Mąątɛ̨nɛ̨ 104:14 - Yálá laawoo hɛɓɛ (dc)

¹⁴ Yá kalaɠaa ɓɔn lɔi mɛ̨i, taatɛlɛɛɠaa kɔ̨nɔ̨n mɛ̨nį ɓa, nu kan ɲɛ hihɛn ɲɛa, yɛ gɔ̨nɔ̨n ɉɔlɔɓo ɉu lɔi yəi.

Yálá laawoo hɛɓɛ

¹⁴ Yá kalaɠaa ɓɔn lɔi mɛ̨i, taatɛlɛɛɠaa kɔ̨nɔ̨n mɛ̨nį ɓa, nu kan ɲɛ hihɛn ɲɛa, yɛ gɔ̨nɔ̨n ɉɔlɔɓo ɉu lɔi yəi.

Bible

¹⁴ Ya gɛ̀ kala-ŋa dí kpɛtɛ daa-tulɛ-ŋai mɛni ma, da sí-sãa kúai a núu-kpunei, kúmɛni ma, nyii kwa pɔ̂ri dísîi, díkɛ ƃûu ƃò díkɛ ƃò a kúkɔnɔŋ ǹɔii ma ƃɛ́.

Mąątɛ̨nɛ̨ 104:14 Referans Kwoze

Mąątɛ̨nɛ̨ 136:25

A kɔ̨nɔ̨n dɛɛ nɔ̨ɔ̨-nɔ̨ɔ̨ hɛn gəlee pɔ! Mąąhɔlɔɓo, nwɔ wɛlikɛmąąlaa ɲɛ̨n deei hvo mą!

Zôo 28:5

Kɔ̨nɔ̨n a lɛlɛ lɔi mɛ̨i pələ, Kɛlaa mu pələ ə ɓo yɛ nwɔ̨n a nąą kələn.

Korɛntə dɔlɔɔ 3:7

Yili ɓa, nui ɉin hvo a hɛn da, nui nwɔ̨nɔ̨ ɲá pu mą, hvo a hɛn da, Yálá yaa tanɔ̨n lɔ ɓə naa kaa mą, yai gɛ, yɛ kɛnɛ̨.

Zɛnɛse 9:3

«Nɔ̨ɔ̨-nɔ̨ɔ̨ hɛnŋąąi kpɔ di kaa lɔi mɛ̨i, gəlee kaa a ka kɔ̨nɔ̨n, ŋą́ą́ yiliɠaai kəlee tɛɛ ka pɔ, yɛ pələi ŋį́ kala nwunŋąą kəlee tɛɛ la, gəlee kaa nwɔ̨nɔ̨ a ka wɔɔ.

Zɛnɛse 3:18

Lɔi kaa pai ɲąąlən da ɲąąlən nwuluɠaa kulɔi ə́ mąą mɛ̨nį ɓa. Tíi kɛɛ ɓə, ə́ kɔ̨nɔ̨n a kulɔ ɉu.

Zôo 38:27

Yɛ lɔi hu kpalaa laahvɛɛ a ya, yɛ́ gɛ kalaɠaa diɛ ɓɔn mɛ̨i?

Zooɛ 2:22

Lɔwɔ huwɔɠaa! Ka hvo kɛa ɲɔw! Lɔwɛi kalaɠaa daa tɛlin wuluɠaa daa ɓa. Ɓɔɔlaa wulu da viɲəɠaa yeelaa aa hvólóon.

Tɔɔɓɛlaa dɔlɔɔ 18:5

Akabə yɛ Ovadiahu ɓa: «'Li, nɔi ɲa nwun gulɔi kəlee ɓa, moloon gəlee hu, gbəli hu gu kaa pai kala tiliin ɉɔlɔɓoi, ə kɛ a díɲɛ̨-həɠə hooɠaa da ɉooɠaa kɔ̨nɔ̨n, diɛ pɛli lɛɛi gu yəi a di hvulú. Ɛlɛɛ, gu hva kiɛ kpaan daatɛlɛɛɠaa bələ tɔ̨nɔ̨ paai.»

Zɛnɛse 2:9

Wuluɠaai kpɔ ma nɛ̨ɛ̨, gaa ŋąąnɛ̨ɛ̨, ɛlɛɛ, mį́iɛ ɲąąnɛ̨ɛ̨, Yai-Laa ə di hin nąą ɲɛa. Ə yɛnɛ̨ɛ̨ kɛ wulu hin ɲɛa hamąi, ɛlɛɛ, da mɛ̨nį lɛlɛɛ da mɛ̨nį ɲɔ̨nwɔ̨ɔ̨ di kɔ́lɔn nwulu.

Zɛnɛse 4:12

Yili ɓə gaa mą, ə mą kɛ yaa kóló kɛ lɔi ɓa, hvo kɛa pai hɛn da tɛɛi ə́ pɔ. Ə́ kaa pai lɛɛi a nu kpoloon, yɛ́ gilɛ həɠə lɔi mɛ̨i.»

Zɛnɛse 2:5

Wulu tɔ̨nɔ̨ kpɛli hvo kɛ lɔi mɛ̨i, ə mą kɛ kala ɓɔn dɔ̨nɔ̨ kpɛli, hvo ni kɛ ɓɔn ni lɔi mɛ̨i. Mąąhɔlɔɓo, Yai-Laa hvo ni kɛ tulɔ pu li lɔi mɛ̨i, ɛlɛɛ, nu hvo ni kɛ lɔi mɛ̨i, yii a kóló kɛ lɔi ɓa.

Dutɛrɔnome 11:15

Gaa pai kɛi kala tiliin dɛɛi ka wɔ taatɛlɛɛɠaai pɔ, kaa kɔ̨nɔ̨n mįi kaa pilɛ ɉu.

Hanwon 27:25

Da kala kpala paa, nįnɛ̨ a tíliin, nįnɛ̨ kaa lɔ tíliin ɉi, ka gbalaɠaa yɛɠɛ ɲeeɠaa nwuɔ̨.