Mąątɛ̨nɛ̨ 106:8 - Yálá laawoo hɛɓɛ (dc)

⁸ Kɛlaa, ə di ɓalo, Naa mąą mɛ̨nį ɓa, yɛ vąŋą lɛ la tii diɛ.

Yálá laawoo hɛɓɛ

⁸ Kɛlaa, ə di ɓalo, Naa mąą mɛ̨nį ɓa, yɛ vąŋą lɛ la tii diɛ.

Bible

⁸ Kɛ́lɛ è díŋuŋ maa ƃò yɛ̂ɛ berei è góno tèe lai, a gɛɛ é ŋɔwála-walai lɛ́ dîa.

Mąątɛ̨nɛ̨ 106:8 Referans Kwoze

Izikiɛ 20:9

Kɛlaa ə mą kɛ ti, ŋą́ gíliŋa hiɛ náá mąą mɛ̨nį ɓa, ə gɛ mɛ́lɛ hvo pa lee kpɛɛ mą́ą́ ɉįi takpɛɠaa di wɔ lɔi hu nuą ɲɛ̨i ɓa. Ŋą́ gbɔ́ɔ́ lɛ diɛ nɔiɠaa tii ɲɛ̨i ɓa, a di kulɔi ŋą́ mo Eziptə lɔi hu.

Lɛɛ gbɔwɔ ɓa 9:16

Kɛlaa, ŋą́ ə́ lɛɛ a ə́ hvulú, ŋą́ nwɔ́ huwalawala laa lɛ yɛ́, əgɛ Náá ə tɛ lɔi mɛ̨i nąą kəlee.

Izikiɛ 20:14

Kɛlaa ə mą kɛ tii, ŋą́ gɛ́ mɛ̨nį kɛ ɉu; náá mąą mɛ̨nį ɓa, mɛ́lɛ hvo pa lee kpɛɛ mą́ą́, lɔiɠaa ɲɛ̨i ɓa; a diɛi tii ŋą́ Israɛlə kulɔ nuwɔ laa hu di ɲɛ̨i ɓai.

Lomaŋ 9:17

Bələ ɓə Ɉɛɓɛ́ ə mo la Eziptə tɔɔmun ma, yɛ mą: «Ŋą́ ə́ kɛ a tɔɔmun, ə gɛ, ŋą́ nwɔ́ huwalawalaa lɛ ə́ yee hu, lɔi mɛ̨i nuą kəlee di náá kɔ́lɔn.»

Izikiɛ 20:44

Ka gili kɔ́lɔn kaa kɛ, ɲą́ą́ ɓə gáá a Yai-Laa; a ka hon gáá pai moi, a nɛlɛɛ, náá mąą mɛ̨nį ɓai. Vá gíli lɛɛ ka túwɔ pələ ɲɔ̨nwɔ̨ɔ̨, da ka yíi pələ mąąliɓiɛ hu. Mɛ̨nį kəlee ŋą Hééɓomun Yálá woo li.»

Izikiɛ 20:22

Kɛlaa, ŋą́ ɲéé yali bulu, ŋą́ gɛ́ mɛ̨nį kɛ, náá mąą mɛ̨nį ɓa; náá hvo pa ləi pu, nɔiɠaai tii di kɛ ɉu, gɛ́ di kulɔ laa, yiliɠaai ɲɛ̨i ɓa.

Ɉeremi 14:21

Yai-Laa, ə́ laa mąą mɛ̨nį ɓa, hvo gɛ nuą di hvo tɛɠɛɓo ə́ laa hu, hvo ə́ wɔ tɔɔkpəlin nwɔ mąąwiɛ ɓɛlɛkpɛɛma; Ə́ kiliŋąhiɛ mįnɛ̨i gwa gaani gu ɉəɠə mą, hvo lənə mą.

Zasua 7:9

Kanaan nuą, da nuąi kpɔ di heɛ kaa nɔi ŋɛ̨i hu, daa mɛ̨nįi ŋɛ̨i bələ mɛ̨n, di kaa pai tínɛ̨n ɉii kuɔ, di ku laa waa lɔi mɛ̨i. Akɛ tii, naa kɛnɛ̨i ŋɛ̨i gaa yɛ́, yá gɛ ləi?»

Lɛɛ gbɔwɔ ɓa 15:6

Ee! Yai-Laa Ə́ ɓa-mįi-yee aa gbɔwɔ lɛ a huwalawala laa, Yai-Laa Ə́ ɓa-mįi-yee aa Ə́ yowoɠaa hu wolo.

Ɉeremi 14:7

Yii kuɔ nɛ̨ŋɛ̨nŋaa kaa ku hɔn moi, Ə́ wɛ́i Yai-Laa ə́ kɛ mɛ̨nį kɛ ɉu; ə́ laa mąą mɛ̨nį ɓa A tɛ̨ą, kwaa lənə yɛ́ gee mɛ̨i pow lee pow, kwaa ku hɔn gɛ a yɛ́.

Mąątɛ̨nɛ̨ 143:11

Yai-Laa, ə́ laa mąą mɛ̨nį ɓa, vúlúmąą ə lɛɛ yɛnɛ̨ɛ̨, yɛ́ tələnmolaa haalai, gúlɔ mɛ̨nii.

Mąątɛ̨nɛ̨ 111:6

Ə gɛ mɛ̨nįɠaa hvaŋą kɛnɛ̨ pələ lɛ nwɔ nu huwui ɓa, a lɔiɠaa di wɔ hɛngɔw tɛɛi ə mo di bɔ.

Lɛɛ gbɔwɔ ɓa 18:8

Mɛ̨nįɠaai kpɔ Yai-Laa ə gɛ a Eziptə tɔɔmun da nwɔ nuąi diɛ, Israɛlə nuą mąą mɛ̨nį ɓa, Moisə ə gəlee hukulɔ mɔlɔ́ ɓa. Mɔ̨nɔ̨ɠaai laa diɛ bələ pɔ, da bələi Yai-Laa ə di kulɔ la ɉu, ə gəlee hukulɔ.

Zasua 4:24

Ə yili kɛ tii, ə gɛ, nu kəlee di gɔlɔn diɛ Yai-Laa ɓə ɲee wala-walaa, ə lɛɛ ka ɲɔw mą, yai gaa a Yai-Laa ka wɔ Yálá a yələ kəlee.»

Samuɛlə dɔlɔɔ 12:22

Mąąhɔlɔɓo, Yai-Laa hvo pai ɲee kulɔi nwɔ nu huwui mu, gbala ə tɔɔ, naa kɛnɛ̨i. Ɛlɛɛ, ə nɛ̨ɛ̨ a Yai-Laa lii, ə ka kɛ a nwɔ nu huwu.

Mąątɛ̨nɛ̨ 23:3

Yɛ nį́ilɔ. Tələnmo pələ mɛ̨i ɓə a vílɛn naa, Naa mąąwiaa, mąą mɛ̨nį ɓa.

Azaya 48:9

Kɛlaa náá mąą mɛ̨nį ɓa, gáá nwɔ́ liiholii yalii bulu, gáá ɉu hon ɉii, mą́ą́wiɛ mɛ̨nį ɓa, ə́ mąą mɛ̨nį hvəi; və́ pa nee ə́ mąą mɛ̨nį kulɔ níí hu,