Mąątɛ̨nɛ̨ 107:8 - Yálá laawoo hɛɓɛ (dc)

⁸ 'Di Yai-Laa hɛɠɛɛɓo kani, nwɔ wɛlikɛmąąlaa mąą mɛ̨nį ɓa; da mɛ̨nį ɲɛ̨ikɛnɛ̨ɠaai ə gɛ nu kanŋaa diɛi;

Yálá laawoo hɛɓɛ

⁸ 'Di Yai-Laa hɛɠɛɛɓo kani, nwɔ wɛlikɛmąąlaa mąą mɛ̨nį ɓa; da mɛ̨nį ɲɛ̨ikɛnɛ̨ɠaai ə gɛ nu kanŋaa diɛi;

Bible

⁸ Fɛ̂ɛ da Yâwɛɛ sɛɣɛ̂i fè ŋɔwɔ́lɔ-wɔlɔ wɛli kɛ́-maai da m̀ɛni kpaya-kpayai è gɛ̀ dîɛi, mɛni ma.

Mąątɛ̨nɛ̨ 107:8 Referans Kwoze

Danîa 6:27

Gáá tɔ́n dɔɔi ɓɛi kpɔ nwɔ́ tɔɔlaai ə həli laa, naa nuą kəlee diɛ, gɛ diɛ: Mąąnɛ̨ɛ̨ nu kəlee di ɲɔw Daniɛlə nwɔ Yálái ɓa, di mąąwiɛ. Mąąhɔlɔɓo: «Ya ɓə gaa a Yálá hvulú, Ya ɓə a Yai-Laa. Nwɔ tɔɔlaai hva kpɛɛ. Nwɔ heeɓolaa kpɛlai hvo mą.

Mąątɛ̨nɛ̨ 147:1

'Kánikookwəi! Nɛlɛɛ ɓaa, gu gu wɔ Yálái laa tɛ, Gu wɔ Yálái laa toɔ a wələ ɲąąnɛ̨ɛ̨ ɓə kɛnɛ̨,

Mąątɛ̨nɛ̨ 107:31

Di Yai-Laa nwɔ kulɔ nwoo ɓa laa laa tɛ, ɛlɛɛ, kpalo mɛ̨nįɠaai ə gɛ nukanŋaa diɛ mąą mɛ̨nį ɓa.

Mąątɛ̨nɛ̨ 78:4

Ku hvo pai di looi di lonnii diɛ, Kɛlaa, kwa nɛi háákələi nuą diɛ, da yiiɠaa pa lɛɛi di pulu, Yai-Laa laa tɛ mɛ̨nįɠaa da vaŋą kɛnɛ̨ pələ, da gbalo mɛ̨nįɠaai ə di kɛi, ku kaa pai di hukulɔi.

Mąątɛ̨nɛ̨ 107:21

Di Yai-Laa kulɔ mɛ̨nįnwoo ɓa laa tɛ kan, da gbalo mɛ̨nįɠaai ə di kɛ nukanŋąą diɛ.

Mąątɛ̨nɛ̨ 107:15

'Di Yai-Laa laa tɛ kani, nwɔ wɛlikɛmąąlaa mąą mɛ̨nį ɓa, da gbalo mɛ̨nįɠaai ə gɛ nu kanŋaa diɛ, mąą mɛ̨nį ɓa.

Azaya 63:7

Gáá pai Yai-Laa nwɔ mɛ̨inɛ̨ɛ̨ɠaa hukulɔi, nwələɠaai da Yai-Laa laa tɛ, mɛ̨nįɠaai Yai-Laa ə gɛ kuɔ, di mąą mɛ̨nį ɓa, a nwɛlikɛmąąlaa kɛnɛ̨i ə gɛ, Israɛlə nwɔ pɛlɛ́i ɓa, bələ ə ɉon na a lii nɛ̨ɛ̨ gwəi, yɛ mɛ̨inɛ̨ɛ̨ tamąą kɛ mą.

Mąątɛ̨nɛ̨ 111:4

Ə gɛ mɛ̨nį lɛlɛɛɠaa kili lɛɛ nuą ɲą, Yai-Laa nwɔ mɛ̨nį lɛlɛɛi, ɛlɛɛ nii nɛ̨ɛ̨ gwəi.

Dutɛrɔnome 32:29

Ə li kɛ kili kaa diɛ, də li gbaɠala kaa, də li kili hɔlɔɓo di tinąą mɛ̨nį hu.

Azaya 48:18

Ee kə! Akɛ kɛ ə́ ə́ wəli tɔɔ nwɔ́ tɔ́n nwooɠaai diɛ, ə́ wɔ liilaai ə li kɛ yɛ ya lee kɛnɛ̨, ə́ wɔ tələnmolaa ə ɓo yɛ gboloyá;

Mąątɛ̨nɛ̨ 34:3

Gwə́i kpɔ-kpɔɔ nɛ̨ɛ̨i Yai-Laa mąą mɛ̨nį ɓa, kpɔwɔ mąą yɛɛ nuą, ka nwóó mɛ̨n, 'ka kwəinɛ̨ɛ̨ kulɔ.

Dutɛrɔnome 5:29

Ə li kɛmun da naa kɛ di kwəi, diɛ ɲɔw Mą́ą́, diɛ nwɔ́ tíɓoɠaai kəlee kɛ a yələ kəlee, yili ə li kɛ a di wɔ nwun na nɛ̨ɛ̨, da di lonnii, kpɛɛ hvo li kɛ mą.

Mąątɛ̨nɛ̨ 40:5

Nwun nąnɛ̨ɛ̨mun maa nui a gilitɔɔ Yai-Laa ɓa, yai hva too huɲąŋą kɛnɛ̨ nuą pɔ; da nuąi lɛɛ mɛ̨nį aa di nwun ɉu lan.