálá mąmąɓo mɛ̨inɛ̨ɛ̨ kɛnɛ̨ɛ̨i aa gɛ guɔ nwɔ wɛlikɛmąą Lon ɉáálai, mąą mɛ̨nį ɓa.

Lomaŋ 1:7

Kaai ka káá a Yálá wɛlikɛmąą nuąi Romə, a mąąhəɠə nuą Yálá nwɔ təliɓo háálai, káá ɓə gáá ɉɛɓɛ́i ŋɛ̨i tɛɛi kaa, ə gɛ, ka kɛ a nwɔ nuą. Gɛ́ nwun nanɛ̨ɛ̨ da liilaa di kɛ ka pɔ gu Ną́n Yálá da gu Ną́mu Jesus Kristə laa hu.

Maafîu 17:5

Ə lɛɛ lɔ moi tii, tulɔ kpinįn ɉu ponoɔ̨ ta ə yɛɛ di mɛ̨i; woo ta ə kulɔ ɉu yɛ mą: «Nííɓa lon ga ŋɛ̨i, ya ɓə ŋą́ą́ mą́ą́ mɛ̨nįɠaa kəlee lɛɛ ma. Mąąnɛ̨ɛ̨ ka ka wəli tɔɔ nwoo ɓa!»

Maafîu 3:17

Woo ta ə kulɔ yələkɔlɔn ɉu, yɛ mą: «Nui ŋɛ̨i kaa a nííɓa Lon, ŋą́ą́ nííɓa mɛ̨nįɠaa kəlee lɛɛ mą.»

Ɉeremi 33:3

«Vɛ́li, ŋą́ ə́ woo mu hon, gáá pai mɛ̨nį kpɛa kpɛa kulɔi pɔ̨nɔ̨ŋa ə́ ɲɛ̨i ɓa, a mɛ̨nįɠaai di looɔ, yiiɠaai hvo gɔlɔn.

Azaya 65:24

Nąąlɔwai, gɛi di hvo pa kɛ də́lii, ŋį́ gbɛa di woo pulu pənə, Di woo a lɛɛ nii di lá, ɉɛn di vɛlii, ŋį́ dɛɛ di pɔ!

Mąątɛ̨nɛ̨ 54:1

Nwələ ɲɛ̨itɔwɔmun, gwɛnįn nwələ, Davidə nwɔ wələ.

Tɔɔɓɛlaa dɔlɔɔ 18:29

Hvóló paa kɛa nwun ma, di kɛi lɔ tomą, ə lɛɛ ɉu ə həli la yələwulii haláá kulɔi lɔwai ɓa. Kɛlaa woo ta hvo tɔɔ, di hvo woo ɲąą pənə hɔlɔɓo, mɛ̨nį ta hvo kɛ.

Tɔɔɓɛlaa dɔlɔɔ 18:24

Yili pulu, ka ka woo tɛ ka wɔ halii pɔ pələ, ɲą́ą́ gbɛli, ŋą́ nwoo tɛ Yai-Laa pɔ pələ. Ɲálá hveelɛ tii, yii a nwɔ̨n dɛɛ, a kɛ tii ya ɓə a Yálá hvulú mąą.» Nu kəlee diɛ mą: «Kwaa hvaa mą.»

Samia Veerɛi 12:25

Yai-Laa ə Natan tɔɔ Davidə pɔ ə mo mą, yɛ mą: «Nokoloi laa hee a Yedidya, mukulaa ɓaa: ‹nwɛli kaa Yai-Laa ɓa›, bələ ɓə Yai-Laa laa ə mo la.»

Lɛɛ gbɔwɔ ɓa 15:6

Ee! Yai-Laa Ə́ ɓa-mįi-yee aa gbɔwɔ lɛ a huwalawala laa, Yai-Laa Ə́ ɓa-mįi-yee aa Ə́ yowoɠaa hu wolo.

Tɔɔɓɛlaa dɔlɔɔ 18:26

Di di wɔ nįŋɛ̨i həɠə, ɛlɛɛ di baa; yili pulu, di di woo tɛ Baalə pɔ pələ, ə həɠə yələwala ɓa, ə lɛɛ ɉu hvóló ə haŋą; diɛ kɛ mą: «Baalə, ku woo pulu pənə!» Kɛlaa woo ta hvo tɔɔ, nu ta hvo kpɛli mɛ̨nį ta ɓo, di kɛi mąną di wɔ haláá kulɔi di bɛli níila.

Mąątɛ̨nɛ̨ 57:6

Yálá! 'Hąŋa 'ə́ tɔɔ yələ kɔ́lɔn mɛ̨i! Ə́ wɔ mąąwiɛ ə hee lɔi kəlee mɛ̨i.