Mąątɛ̨nɛ̨ 107:7 - Yálá laawoo hɛɓɛ (dc)

⁷ Ə di hvilɛn pələ haŋąą mɛ̨i, diɛ pɛli taa hɔlɔɓoi, nuą di ɓo ɉu.

Yálá laawoo hɛɓɛ

⁷ Ə di hvilɛn pələ haŋąą mɛ̨i, diɛ pɛli taa hɔlɔɓoi, nuą di ɓo ɉu.

Bible

⁷ È tɔ̀ɔ dítuɛ é sía a dia pere sã́a su, é lí a dia taa lêe su ƃɛ́i da pɔ̂ri seêi naai.

Mąątɛ̨nɛ̨ 107:7 Referans Kwoze

Ɉeremi 31:9

Di kaa pai ɲɛ̨iyá hu, diɛ kɛ mą: «Kookwəi!» Ɛlɛɛ, gáá pai tɔɔi di tɔwɔ, gɛ́ li a diɛ lɔiɠaa ya kaa di hu kɛnɛ̨. Diɛ tɛɛ a pələ hu pɔ̨nɔ̨ɔ̨, di hva kalin. Gáá kɛi a Israɛlə nąn, Ɛfraimə kaa a nón nu pɔlɔ laa mun.

Hebreu 12:22

Kɛlaa, ká wɛi, káá ká mąąlɛɠɛ Siɔn yee ɓa, da Yálá hvulú nwɔ taalee kɛnɛ̨i, a Ɉerusalɛmə yai yələi, da malaka kpulu waa tamąąi di ɲąąkpɔnŋąą hɛli hu,

Mąątɛ̨nɛ̨ 77:20

Ə́ ə́ kpaalə laa gboloyá ŋą, yɛ́ tɛɛ yá kpon ɉu kwɛaɠaa hu, nui lɔpee ta hvo ə́ pɔɔ kaa.

Piɛrə veelɛ 2:15

Daa həɠə tɛ̨ą pələ mɛ̨i, daa hvilɛn lan bələ mɛ̨i. Bosɔrə lon Balaamə nwɔ pələi ɓə daa hvilɛn mɛ̨i. Hɛn nwɛli laa mąą mɛ̨nį ɓa, Balaamə ə túwɔ́ pələ ɲɔ̨n gɛ, ə gɛ. Ə wali hɔlɔɓo.

Hebreu 11:16

A tɛ̨ą, lɔi yii viɛlaɓoɔ, yai gaa yələkɔlɔn ɉu, ya ɓə di kɛli gwɛli. Yili ɓə gɛ, Yálá hva nwumɛ̨ naa heei a di wɔ Yálá, hvó gai, aa taa nįnɛ̨ ta tɔɔ, a di wɔɔ.

Azaya 30:21

Woo kaa pai kɛi tooi ka wəlii, yɛ ka tənən dɔɔ, akɛ mąąnɛ̨ɛ̨ ka li ɓa-mįi-yee hu pələ, a wala kɛti kɛɓɛyee hu pələ, yɛ kɛ kaa: «Bələ ka, 'ka ɉon na.»

Mąątɛ̨nɛ̨ 107:36

Ə pulu həɠə nuą hee laa, diɛ taa tɔɔ nąą, a nu hee taa.

Mąątɛ̨nɛ̨ 107:4

Daɠaa di lan lɔi pun ɉu, pələ puɔɠaa hu, di hvo kɛi taa kaa, yii nu a kɛ ɉu.

Mąątɛ̨nɛ̨ 78:52

Ə nwɔ nuąi kulɔ laa, yɛ li a diɛ yɛ taatɛlɛɛ kpulu, ə li a diɛ nɔi pun ɉu, yɛ ɓɛlaa haaɠaa.

Nehemi 11:3

Nɔi ɲąąwooɓo nuąi pa heei Ɉerusalɛmə daai, di laa ka: Ə gɔwɔ tɔɔ Ɉuda taaɠaa hu, Israɛlə, ɉaláá laa həli nuą, Levi huwuhu nuą, ɉaláá koló kɛ nuą, da Salomɔn nwɔ tínuą lonnii nu kəlee ə hee nąn gwɛlin mɛ̨i, bɔ taai.

Piɛrə veelɛ 2:21

Mąąhɔlɔɓo, viɛlaɓoɔi kɛ, di lɛɛ di kpɔɔ ɓa, ə tɛɛ dɛ̨ą pələi ŋɛ̨i kɔ́lɔn ŋąą ɓa di yəi, di pənə di həɠə Yálá nwɔ liɛwoo lɛlɛɛ ŋɛ̨i mɛ̨i, yii di mɛ̨n.

Ɉeremi 31:24

Ɉuda da nwɔ taaɠaai kəlee, di kaa pai heei laa di kee pɔ; tíi kɛ mun da taatɛlɛɛ mɛ̨i kaa mun.

Ɉeremi 6:16

Yai-Laa yɛ diɛ: Ka tɔɔ tai, bələɠaa mɛ̨i, ka ka ɲɛ̨i laa! Ka ka hiɛ pələ pɔlɔ mɛ̨i kaa; ka mąąni kɛ kɛ; kaa diɛ: mįnɛ̨ pələ ɓə nwun na nɛ̨ɛ̨ pələ kaa la! Ɛlɛɛ, ka ɉon na. Ka káá pai hvįįtɔɔ hɔlɔɓoi ka wɔ yɛnɛ̨ɛ̨ hu. Kɛlaa ka káá kɛi diɛ: «Ku hvo ɉon ɉii la!»

Azaya 48:17

Yai-Laa woo ka, yai tii ə́ nwun mąąɓoi, Israɛlə nwɔ nu mąąhəɠɛɛi, Ɲą́ą́ Yai-Laa, ɲą́ą́ ɓə gáá a ə́ wɔ Yálái, yai a ə́ mąąkwɛli, yɛ pɛli ɉu tɔ̨nɔ̨ hɔlɔɓoi, yai gɛ bələi tii yáá ɉon na, yɛ́ hiɛ mɛ̨i.

Mąątɛ̨nɛ̨ 136:16

Ə li a nwɔ nuąi nɔi pun ɉu! Mąąhɔlɔɓo, nwɔ wɛlikɛmąąlaa ɲɛ̨n deei hvo mą!

Lonon mo 9:22

Dulɔ kpinįn a kɛ lɔ pɛlɛ ni gələ mɛ̨i, bələi lɔ a lamun na laa, bələ lɔ ɓə diɛ kpɛli da lamun na gɛɛnąąi tii, yɛi kɛ a hvóló hveelɛ, ɲąnin dɔ̨nɔ̨, a wala kɛ tii a lɔwai hu kwɛaa, Israɛlə lonnii da kɛ lɔ gɛɛnąąi tii, di hva həɠə laa. Ɲələi dulɔ kpinįn a muhəɠə la, ɲələ ɓə da li la.

Azaya 32:18

Nwɔ́ nu huwui kaa pai heei liilaa lɔi hu, di wəli pulu laɠiɛ di wɔ pɛlɛ́ɠaai mu, hvįįtɔɔ ɲąąlaɠiɛ hu.